1 तीमुथियुस 6:21 - चम्बयाली नौआ नियम

²¹ किच्‍छ लोक्कां ने इन्हा झूठ्ठी शिक्षां जो मन्नी लित्ते रा है ते इय्यां करणे री वजह कने अवे से अग्गे जो मसीह यीशु बिच विश्वास नी रखदे। मैं प्रार्थना करदा कि परमेश्वर री अनुग्रह तुसा सारे लोक्कां पर हुंदी रेय।

1 तीमुथियुस 6:21 ပူးပေါင်းရင်းမြစ်များ

मत्ती 6:13

अते असा जो परखदे मत, पर शैतान का बचाई रख्खेयो, (किजोकी राज, पराक्रम ते महिमा हमेसा तुसा रा ही है, आमीन)!

रोमियों 1:7

मैं ए चीठ्ठी रोम सहर बिच रैह्णे वाले तुसा सारे विश्वासियां जो लिख्खेया करदा है, जिन्हा जो परमेश्वर प्यार करदे ते जिन्हा जो तिन्हा ने अपणे मणू बणने तांइ चुणे रा है। परमेश्वर पिता ते मसीह यीशु तुसा जो अनुग्रह ते सांती दैण।

रोमियों 16:20

सांती रा परमेश्वर ने बड़े तौले ही शैतान री ताकत जो मुकाई दैणा ते तिसजो तुसा रे पैरा हेठ करी दैणा, असा रे प्रभु यीशु मसीह री अनुग्रह तुसा पर हुंदी रैह्णी।

रोमियों 16:23

गयुस रे पास्से का भी तुसा जो नमस्कार। अब्बे मैं तिसेरे घरे ही रेया करदा है, जित्ते कलीसिया संगती करणे तांइ कठिंदी। इरास्तुस रे पास्से का भी तुसा जो नमस्कार, जे सहर रा भण्डारी है, ते भ्याल क्वारतुस रे पास्से का भी तुसा जो नमस्कार।

कुलुस्सियों 4:18

मैं पौलुस, चीठ्ठी रे इस हिस्से जो अपणे हत्थ कने लिख्खी करी तुसा जो नमस्ते भेज्जेया करदा है। याद रख्खेयो कि मैं कैद बिच है, ते मेरे तांइ प्रार्थना करदे रेयो। तुसा पर परमेश्वर रा अनुग्रह बणे रे। आमीन।

1 तीमुथियुस 1:19

तुसा मसीह यीशु बिच अपणे विश्वास जो बणाई रख्खो ते अपणा विवेक साफ रख्खो। किच्‍छ लोक्कां ने अपणे साफ विवेक जो छड्डी दित्ते रा है जिसेरी वजह कने मसीह यीशु बिच तिन्हेरा विश्वास मुकी गेरा है।

1 तीमुथियुस 1:6

झूठ्ठे शिक्षकां ने तां इन्हा गल्लां जो छड्डी दित्ते रा है ते बेकार री गल्लां री बैह्सबाजी बिच पेई गेरे हिन।

1 तीमुथियुस 6:10

किजोकी पैसे रा लालच हर तरिक्के री बुराई री जड़ है, किच्‍छ लोक्कां बिच पैसे री चाह्‍त इन्नी जादा है कि तिन्हा ने मसीह यीशु री शिक्षा जो मनणा ही छड्डी दित्तेया, ते से मणू इन्ना जादा तड़पेया करदे हिन जिय्यां कि कुसकी मणू ने अप्पु जो कुसकी हथियार कने छलनी करी दित्तेया हो।

2 तीमुथियुस 2:18

तिन्हा ने सच्चाई बिच विश्वास करणा छड्डी दित्ते रा है। से बोलदे कि परमेश्वर ने विश्वासी लोक्कां जो हमेसा री जिन्दगी तांइ मुर्देयां बिच का फिरी जिन्दा करी दित्ते रा है। इसेरे नतीज्जे रे तौर पर से मते विश्वासियां जो ए सिखाया करदे हिन कि से मसीह यीशु री शिक्षां जो मनणा छड्डी दैण।

2 तीमुथियुस 4:22

मैं प्रार्थना करदा कि परमेश्वर तुसा कने रे ते तिन्हेरा अनुग्रह भी तुसा पर हुंदा रे।

तीतुस 3:15

जे विश्वासी मणू मेरे कने इत्ते हिन से तुसा जो नमस्ते बोलदे। क्रेते टापू बिच जे असा जो प्यार करणे वाले संगी विश्वासी हिन तिन्हा जो असा रा नमस्ते बोल्लो। मैं प्रार्थना करदा कि परमेश्वर तुसा सारे जणेया पर अनुग्रह करण।

इब्रानियों 13:25

तुसा सारे लोक्कां पर परमेश्वर रा अनुग्रह बणेया रे।