1 तीमुथियुस 6:6 - चम्बयाली नौआ नियम

⁶ पर असा तांइ ए खरा है कि असी से कम्म करिये जिस कने परमेश्वर खुस हुंदे ते तिस बिच संतुष्ट रैह्ण जे परमेश्वर असा जो दिंदे।

1 तीमुथियुस 6:6 ပူးပေါင်းရင်းမြစ်များ

लूका 12:15

फिरी यीशु ने बोल्लेया, ध्यान रख्खो, कि तुसा कुसकी भी चीज रा लालच मत करदे, किजोकी कुसकी रे जिन्दगी री बराबरी तिसेरी जमीन-जायेदात रे बाध्धे होणे कने नी कित्ती जान्दी

लूका 3:14

सपाईयां ने भी तिसका ए बोल्ली करी सुआल पुच्छे, अते असा रा कै, असा जो कै करणा चाएदा? तां यूहन्ना ने तिन्हा जो बोल्लेया, कुसकी पर दवाब पाई करी तिन्हा का जादा पैसे मत लेयो अते ना ही कुसकी पर झूठा इल्जाम भी मत लान्दे, अते जितणी तन्खाह् तुसा जो मिलदी, तिस्स कने खुस रेयो

रोमियों 8:28

असी जाणदे कि परमेश्वर हर गल्ल बिच तिन्हा लोक्कां कने भलाई करदे जे तिन्हा कने प्यार करदे। परमेश्वर ने तिन्हा लोक्कां जो अपणे मकसद तांइ चुणे रे हिन।

2 कुरुन्थियों 4:17

किजोकी असा री मुसीबतां छोटी हिन ते तिन्हा ने जादा हाण तांइ नी रैह्णा किजोकी तिन्हेरे अंजाम “हमेसा री महिमा” होणा, जे तिस हर कुसकी चीज का बड्डी भी है, जिसेरे बारे बिच असी कदी सोच्ची भी नी सकदे।

फिलिप्पियों 1:21

किजोकी जे अगर मैं जियां तां से मसीह यीशु री बड़ाई करणे तांइ होणा, ते जे अगर मैं मरी भी जां तां से भी फायदेमंद है किजोकी तां मैं मसीह कने रैह्णा।

1 तीमुथियुस 4:8

शरीरी कसरत रे ता थोड़े-मते फायदे ता हिन पर आत्मिक कसरत हर तरिक्के कने फायदेमंद है किजोकी ए असा रे अज्ज ते आणे वाले बेल्ले बिच भी हमेसा री जिन्दगी दैणे रा वादा करदी।

1 तीमुथियुस 6:8

खाणे ते लाणे तांइ जे किच्‍छ असा का है, असा जो तिस बिच संतुष्ट रैह्णा चाएदा।

इब्रानियों 13:5

तुसा अपणी जिन्दगी बिच धन-दौलत रा लालच मत रख्खो, ते तुसा का जे है, तिस अन्दर ही खुस रेयो, किजोकी परमेश्वर अप्पु ही बोलदे, “मैं तुसा जो ना तां कदी छडणा ते ना कदी त्यागणा।”