1 तीमुथियुस 6:9 - चम्बयाली नौआ नियम

⁹ पर जे मणू अमीर होणे री परिक्षा बिच पेई करी कुसकी जानवर सांई पाप रे जाल बिच फसी जांदे। से मणू इदेइ चीजां करणा चाह्‍ंदे जे बेकार ते तिन्हा तांइ खतरनाक हिन ते इदेइ चीजां री वजह कने तिन्हा ने बर्बाद होई जाणा।

1 तीमुथियुस 6:9 ပူးပေါင်းရင်းမြစ်များ

मत्ती 13:22

जे भी झिल्लां बिच पेया थिया, ए से हिन, जे वचना जो सूणदे, पर इस दुनिया री फिकरां अते पैसेयां रा लालच वचनां जो दबी रखदा, अते से कामयाब नी हुन्दे।

मत्ती 19:22

पर जां उस जुआन ने ए सूणेया तां दुखी होई करी चली गेया किजोकी से बड़ा अमीर थिया।

मत्ती 26:15

जे अगर मैं तिसजो तुसा रे हत्थ पकड़वाई देयां तां मेरे जो कै दिगें? तिन्हा ने तिसजो तीह् चाँदी रे सिक्के तौली करी देई दित्ते।

मत्ती 6:19

“अपणे तांइ दुनिया पर धन-दौलत मत कठेरो, जित्ते कीड़ा लग्गी जान्दा ते जांग कने खराब होई जांदी अते जित्ते चोर सेंध लाई करी चोरी लिन्दे।”

मरकुस 4:19

ते दुनिया री फिकर, ते पैसे रा धोखा, ते होर चीजां रा लालच उन्हा बिच समाई करी वचन जो दब्बी दिंदा ते से फल्ल ली लाई पांदे।

लूका 12:21

दिख्खो, इदेया ही से मणू भी हुन्दा जे अप्पु तांइ धन्न कठेरदा, पर परमेश्वर री नजरां बिच से अमीर नी है।

लूका 21:35

किजोकी से रोज दुनिया रे हर इक्क मणू पर जरुर आई पैणा।

प्रेरितां रे कम्म 8:20

पतरस ने तिसजो बोल्लेया, “तू ते तेरे पैसे मुकी जाण, किजोकी तैं परमेश्वर रे दान जो पैसे कने खरीदणे री गल्ल सोची।

इफिसियों 4:22

कि तुसा जो दस्सेया गेया थिया कि तुसा री बेवकूफी भरी मर्जियां ने तुसा जो बर्बाद करी छडणा ते तुसा जो अपणी जिन्दगी जीणे रे पुराणे तरिक्के जो ते अपणी सारी गलत आदतां जो छड्डी दैणा चाएदा।

1 तीमुथियुस 1:9

असी जाणदे कि मूसा रा कानून धार्मिक लोक्कां तांइ नी है बल्कि अधार्मिक लोक्कां ते परमेश्वर रे विद्रोही लोक्कां तांइ है, परमेश्वर जो ना मनणे वाले ते हमेसा पाप करणे वाले लोक्कां तांइ, दुष्ट लोक्कां ते परमेश्वर री बेजती करणे वाले लोक्कां तांइ, अपणे मां-प्यो ते दूए लोक्कां रे हत्यारेयां तांइ है,

1 तीमुथियुस 3:7

से मणू मसीह बिच विश्वास ना करणे वाले लोक्कां बिच भी इज्जतदार होणा चाएदा कुथकी इय्यां ना हो कि से शैतान रे फंदे बिच फसी जाए।

1 तीमुथियुस 6:10

किजोकी पैसे रा लालच हर तरिक्के री बुराई री जड़ है, किच्‍छ लोक्कां बिच पैसे री चाह्‍त इन्नी जादा है कि तिन्हा ने मसीह यीशु री शिक्षा जो मनणा ही छड्डी दित्तेया, ते से मणू इन्ना जादा तड़पेया करदे हिन जिय्यां कि कुसकी मणू ने अप्पु जो कुसकी हथियार कने छलनी करी दित्तेया हो।

1 तीमुथियुस 6:17

इस दुनिया रे अमीर लोक्कां जो हुकम दे कि से घमंडी ना होण ते अपणे तिस पैसे पर आस ना रख्खे जे इक्क दिन मुकी जाणा, पर परमेश्वर उम्मीद रख्खे, जे असा जो बड़ी दयालुता कने से सारी चीजां दिंदे जे असा का है ताकि असी तिन्हेरा लुफ्त लेई सके।

2 तीमुथियुस 2:26

ताकि से मणू भी चुकन्ने होई जाण ते शैतान रे चंगुल का छुड़की जाण, जिस ने तिन्हा जो अपणी मर्जी पूरी करवाणे तांइ धोख्खे बिच पाई रख्खे रा है।

तीतुस 2:12

अपणे इस अनुग्रह कने परमेश्वर असा जो सिखांदे कि असा जो तिस तरिक्के रा बर्ताव नी करणा चाएदा जिस कने से खुस नी हुंदे। ते तिन्हा चीजां रा लालच छड्डी दैणा चाएदा जिन्हा जो अविश्वासी मणू करणा चाह्‍ंदे, ते जां तिकर असी इस दुनिया बिच रेया करदे हिन तां तांइ समजदारी ते धार्मिकता कने बर्ताव करण।

2 पतरस 2:3

ए झूठ्ठे शिक्षक लालची होणे, ते तिन्हा ने तुसा का रुपया लैणे तांइ तुसा जो मनघड़ंत गल्लां सुनाणी। परमेश्वर ने बड़े पैल्ले ही इस गल्ल रा फैसला करी लित्तेया थिया तिन्हा ने इन्हा लोक्कां जो सजा दैणी ते से इय्यां करणे तांइ तैयार भी हिन। तिन्हा ने इन्हा लोक्कां जो यकिनन बर्बाद करी दैणा।

यहूदा 1:11

लाणत है तिन्हा मणूआं पर! से आदम रे मुंडे कैन सांई ही अपणी जिन्दगी दुष्टता बिच गुजारदे जिनिये अपणे ही भ्याल हाबिल रा खून इधेरे तांइ करी दित्तेया थिया किजोकी परमेश्वर ने हाबिल रे कुर्बानी जो अपणाई लित्तेया थिया पर तिसेरी कुर्बानी जो नी अपणाया। से ढोंगी मणू बिलाम सांई हिन जिस जो पैसे कमाणे तांइ ए प्रस्ताव मिल्लेया थिया कि से परमेश्वर रे लोक्कां जो पाप करणे तांइ उकसाए। तिन्हा ढोंगी लोक्कां ने तिस कोरह सांई बर्बाद होई जाणा जे मूसा रे हक रे खिलाफ थिया जे मूसा जो परमेश्वर ने दित्तेया थिया।