2 कुरुन्थियों 1:10 - चम्बयाली नौआ नियम

¹⁰ तिन्हा ने असा जो मौत रे बड़े बड्डे खतरे का बचाया, ते अग्गे भी बचाणा। असा ने तिन्हा पर आस रख्खे री है, कि तिन्हा ने असा जो बचांदे रैह्णा।

2 कुरुन्थियों 1:10 ပူးပေါင်းရင်းမြစ်များ

प्रेरितां रे कम्म 26:21

इन्हा गल्लां री वजह कने यहूदी मेरे जो मन्दिर अन्दर पकड़ी करी मारणे री कोसीस करदे थिये

रोमियों 15:31

ताकि परमेश्वर मेरे जो यहूदिया प्रदेश रे अविश्वासी लोक्कां का बचाई रख्खे, ते यरुशलेम सहर बिच रैह्णे वाले पवित्र मणू, तिस आर्थिक मदद जो पाणे का बाद खुस होई जाण, जे मैं तिन्हा का लेई जाया करदा है।

2 कुरुन्थियों 1:9

बल्कि असी ए मन्नी लेया थिया कि अवे असा जो मारी दित्ता जाणा, पर आखिरकार असी अप्पु रा भरोसा छड्डी करी परमेश्वर पर ही पूरे तरिक्के कने भरोस्सा रख्खेया जे मरे रे लोक्कां जो भी जिन्दा करी दिंदे।

2 कुरुन्थियों 6:9

किच्‍छ मणू असा जो ठीक जाण-पैछाण वालेयां सांई मिलदे, पर किच्‍छ मणू असा जो अनजाण लोक्कां सांई नजरंदाज करी दिंदे। असी मरणे रे करीब रैहन्दे, पर असी फिरी भी जिन्दे हिन। असा जो कुट्टेया गेया, पर असी फिरी भी नी मरे। असा रे दुखी होणे रा समय भी आया पर असी फिरी खुसी मनांदे। असी गरीब हिन, पर मते जणेया जो आत्मिक रुप बिच अमीर बणाई दिदें, असी इदेय हिन कि जिय्यां असा का किच्‍छ भी नी है, पर फिरी भी असी सब किच्‍छ रखदे। ते इन्हा ही सारे तरिक्के कने असी ए ज़ाहिर करदे कि असी परमेश्वर रे चुणे रे दास हिन।

1 तीमुथियुस 4:10

किजोकी असी जिंदा परमेश्वर बिच विश्वास करदे इधेरे तांइ असी संघर्ष ते मैहनत करदे ताकि तिस जिन्दगी जो हासिल करी सकण। परमेश्वर असा मणूआं जो छुटकारा दिंदे ते खासतौर पर तिन्हा लोक्कां जो जे तिन्हा बिच विश्वास करदे।

2 तीमुथियुस 4:17

पर प्रभु ही मेरे मददगार रे ते तिन्हा ने मेरे जो ताकत दित्ती जिसेरी वजह कने मैं साफ तौर पर मसीह रे बसेख रे बारे बिच प्रचार करी सकेया ते तित्ते मौजूद सारे गैर यहूदी लोक्कां ने मसीह रा बसेख सूणन ते तिन्हा ने मेरे जो मौत रे खतरे का इय्यां बचाया जिय्यां कि मैं भूख्खे शेर रे मुँह का बचाया गे रा हो।

2 पतरस 2:9

ए सारी चीजां जे परमेश्वर ने पैल्ले रे जमान्ने बिच कित्ते री हिन, ए जाहिर करदी कि प्रभु परमेश्वर ने तिन्हा लोक्कां जो सुरक्षित रखणा जे मणू भक्ति कने भरे री जिन्दगी जिन्दे, ते इस कने ए भी जाहिर हुंदा कि परमेश्वर ने दुष्ट लोक्कां जो अपणे हिसाब-किताब करणे रे दिन तिकर सजा दिंदे रैह्णा।