2 कुरुन्थियों 1:23 - चम्बयाली नौआ नियम

²³ परमेश्वर मेरे गवाह हिन कि मैं सच बोल्लेया करदा है कि दूज्जी वरी कुरिन्थुस सहर बिच इधेरे तांइ नी आया किजोकी मैं तुसा जो तुसा री गलतियां री वजह कने बकणा नी चाह्‍ंदा थिया।

2 कुरुन्थियों 1:23 ပူးပေါင်းရင်းမြစ်များ

प्रेरितां रे कम्म 18:1

इसेरे बाद पौलुस एथेंस सहर जो छड्डी करी कुरिन्थुस सहर बिच आए।

प्रेरितां रे कम्म 18:8

तां सभास्थल रे सरदार क्रिस्पुस ने ते तिसेरे टब्बर ने प्रभु पर विश्वास कित्तेया, ते बड़े कुरुन्थियों ने भी सूणेया ते विश्वास कित्तेया ते बपतिस्मा लित्तेया

रोमियों 1:9

परमेश्वर, जिन्हेरी सेवा मैं अपणे पूरे दिल कने, तिन्हेरे पुत्तर रे सुब बसेख जो सूणाई करी करदा, से ही परमेश्वर मेरा गवाह हिन, कि मैं तुसा जो हमेसा याद करदा रैह्न्दा,

रोमियों 9:1

मैं सच बोलदा किजोकी मैं मसीह यीशु रा मणू है, मैं झूठ नी बोल्लेया करदा है, मेरा विवेक पवित्रात्मा रे जरिये इस गल्ल जो पक्का करदा,

1 कुरुन्थियों 4:21

तुसा कै चाह्‍ंदे कि मैं तित्ते पूज्जी करी तुसा कने किय्यां बर्ताव करां? कै मैं डंडा लेई करी तुसा का आ, या प्यार ते निम्तेपन कने?

1 कुरुन्थियों 5:5

इदेय मणू जो शैतान जो वापिस सौंपी देयो, ताकि से अपणे पाप्पां का माफी मंगी लेयो। जे अगर से अपणे पाप्पां का माफी मंगी लिंदा तां मसीह रे दुनिया रे हिसाब-किताब करणे बेल्ले तिस मणू ने बची जाणा।

2 कुरुन्थियों 1:1

मैं पौलुस परमेश्वर री मर्जी कने मसीह यीशु रा प्रेरित है। ते असा रे विश्वासी भ्याल तीमुथियुस कने कुरिन्थुस सहर बिच परमेश्वर री कलीसिया जो ते अखाया प्रदेश रे परमेश्वर रे सारे लोक्कां जो ए चीठ्ठी लिख्खेया करदा है।

2 कुरुन्थियों 1:18

जिय्यां परमेश्वर विश्वासयोग्य हिन, तिय्यां ही असा री गल्लां हमेसा ही सच हुंदी।

2 कुरुन्थियों 10:2

मैं तुसा रे छंदे करदा कि जां मैं तुसा का आं, तां मेरे जो तिन्हा लोक्कां कने कड़ाई कने गल्ल ना करणा पये, जे ए सोचदे कि असी दुनियावी तौर-तरिक्के रे हिसाब कने चलदे।

2 कुरुन्थियों 11:10

जिस सच्चाई कने मैं तुसा जो मसीह रे बारे बिच दसदा तिय्यां ही मैं तुसा जो बोलदा कि अखाया प्रदेश बिच का कुसकी ने भी मेरे जो इस गल्ल पर गर्व करणे का रोक्की नी सकणा, कि मैं कदी तिन्हा बिच का कुसकी का आर्थिक मदद नी लित्ती।

2 कुरुन्थियों 11:11

मैं किजो कदी पैसे नी लित्ते? कै इधेरे तांइ तुसा का दान नी लित्ता कि मैं तुसा कने प्यार नी रखदा? पर परमेश्वर ए जाणदे कि मैं तुसा कने प्यार रखदा।

2 कुरुन्थियों 11:31

परमेश्वर, असा रे प्रभु यीशु मसीह रे पिता, हमेसा धन्न हिन, ते से जाणदे कि मैं झूठ नी बोलदा।

2 कुरुन्थियों 12:20

किजोकी मेरे जो डर है, कि कुते इय्यां ना होई जाए कि जां मैं तुसा का आं, तां जदेया मैं चाह्‍ंदा, तुसा तदेय ना होण, ते तुसा भी मेरे जो तदेया ना पाओ जदेया तुसा मेरे जो चाह्‍ंदे। ते मेरे जो डर है कि तिसेरी वजह कने तुसा बिच लड़ाई, हिरस, गुस्सा, विरोध, मतलबीपन, चुगली, घमण्ड, धोखा-धड़ी ते बखेड़े होई जाणे।

2 कुरुन्थियों 13:10

इधेरे तांइ मैं तुसा का आणे का पैल्ले तुसा जो ए गल्लां चीठ्ठी बिच लिख्खेया करदा है, ताकि मेरे जो प्रभु रे दित्ते रे हक जो तुसा जो सजा देई करी दसणे री जरुरत ना पेयो। किजोकी मैं तिस हक जो तुसा रे विश्वास जो मजबूत करणे तांइ इस्तेमाल करण चाह्‍ंदा ना कि तोड़ने तांइ।

2 कुरुन्थियों 13:2

जां मैं दूज्जी बाहर तुसा कने मिलणे तांइ आया थिया, तां मैं पाप बिच जिन्दगी जीणे वाले मणूआं जो चितौणी दित्ती थी। ते अवे दुबारा, मैं तिन्हा जो ते बाकि सारे जणेया जो चितौणी देया करदा है, जिय्यां कि मैं पैल्ले भी दित्ती थी, कि जां मैं तुसा का फिरी आणा तां तिन्हा जो छडणा नी जे मणू अपणे पाप्पां का तौबा नी करदे।

गलातियों 1:20

परमेश्वर मेरा गवाह है कि जे किच्‍छ मैं तुसा जो लिखदा, तिस बिच किच्‍छ भी झूठ नी है।

फिलिप्पियों 1:8

इस अन्दर परमेश्वर मेरे गवाह हिन कि मैं मसीह यीशु सांई दाह करी के तुसा सबणी जणेया कने मिलणे री चाह करदा रेयां।

1 थिस्सलुनीकियों 2:5

तुसा जाणदे की असी ना तां चापलूसी री गल्लां करेया करदे थिये ते ना तुसा का किच्‍छ हासिल करणे रे लालच बिच बहाणे बणादे थिये, परमेश्वर इन्हा गल्लां रे गवाह हिन।

1 तीमुथियुस 1:20

उन्ही बिच का हुमिनयुस ते सिकन्दर हिन जिन्हा जो मैं कलीसिया बिच का कड्डी दित्ते रा है ते तिन्हा जो शैतान रे वस बिच छड्डी दित्ते रा है ताकि से मणू समजी जाण कि तिन्हा जो परमेश्वर री बेजती नी करणी चाएदी।