2 कुरुन्थियों 1:24 - चम्बयाली नौआ नियम

²⁴ ए गल्ल नी है कि असी तुसा रे विश्वास पर काबू पाणा चाह्‍ंदे बल्कि तुसा री खुसी बिच तुसा रे कने कम्म करणे वाले हिन किजोकी तुसा विश्वास मजबूत हिन।

2 कुरुन्थियों 1:24 ပူးပေါင်းရင်းမြစ်များ

मत्ती 24:49

ते अपणे कन्ने वाले नौकरांं जो कुटणा लग्गी पेय, ते पियक्कड़ा कने खाए-पिए।

रोमियों 1:12

मेरे बोलणे रा मतलब ए है कि जां असी मिलणा, तां तुसा जो तुसा रे विश्वास बिच उत्साहित करणा चाह्‍ंदा, पर मैं ए भी चाह्‍ंदा कि तुसा रे विश्वास रे जरिये मैं भी उत्साहित होई जां।

रोमियों 11:20

ए गल्ल सच है कि से तां विश्वास नी होणे री वजह कने कट्टी गयी, पर तू इधेरे तांइ घमंडी मत हो कि विश्वास बिच बणी रैहन्दा, पर डर रख्खेया कर।

रोमियों 5:2

असा रे विश्वास रे जरिये मसीह ने असा जो अनुग्रह दित्ते रा है, जिस बिच असी अज्ज टिके रे हिन, ते असी बड़ी हिम्मत ते खुसी कने परमेश्वर री महिमा जो बंडणे तांइ उत्सुक हिन।

1 कुरुन्थियों 15:1

ओ संगी विश्वासियों, अवे मैं तुसा जो तिस ही सुब बसेख रा चेत्ता दुआंदा जे मैं पैल्ले सूणाई चुके रा है, जिस पर तुसा ने विश्वास भी कित्तेया थिया ते जिस बिच तुसा मजबूत भी हिन।

1 कुरुन्थियों 3:5

मैं पौलुस ते अपुल्लोस परमेश्वर री सेवा करणे वाले दास का बधी करी होर किच्‍छ नी हिन, जिन्हेरे जरिए तुसा ने मसीह यीशु रे बसेख विश्वास कित्तेया, असा सबने से ही कम्म कित्तेया जे प्रभु ने असा जो दित्तेया।

2 कुरुन्थियों 11:20

किजोकी जां तुसा जो कोई नौक्कर बणाई लिन्दा, या लुट्टी लिंदा, या फसाई लिन्दा, या अप्पु जो बड्डा समजदा, या तुसा रे मुँह पर चंड मारदा, तां तुसा सही लिन्दे।

2 कुरुन्थियों 4:5

दिख्खो, असी लोक्कां बिच जाई-जाई करी अपणे बारे बिच प्रचार नी करेया करदे हिन। असी मसीह यीशु रा प्रचार करेया करदे हिन, ते मसीह रे खातिर असी तुसा रे सेवक हिन।

2 कुरुन्थियों 5:7

हल्ले जां असी इस दुनिया बिच जिया करदे हिन, तां असी प्रभु रा अनुसरण तिन्हा जो दिख्खी करी नी पर विश्वास करणे रे जरिये करेया करदे हिन।

1 पतरस 5:3

ते परमेश्वर ने जे मणू तुसा जो सौंप्पे रे हिन तिन्हा पर जादा हक मत जमाओ जिय्यां कोई अधिकारी अपणे नेड़े-तेड़े रे लोक्कां पर जतांदा। पर इसेरे बजाए तिन्हा तांइ इक्क उदारण बणो।