2 कुरुन्थियों 1:4 - चम्बयाली नौआ नियम

⁴ से असा री हर मुसीबत बिच असा जो तसल्ली दिंदे, ताकि असी भी तिन्हा लोक्कां जो तसल्ली देई सकण जे मुसीबत बिच हिन, जिय्यां परमेश्वर ने असा जो तसल्ली दित्ती।

2 कुरुन्थियों 1:4 ပူးပေါင်းရင်းမြစ်များ

यूहन्ना 14:16

मैं पिता-परमेश्वर का प्रार्थना करगा, ते से तुसा जो इक्क मदतगार दिंगा, कि से हमेसा तुसा कने रेह्।

यूहन्ना 14:18

मैं तुसा जो अनाथ नी छड्डणा, मैं तुसा का आन्दा

यूहन्ना 14:26

पर पिता ने मेरे नां कने भेजणा इक्क मददगार जो भेजणा जे पवित्रात्मा है, तिसने तुसा जो सब गल्लां सखाणी, अते जे किच्‍छ मैं तुसा जो बोल्लेया से सब गल्लां तिन्ने तुसा जो चेत्ता कराणी।

2 कुरुन्थियों 7:13

इस तांइ असा जो तसल्ली मिली, असा री इस तसल्ली ते तीतुस री खुसी री वजह कने, असा जो होर भी जादा खुसी होई, किजोकी तिसेरा मन तुसा री वजह कने होर भी जादा खुस होई गे रा है।

2 कुरुन्थियों 7:4

मैं तुसा कने बड़ी हिम्मत कने बोलदा कि मेरे जो तुसा पर बड़ा गर्व है, मैं बड़ा वरी उत्साहित है, अपणे सारे दुख बिच भी मैं खुसी कने भरी रैहन्दा।

फिलिप्पियों 1:14

ते मेरे कैद होणे री वजह कने बाकि रे विश्वासियां की हिम्मत बधी गे री है। से निडर होई करी हिम्मत कने परमेश्वर रा बसेख सुणाया करदे हिन।

1 थिस्सलुनीकियों 4:18

इधेरे तांइ इन्हा गल्लां कने इक्क-दूए जो तसल्ली दिंदे रेयो।

1 थिस्सलुनीकियों 5:11

इधेरे तांइ इक्क-दूज्जे जो उत्साहित करो ते परमेश्वर बिच विश्वास करणे बिच बधणे तांइ मदद करो, जदेया कि तुसा करदे भी।

इब्रानियों 12:12

इधेरे तांइ इन्हा गल्लां री वजह कने ताकतवर बणो, ते हिम्मत बन्नो।