2 कुरुन्थियों 10:15 - चम्बयाली नौआ नियम

¹⁵ असी सीमा का बाहर दूज्जेयां री मैहनत पर गर्व नी करदे, पर असा जो आस है कि जिस तरिक्के कने तुसा रा विश्वास बदधा जाणा तिस तरिक्के कने असी अपणी सीमा रे हिसाब कने तुसा री वजह कने होर भी जादा लोक्कां जो मसीह रा सुब बसेख सूणाई सकणा।

2 कुरुन्थियों 10:15 ပူးပေါင်းရင်းမြစ်များ

प्रेरितां रे कम्म 5:13

पर होर लोक्कां बिच का कुसकी जो ए हिम्मत नी हुदी थी कि तिन्हा प्रेरितां बिच जाई मिल्ले, तां भी मणू तिन्हेरी बड़ाई करदे थिये।

रोमियों 15:20

पर मेरे मन री चाह्‍त ए है, कि जिस-जिस जगाह् बिच मसीह यीशु रा सुब बसेख नी सुणाया गेया, तित्ते ही सुब बसेख सूणां। ताकि इय्यां ना हो कि इदेइ जगाह् पर कम्म करां जित्ते कुसकी होर ने पैल्ले का कम्म सुरु कित्ते रा हो।

2 कुरुन्थियों 10:13

असी तां तिस कम्म री सीमा का बाहर कदी भी गर्व नी करणा जे कम्म परमेश्वर ने असा जो दित्ते रा है, पर तिस्सी सीमा तक जे परमेश्वर ने असा तांइ ठैहराई दित्ते री है, ते तिस बिच तुसा भी आई गेरे हिन, ते तिन्हा कम्मां री सीमा बिच ही गर्व भी करणा।

2 थिस्सलुनीकियों 1:3

ओ संगी विश्वासियों, असा जो तुसा तांइ हमेसा परमेश्वर रा शुकर करणा चाएदा। इय्यां करणा ठीक है किजोकी तुसा मसीह बिच विश्वास करणे बिच होर जादा मजबूत होया करदे हिन ते तुसा बिच आपसी प्यार भी बदेया करदा है।