2 कुरुन्थियों 1:5 - चम्बयाली नौआ नियम

⁵ किजोकी असी जिन्ना जादा मसीह यीशु तांइ जुल्म सैह्‍ंदे, परमेश्वर तिन्ना ही जादा मसीह यीशु रे जरिये असा जो तसल्ली दिंदे।

2 कुरुन्थियों 1:5 ပူးပေါင်းရင်းမြစ်များ

लूका 2:25

तिन्हा दिनां बिच, यरुशलेम सहर अन्दर शमौन नां रा इक्क मणू रैहन्दा थिया, से परमेश्वर रे रस्ते पर चलणे वाला, भला अते नेक मणू थिया, से बड़ी उम्मीद कने मसीह रे आणे रा इंतजार करेया करदा थिया ताकि से आई करी इस्राएल रे मणूआं जो सांती दये, ते शमौन पवित्रात्मा रे गलाये चलदा थिया।

प्रेरितां रे कम्म 9:4

ते से जमीन पर पेई गेया, ते प्रभु जो ए बोलदे सूणेया, “ओ शाऊल, ओ शाऊल, तू मेरे जो किजो तगं करेया करदा है।”

रोमियों 8:17

ते जे अगर असी परमेश्वर री औलाद्दां हिन तां असी तिन्हेरे वारिस भी हिन। बल्कि असी मसीह यीशु कने परमेश्वर री महिमा रे वारिस हिन। जे अगर असी मसीह यीशु सांई जुल्म सैह्‍ंदे, जे असी अब्बे सहन करेया भी करदे हिन, तां असा ने भी तिन्हेरी महिमा बिच हिस्सा पाणा।

फिलिप्पियों 1:20

मेरी तां ए ही दिल का लालसा ते आस है कि मैं कुसकी गल्ल अन्दर शर्मिंदा ना होआं, पर जिय्यां मेरे हिम्मत कने मसीह रा बसेख सुनाणे री वजह कने मसीह यीशु री बड़ाई मेरे जरिए हमेसा हुंदी आए री है, तिय्यां ही अब्बे भी हो, चाए मैं जियां या मरी जां।

फिलिप्पियों 2:1

हालांकि तुसा मसीह यीशु रे मणू होणे रे वजह कने उत्साहित, तुसा जो मसीह रे प्यार कने तसल्ली मिल्ले री है, तुसा जो पवित्रात्मा कने सहभागिता मिल्ले री है, ते मसीह तुसा तांइ करुणामयी ते दयावान रे,

फिलिप्पियों 3:10

मैं ए चाह्‍ंदा कि मैं मसीह जो जाणी लेयां ते तिन्हेरी तिस मरे रे बिच का जी उठणे री ताकत रा अनुभव करां जिस कने से फिरी जिन्दे होई गे थिये, ते तिन्हेरे सांई दुख सैह्णे ते तिन्हेरे सांई बणने ते तिस्सी तरिक्के कने मरणे रे जरिये जिय्यां से मरे थिये।

कुलुस्सियों 1:24

मेरे जो तुसा तांइ जुल्म झेलणे बिच खुसी हुंदी, मैं इस गल्ल बिच खुस है कि मैं मसीह रे सरीर तांइ, जे तिन्हेरी कलीसिया है, आखरी समय तिकर मसीह रा अपणी कलीसिया तांइ जुल्म झेलणे बिच जे भी कम्म अधुरा रेई गे रा हो, तिसजो पूरा करदे रैह्णा।

2 तीमुथियुस 3:11

तू जाणदा कि लोक्कां ने अन्ताकिया रे कस्बे बिच मेरे कने कदेइ-कदेइ ड्रौणी चीजां कित्ती, इकुनियुम लुस्त्रा ते मैं किय्यां लोक्कां रे जुल्म सैह्‍ण कित्ते।

1 पतरस 4:13

बल्कि इस गल्ल तांइ सिर्फ खुस हो, किजोकी तुसा जो मसीह पर होए जुल्मां री बराबरी बिच थोड़ा जदेया हिस्सा मिल्लेया। किजोकी जां मसीह ने लोक्कां पर अपणी महिमा जाहिर करणे तांइ हटणा, तिस बेल्ले तुसा जो बड़ा आनंद मिलणा।