2 कुरुन्थियों 1:2 - चम्बयाली नौआ नियम

² असा रे स्वर्ग बिच रैह्णे वाले पिता परमेश्वर अते प्रभु मसीह यीशु रे पास्से का तुसा सारेयां जो अनुग्रह अते सांती मिलदी रे।

2 कुरुन्थियों 1:2 ပူးပေါင်းရင်းမြစ်များ

रोमियों 1:7

मैं ए चीठ्ठी रोम सहर बिच रैह्णे वाले तुसा सारे विश्वासियां जो लिख्खेया करदा है, जिन्हा जो परमेश्वर प्यार करदे ते जिन्हा जो तिन्हा ने अपणे मणू बणने तांइ चुणे रा है। परमेश्वर पिता ते मसीह यीशु तुसा जो अनुग्रह ते सांती दैण।

1 कुरुन्थियों 1:3

असा रे पिता परमेश्वर री ते प्रभु मसीह यीशु का तुसा सबणी जो अनुग्रह ते सांती मिलदी रे।

2 कुरुन्थियों 1:3

असा रे प्रभु यीशु मसीह रे पिता ते परमेश्वर रा शुकर करदे, जे दया रा पिता है, ते हमेसा असा जो तसल्ली दिंदे।

गलातियों 6:16

जिन्ने मणू इन्हा सारे नियमां पर चलदे, तिन्हा लोक्कां जो परमेश्वर ने सांती अते आशीष दैणी। से परमेश्वर रे चुणे रे मणू हिन।

इफिसियों 6:23

मैं परमेश्वर पिता ते प्रभु मसीह यीशु का ए प्रार्थना करदा कि से तुसा जो सांती दे। ते इस कने तुसा बिच प्यार बधे ते तुसा मसीह यीशु बिच विश्वास करणे बिच बणी रेयो।

फिलिप्पियों 1:2

असा रे पिता परमेश्वर ते प्रभु यीशु मसीह रे पास्से का तुसा जो अनुग्रह ते सांती मिलदी रेयो।

1 थिस्सलुनीकियों 1:1

मैं पौलुस, सिलवानुस अते तीमुथियुस कने थिस्सलुनीकियों सहर री कलीसिया जो ए चीठ्ठी लिख्खेया करदा है जे परमेश्वर अते प्रभु यीशु मसीह बिच है। तुसा जो अनुग्रह अते सांती मिलदी रेह्।

2 थिस्सलुनीकियों 1:2

असी प्रार्थना करदे कि तुसा जो पिता परमेश्वर अते प्रभु यीशु मसीह रे पास्से का अनुग्रह अते सांती मिल्ले।

फिलेमोन 1:3

असा रे पिता परमेश्वर ते प्रभु यीशु मसीह रे पासे का तुसा जो अनुग्रह ते सांती मिलदी रेय।