2 कुरुन्थियों 1:15 - चम्बयाली नौआ नियम

¹⁵ अवे जां मैं जाणदा कि तुसा घट-बध ही समजी पाया करदे हिन, इधेरे तांइ मैं तुसा का आणा चाह्‍ंदा ताकि मेरा तुसा का दुबारा आणे री वजह कने तुसा जो दुगणी आशीष मिल्ले।

2 कुरुन्थियों 1:15 ပူးပေါင်းရင်းမြစ်များ

मत्ती 1:19

मरियम रा मगेंतर यूसुफ जे इक्क धार्मिक मणू थिया, मरियम जो सरेआम बदनाम नी करणा चाह्‍ंदा थिया, इधेरे तांइ चुपचाणे ही तिसजो छड्डी दैणा चाह्‍ंदा थिया।

रोमियों 1:11

किजोकी मैं तुसा का मिलणे री इच्छा करदा ताकि मैं तुसा जो आत्मिक आशीषां देयां, जिस कने तुसा विश्वास बिच होर मजबूत होई जाओ,

रोमियों 15:29

ते मेरे जो पता है, जां मैं तुसा का आणा ता तुसा कने मसीह री आशीषां जो सांझा करणा।

1 कुरुन्थियों 11:34

जे अगर कोई भूख्खा हो तां अपणे घरे ही खाई लेया करे जिस कने जां तुसा कठियो तां तुसा चज्ज कने बर्ताव करेया करो ते परमेश्वर तुसा जो सजा ना दैण। बाकि गल्लां जो मैं आई करी सुलझाई दिंगा। मते तरिक्के रे हिन।

1 कुरुन्थियों 4:19

पर जे अगर प्रभु री मर्जी होई तां मैं तुसा का जरुर आणा, ते फिरी दिख्खी लिंगा कि इन्हा घमंडिया बिच किन्नी ताकत है।

2 कुरुन्थियों 12:14

अवे मैं तिज्जी वरी तुसा का आणे जो तैयार है, ते मैं तुसा पर कोई बोझ नी बणना, किजोकी मेरे जो तुसा री धन-दौलत नी चाएदी, पर मेरे जो तुसा चाएदे। किजोकी बच्चेयां जो अपणे मां-प्यो तांइ धन्न नी कठेरणा चाएदे, बल्कि मां-प्यो जो बच्चेयां तांइ धन्न कठेरणा चाएदा।

2 कुरुन्थियों 6:1

असी जे परमेश्वर रे सहकर्मी हिन, छंदे करी के समझादें की परमेश्वर री अनुग्रह जे तुसा पर है, तिसजो बेकार मत जाणा देयो।