2 कुरुन्थियों 10:13 - चम्बयाली नौआ नियम

¹³ असी तां तिस कम्म री सीमा का बाहर कदी भी गर्व नी करणा जे कम्म परमेश्वर ने असा जो दित्ते रा है, पर तिस्सी सीमा तक जे परमेश्वर ने असा तांइ ठैहराई दित्ते री है, ते तिस बिच तुसा भी आई गेरे हिन, ते तिन्हा कम्मां री सीमा बिच ही गर्व भी करणा।

2 कुरुन्थियों 10:13 ပူးပေါင်းရင်းမြစ်များ

मत्ती 25:15

तिन्ने इक्क जो पंज तोड़े, अते दूए जो दो, ते त्रिये जो इक्क से हर इक्क जो उसेरी काबलियत रे हिसाब कने देई करी परदेस जो चली गेया।

रोमियों 10:18

पर मैं बोलदा कि इस्राएल रे लोक्कां ने मसीह रे बारे बिच बसेख सुणे रा ही है। जिय्यां कि पवित्रशास्त्र बिच लिख्खे रा है, “तिन्हेरा बसेख पूरी दुनिया बिच फैल्ली गेया, ते तिन्हेरा संदेश, दुनिया रे इक्क कुणे का दूज्जे का कुणे तिकर पूज्जी गेया।”

रोमियों 12:3

किजोकी जे अनुग्रह मेरे जो मिल्ले रे तिस अनुग्रह री वजह कने मैं तुसा बिच का हर इक्क जो बोलदा कि जिन्ना अप्पु जो समझणा चाएदा, अप्पु जो कोई तिसका जादा ना समजे पर जिय्यां परमेश्वर ने हर इक्क जणे जो दित्ते रा तिस विश्वास रे नाप रे हिसाब कने, ठीक समझ कने अप्पु जो तिन्ना ही समजे।

रोमियों 12:6

हालांकि असा जो परमेश्वर का मिल्ले रे तिस अनुग्रह रे हिसाब कने, बखरे-बखरे वरदान मिल्ले रे हिन। तां जिस जो भविष्यवाणी करणे रा वरदान मिल्ले रा हो, तिसजो पूरे भरोस्से कने से भविष्यवाणी करणा चाएदी जे गल्लां परमेश्वर ने तिसजो दस्से री हिन।

रोमियों 15:20

पर मेरे मन री चाह्‍त ए है, कि जिस-जिस जगाह् बिच मसीह यीशु रा सुब बसेख नी सुणाया गेया, तित्ते ही सुब बसेख सूणां। ताकि इय्यां ना हो कि इदेइ जगाह् पर कम्म करां जित्ते कुसकी होर ने पैल्ले का कम्म सुरु कित्ते रा हो।

1 कुरुन्थियों 12:11

पर इन्हा सारी खुबियां रा जरिया सिर्फ पवित्रात्मा है ते से ही हिन जे अपणी मर्जी रे हिसाब कने सारेयां बिच से खुबियां बंडदे।

इफिसियों 4:7

पर मसीह यीशु ने असा सारेयां जो अपणे अनुग्रह रे हिसाब कने बखरे-बखरे दान दित्ते रे हिन।

1 पतरस 4:10

हर इक्क जणे जो परमेश्वर का कोई वरदान मिल्ले रा है ते तिन्हा जो तिस वरदान रा इस्तेमाल दुज्जेया री सेवा करणे तांइ करणा चाएदा। तिन्हा जो तिस वरदान रा इस्तेमाल परमेश्वर रे सेवादार मणूआं री खात्तरदारी करणे तांइ भी करणा चाएदा।