2 कुरुन्थियों 1:6 - चम्बयाली नौआ नियम

⁶ असी इस उम्मीद बिच जुल्म सहन करदे कि जिय्यां परमेश्वर ने असा जो तसल्ली दित्ती, तिय्यां ही तिन्हा ने तुसा जो भी तसल्ली दैणी। से तसल्ली मिलणे री वजह कने तुसा भी बड़े सबर कने तिन्हा जुल्म जो सेइ लैणा जिन्हा जो असी भी सहन करेया करदे हिन।

2 कुरुन्थियों 1:6 ပူးပေါင်းရင်းမြစ်များ

प्रेरितां रे कम्म 21:5

जां से दिन पूरे होई गे, तां असी तित्ते का चली पे ते सबनां ने जनानियां अते निके-निक्केयां समेत असा जो सहर का बाह्र तांइ पूजाया ते असा ने कनारे पर जाह्न्नु रे भारे बेई करी प्रार्थना कित्ती

रोमियों 8:28

असी जाणदे कि परमेश्वर हर गल्ल बिच तिन्हा लोक्कां कने भलाई करदे जे तिन्हा कने प्यार करदे। परमेश्वर ने तिन्हा लोक्कां जो अपणे मकसद तांइ चुणे रे हिन।

2 कुरुन्थियों 1:4

से असा री हर मुसीबत बिच असा जो तसल्ली दिंदे, ताकि असी भी तिन्हा लोक्कां जो तसल्ली देई सकण जे मुसीबत बिच हिन, जिय्यां परमेश्वर ने असा जो तसल्ली दित्ती।

2 कुरुन्थियों 12:15

मैं अपणा सारा किच्‍छ तुसा जो देई दैणा, इत्ते तिकर की मैं अप्पु जो भी तुसा जो देई दैणा। मैं तुसा जो बड़ा वरी प्यार करदा, पर इय्यां लगदा कि तुसा मेरे जो घट ही प्यार करदे।

2 कुरुन्थियों 5:5

जिन्हा ने असा जो स्वर्गीय सरीर जो पाणे तांइ तैयार कित्ते रा है, से परमेश्वर है, जिन्हा ने असा जो अमानत बिच पवित्रात्मा भी दित्ते रा है।

इफिसियों 3:1

किजोकी परमेश्वर ने ए सारा किच्‍छ तुसा गैर यहूदी लोक्कां तांइ कित्तेया, मैं पौलुस तुसा सारेयां तांइ प्रार्थना करदा। मैं मसीह यीशु री सेवा तुसा रे खातिर कित्ती इधेरे तांइ मैं कैद बिच है।

इफिसियों 3:13

इधेरे तांइ मैं तुसा का छंदे करदा कि जे किच्‍छ मैं तुसा तांइ सहन करेया करदा है, तिसेरी वजह कने तुसा हिम्मत मत हारो, किजोकी तुसा जो गर्व महसूस करणा चाएदा कि मैं तुसा तांइ ए सब चीजां सहन करणा चाह्‍ंदा।

फिलिप्पियों 1:19

किजोकी मैं जाणदा कि तुसा जे मेरे तांइ प्रार्थना करेया करदे हिन, तिसेरे जरिए, ते मसीह यीशु री पवित्रात्मा री मदद कने मेरे जो छुटकारा मिलणा।

2 तीमुथियुस 2:10

इधेरे तांइ मैं परमेश्वर रे चुणे रे लोक्कां री भलाई तिकर हर तरिक्के रे दुख-तकलीफ जो सहन करी लिंदा, ताकि से मणू भी मसीह यीशु बिच विश्वास करण ते छुटकारा पाण, ते तिस महिमा जो हासिल करण जे हमेसा-हमेसा तांइ रैह्णी।