2 कुरुन्थियों 1:9 - चम्बयाली नौआ नियम

⁹ बल्कि असी ए मन्नी लेया थिया कि अवे असा जो मारी दित्ता जाणा, पर आखिरकार असी अप्पु रा भरोसा छड्डी करी परमेश्वर पर ही पूरे तरिक्के कने भरोस्सा रख्खेया जे मरे रे लोक्कां जो भी जिन्दा करी दिंदे।

2 कुरुन्थियों 1:9 ပူးပေါင်းရင်းမြစ်များ

लूका 18:9

ते यीशु ने इक्क उदारण तिन्हा लोक्कां जो सुणाया जे अप्पु जो बड़ा पवित्तर मनदे थिये ते दूए लोक्कां जो अप्पु सामणे किच्‍छ नी समजदे थिये,

रोमियों 8:36

जिय्यां कि पवित्रशास्त्र बिच लिख्खे रा है, जित्ते दाऊद ने परमेश्वर जो बोल्ले रा है “असी तेरे तांइ हमेसा मौत रे खतरे बिच रैहन्दे, असी मारे जाणे वाली भेड़ां सांई गिणे गेरे हिन।”

2 कुरुन्थियों 1:10

तिन्हा ने असा जो मौत रे बड़े बड्डे खतरे का बचाया, ते अग्गे भी बचाणा। असा ने तिन्हा पर आस रख्खे री है, कि तिन्हा ने असा जो बचांदे रैह्णा।

2 कुरुन्थियों 1:8

ओ मेरे संगी विश्वासियों, असी ए चांह्दे कि तुसा तिन्हा जुल्मां रे बारे बिच जाणो, जे असा जो एशिया प्रदेश बिच झेलणा पे, तित्ते असी असा री सैह्‍णे री ताकत का केई जादा तकलीफ बिच फसी गे थिये, इत्ते तक कि असा रे जिन्दे बचणे री भी कोई उम्मीद नी बची थी।

2 कुरुन्थियों 3:5

असी नी बोलदे कि असा बिच अप्पु किच्‍छ करणे री काबलियत है, पर परमेश्वर असा जो ए सब करणे री काबलियत दिंदे।

2 कुरुन्थियों 4:7

असी मिट्टी रे भांडेया सांई हिन जिन्हा बिच इस धन्न जो जमा करी के रख्खेया गे रा है, किजोकी ए असीम ताकत असा रे पास्से का नी पर परमेश्वर रे पास्से का है।

इब्रानियों 11:19

किजोकी अब्राहम ने मन्नी लेया थिया, कि परमेश्वर इन्ना ताकतवर हिन कि तिसेरे मुंडे इसहाक जो मरेयां बिच का भी जिन्दा करी देण: ते इक्क तरिक्के कने तिसेरा मुंडा मुर्देयां बिच का फिरी जिन्दा होया ही थिया।