2 कुरुन्थियों 1:1 - चम्बयाली नौआ नियम

¹ मैं पौलुस परमेश्वर री मर्जी कने मसीह यीशु रा प्रेरित है। ते असा रे विश्वासी भ्याल तीमुथियुस कने कुरिन्थुस सहर बिच परमेश्वर री कलीसिया जो ते अखाया प्रदेश रे परमेश्वर रे सारे लोक्कां जो ए चीठ्ठी लिख्खेया करदा है।

2 कुरुन्थियों 1:1 ပူးပေါင်းရင်းမြစ်များ

प्रेरितां रे कम्म 16:1

फिरी से दिरबे ते लुस्त्रा रे सहरां बिच भी गेया, ते दिख्खो, तित्ते तीमुथियुस नां रा इक्क चेल्ला थिया, जे कुसकी विश्वासी यहूदी जनानी रा निक्का थिया, पर तिसेरा पुत्तर यूनानी थिया

रोमियों 15:26

किजोकी मकिदुनिया ते अखाया प्रदेश रे विश्वासियां जो ए सही लग्गेया कि यरुशलेम सहर बिच रैह्णे वाले पवित्र मणूआं बिच जे गरीब विश्वासी हिन, तिन्हा जो दैणे तांइ किच्‍छ दान इक्कठा कित्ता जाए।

रोमियों 16:21

मसीह री सेवा करणे बिच मेरे साथी तीमुथियुस, ते मेरे संगी यहूदी लूकियुस, ते यासोन, ते सोसिपत्तरुस, रे पास्से का तुसा जो नमस्कार!

रोमियों 16:5

उन्हा कलीसिया जो भी मेरा नमस्ते जे तिन्हेरे घर बिच संगती करदे। मेरे प्यारे इपैनितुस जो मेरा नमस्कार, जे एशिया प्रदेश बिच सबका पैल्ले मसीह यीशु बिच विश्वास करणे वाला मणू है।

1 कुरुन्थियों 10:32

जे किच्‍छ भी मैं करदा तिस बिच मैं सारेयां जो खुस करणे री कोसीस करदा, मैं सिर्फ अपणा फायदा नी सोचदा पर सारेयां रे फायदे तांइ सोचदा ताकि से मणू छुटकारा पाई सकण। तिय्यां ही तुसा इस तरिक्के कने जिन्दगी जियो कि यहूदी, गैर यहूदी ते परमेश्वर री कलीसियां रे लोक्कां तांइ मुसीबत री वजह बणो।

1 कुरुन्थियों 16:10

जे अगर तीमुथियुस तुसा का आए ता तिस कने बड़ी इज्जत कने पेश आओ, किजोकी से मेरे सांई ही परमेश्वर रा कम्म करणे वाला मणू है।

1 कुरुन्थियों 16:15

ओ संगी विश्वासियों, तुसा स्तिफनास ते तिसेरे घराने जो जाणदे। से अखाया प्रदेश रे पैल्ले मणू हिन जिन्हा ने मसीह यीशु बिच विश्वास कित्तेया थिया। ते से मणू परमेश्वर रे लोक्कां री सेवा करणे तिकर हमेसा तैयार रैह्‍न्दे।

1 कुरुन्थियों 16:24

मेरा प्यार मसीह यीशु बिच तुसा सबणी कने रे जिन्हेरा मसीह यीशु कने गहरा रिस्ता है। आमीन!

1 कुरुन्थियों 6:11

ते तुसा बिच का मते जणे पैल्ले इदेय ही थिये, पर तुसा प्रभु यीशु मसीह ते परमेश्वर रे आत्‍मा ने तुसा रे पाप साफ कित्ते गे ते तुसा पवित्र ते धार्मिक भी ठैहराया।

2 कुरुन्थियों 1:19

किजोकी मैं पौलुस, सिलवानुस ते तीमुथियुस ने, परमेश्वर रे पुत्तर मसीह यीशु रा सुब बसेख रा प्रचार तुसा लोक्कां बिच कित्तेया, ते मसीह यीशु बिच कदी “हाँ” ते कदी “ना” नी थिया, पर तिस बिच हमेसा सिर्फ “हाँ” ही “हाँ” है।

2 कुरुन्थियों 1:23

परमेश्वर मेरे गवाह हिन कि मैं सच बोल्लेया करदा है कि दूज्जी वरी कुरिन्थुस सहर बिच इधेरे तांइ नी आया किजोकी मैं तुसा जो तुसा री गलतियां री वजह कने बकणा नी चाह्‍ंदा थिया।

2 कुरुन्थियों 11:10

जिस सच्चाई कने मैं तुसा जो मसीह रे बारे बिच दसदा तिय्यां ही मैं तुसा जो बोलदा कि अखाया प्रदेश बिच का कुसकी ने भी मेरे जो इस गल्ल पर गर्व करणे का रोक्की नी सकणा, कि मैं कदी तिन्हा बिच का कुसकी का आर्थिक मदद नी लित्ती।

2 कुरुन्थियों 9:2

किजोकी मैं जाणदा कि तुसा मदद करणे तांइ बड़े जादा उत्सुक हिन, जिसेरी वजह कने मैं तुसा रे बारे अन्दर मकिदुनिया प्रदेश रे बिच रैह्णे वाले विश्वासियां रे सामणे गर्व करदा कि तुसा मणू अखाया प्रदेश बिच इक्क साल का तैयार हिन, ते तुसा रे जोस ने होर भी मते लोक्कां जो उभारे रा है।

गलातियों 1:1

मैं पौलुस, जे इक्क प्रेरित है, गलातिया प्रदेश री कलीसिया जो ए चीठ्ठी लिख्खेया करदा है। ते जिन्ने भी विश्वासी मेरे कन्ने हिन, तिन्हेरे पास्से का तुसा जो नमस्कार। मेरे जो प्रेरित होणे तांइ सद्देया गेया है। पर मेरे जो किच्‍छ लोक्कां री मडंली ने प्रेरित नी बणाया, या कुसकी मणू ने मेरे जो प्रेरित बणने तांइ नी भेज्जेया। ए मसीह यीशु ते पिता परमेश्वर री वजह कने ही होया, जिन्हा ने मसीह यीशु जो मुर्देयां बिच का फिरी जिन्दा कित्तेया थिया।

गलातियों 3:26

जां तुसा सारेयां ने मसीह यीशु रा बपतिस्मा लित्तेया, तां तुसा मसीह का मिले री नौई जिन्दगी जो इय्यां पाई लित्ता जिय्यां कोई नौए कपड़े पांदा, इधेरे तांइ जां तुसा ने मसीह यीशु बिच विश्वास कित्तेया तां तुसा सारे परमेश्वर री औलाद्दां बणी गे।

इफिसियों 1:1

मैं पौलुस, जे परमेश्वर री मर्जी कने यीशु मसीह रा प्रेरित है इफिसुस री कलीसिया रे विश्वासियां जो ए चीठ्ठी लिख्खेया करदा है।

फिलिप्पियों 1:1

मसीह यीशु रे दास पौलुस ते तीमुथियुस रे पास्से का, सबणी पवित्र मणूआं जो, जे मसीह यीशु अन्दर होई करी फिलिप्पी सहर अन्दर रैह्णे वाले कलीसिया रे सारे मुखिया ते सेवक जो ए चीठ्ठी लिख्खेया करदे हिन।

1 थिस्सलुनीकियों 1:1

मैं पौलुस, सिलवानुस अते तीमुथियुस कने थिस्सलुनीकियों सहर री कलीसिया जो ए चीठ्ठी लिख्खेया करदा है जे परमेश्वर अते प्रभु यीशु मसीह बिच है। तुसा जो अनुग्रह अते सांती मिलदी रेह्।

1 थिस्सलुनीकियों 3:2

ते असी तुसा जो उत्साहित करणे तांइ ते विश्वास बिच मजबूत करणे तांइ अपणे इक्क विश्वासी भाई, मसीह रा सुब बसेख सुनाणे वाले असा रे साथी ते परमेश्वर रे सेवादार तीमुथियुस जो तुसा का भेज्जेया।

2 थिस्सलुनीकियों 1:1

मैं पौलुस, सिलवानुस अते तीमुथियुस कने थिस्सलुनीकियों सहर री कलीसिया जो ए चीठ्ठी लिख्खेया करदा है जे पिता परमेश्वर ते मसीह यीशु रे मणू हिन।

1 तीमुथियुस 1:1

मैं पौलुस ए चीठ्ठी तीमुथियुस जो लिख्खेया करदा है। मैं परमेश्वर रे हक ते असा जो छुटकारा दैणे वाले मसीह यीशु रे जरिये तिन्हेरा प्रेरित है जे असा री आस भी हिन।

2 तीमुथियुस 1:1

मैं पौलुस ए चीठ्ठी तीमुथियुस जो लिख्खेया करदा है। परमेश्वर ने मेरे जो मसीह यीशु रा प्रेरित बणने तांइ चुणे रा है ताकि मैं तिस बसेख रा प्रचार करां कि परमेश्वर ने सारे लोक्कां जो से हमेसा री जिन्दगी दैणा रा वादा कित्ते रा है जे मसीह यीशु बिच विश्वास करणे रे जरिये मिलदी।

तीतुस 1:1

मैं पौलुस ए चीठ्ठी तीतुस जो लिख्खेया करदा है, मैं परमेश्वर रा दास ते यीशु मसीह रा प्रेरित है। मैं परमेश्वर रे चुणे रे लोक्कां रा मसीह बिच विश्वास मजबूत करणे ते मसीह रे बसेख री सच्ची शिक्षा दसणे तांइ चुणेया गे रा है ताकि से मणू इदेइ जिन्दगी जीण जिस कने परमेश्वर खुस हुंदे।

फिलेमोन 1:1

मैं पौलुस ए चीठ्ठी फिलमोन जो लिख्खेया करदा है ते मैं मसीह यीशु रा बसेख सुनाणे री वजह कने कैद बिच पाया गे रा है। मैं अपणे सहकर्मी तीमुथियुस कने तेरे जो नमस्ते बोलदा। तू इक्क प्यारा दोस्त है ते तू असा सांई मसीह यीशु रा कम्म करदा। मैं असा री विश्वासी भैण अफ्फिया ते अरखिप्पुस जो भी ए चीठ्ठी लिख्खेया करदा है जे मसीह यीशु री सेवा इक्क सिपाई सांई करदी, ते ए चीठ्ठी कलीसिया रे बाकि मणूआं तांइ भी जे तुसा रे घर बिच संगती करणे तांइ कठिंदे।

इब्रानियों 13:23

तुसा इस गल्ल जो जाणदे कि तीमुथियुस असा रा विश्वासी भ्याल जेल का छुटी गे रा है, जे अगर से तौले आंदा, तां मैं तिस कने तुसा कने मिलणे जो आणा।