1 तीमुथियुस 6:20 - चम्बयाली नौआ नियम

²⁰ ओ तीमुथियुस, इस जिम्मेदारी रा ध्यान रख्खे कि तू से कम्म जरुर करे जे करणे तांइ परमेश्वर ने तिज्जो चुणे रा है, मनघड़ंत ते खोखली गल्लां का दुर रेयो जे सुनणे बिच समजदारी री गल्लां लगदी।

1 तीमुथियुस 6:20 ပူးပေါင်းရင်းမြစ်များ

प्रेरितां रे कम्म 16:1

फिरी से दिरबे ते लुस्त्रा रे सहरां बिच भी गेया, ते दिख्खो, तित्ते तीमुथियुस नां रा इक्क चेल्ला थिया, जे कुसकी विश्वासी यहूदी जनानी रा निक्का थिया, पर तिसेरा पुत्तर यूनानी थिया

प्रेरितां रे कम्म 17:18

तां इपिकुरी ते स्तोईकी पणतां बिच का किन्ने तिस कने तर्क करणे लग्गे, ते कितणेयां ने बोल्लेया, ए अंट-शंट बोलणे वाला कै बोलणा चांदा? पर होरनियाँ ने बोल्लेया, से दूज्जे देवता रा प्रचारक लगदा, किजोकी ए यीशु रा, ते मरी करी फिरी जिन्दे होई जाणे रा सुब बसेख सुणांदा।

प्रेरितां रे कम्म 17:21

तित्ते रैह्णे वाले एथेंस रे सब मणू ते परदेसी सिर्फ किच्‍छ नौआ सुनणे या तिन्हा गल्लां री चर्चा रे अलावा कुसकी होर गल्ल बिच अपणा वक्त नी जाया नी करदे थिये।

रोमियों 1:22

से अपणे आप जो समजदार दस्सी करी बेवकूफ बणी गे,

रोमियों 3:2

हाँ! इसेरे मते फायदे हिन। सबका पैल्ली गल्ल ता ए है कि तिन्हा पर परमेश्वर रे बसेख जो ज़ाहिर कित्ता गेया।

1 कुरुन्थियों 2:6

फिरी भी असी पक्के विश्वासियां रे बिच ज्ञान री गल्लां सुणान्दे हिन, पर ए ज्ञान कोई दुनियावी ज्ञान नी है ते ना ही इस जुग रे प्रधान लोक्कां रे ज्ञान जदेया है जे इक्क दिन नास होई जाणा।

1 कुरुन्थियों 3:19

किजोकी परमेश्वर री नजर बिच इन्सानी ज्ञान बेवकूफी है, जिय्यां कि पवित्रशास्त्र बिच लिख्खे रा है, “से ही (परमेश्वर) है, जे ज्ञानी मणूआं जो तिन्हेरी चलाकी बिच फसाई दिंदा,”

कुलुस्सियों 2:18

कुसकी भी मणू जो तुसा जो निकम्मा बणाणे रा मौक्का मत देयो जे झूठ्ठा निमतापन दिखांदा ते स्वर्गदूतां री पूजा करणे बिच खुस हुंदा। इदेय मणू दर्शन दिखदे ते बड्डी बड्डी गल्लां बोलदे, ते तिन्हेरी इन्सानी सोच तिन्हा जो बेवकूफी रे घमंड कने भरी दिंदी।

कुलुस्सियों 2:8

चुकन्ने रेयो की कोई तुसा जो अपणी तिन्हा विचारां ते बेकार गल्लां ते धोखे कने फसाई ना लेयो, जे लोक्कां री परम्परा ते दुनियावी रीति-रीवाज जे सदियां का चली आया करदी हिन, ते इस दुनिया री न्याहरे री ताकत पर आधारित है, पर मसीह यीशु री शिक्षा पर आधारित नी है।

2 थिस्सलुनीकियों 1:4

इधेरे तांइ असी अप्पु परमेश्वर री कलीसिया बिच संगी विश्वासियां सामणे तुसा पर गर्व करदे, हालांकि तुसा बड़े दुख ते मुसीबतां का गुजरे पर तुसा फिरी भी बड़े सबर कने सैहन्दे रे ते तुसा मसीह बिच विश्वास करणा नी छड्डेया।

2 थिस्सलुनीकियों 2:15

इधेरे तांइ ओ संगी विश्वासियों, विश्वास बिच मजबूत बणो ते जे गल्लां असा ने तुसा जो चीठ्ठी या आमणे-सामणे सिखाए री हिन तिन्हा जो मनणा मत छडदे।

1 तीमुथियुस 1:11

सुब बसेख री ए महिमामय शिक्षा असा रे धन्न परमेश्वर रे पास्से का है जे लोक्कां जो सुनाणे तांइ मेरे जो सौंप्पि गे री है।

1 तीमुथियुस 1:2

मसीह यीशु बिच विश्वास करणे री वजह कने तीमुथियुस तू मेरा सच्चा मुंडा है। असा रे पिता परमेश्वर ते मसीह यीशु तेरे जो अनुग्रह ते सांती दिंदे रैह्ण।

1 तीमुथियुस 1:6

झूठ्ठे शिक्षकां ने तां इन्हा गल्लां जो छड्डी दित्ते रा है ते बेकार री गल्लां री बैह्सबाजी बिच पेई गेरे हिन।

1 तीमुथियुस 1:9

असी जाणदे कि मूसा रा कानून धार्मिक लोक्कां तांइ नी है बल्कि अधार्मिक लोक्कां ते परमेश्वर रे विद्रोही लोक्कां तांइ है, परमेश्वर जो ना मनणे वाले ते हमेसा पाप करणे वाले लोक्कां तांइ, दुष्ट लोक्कां ते परमेश्वर री बेजती करणे वाले लोक्कां तांइ, अपणे मां-प्यो ते दूए लोक्कां रे हत्यारेयां तांइ है,

1 तीमुथियुस 4:7

पर नासमझी री मनघड़ंत कहाणिया बिच समय मत बर्बाद जिस कने परमेश्वर जो आदरमान नी मिलदा पर तुसा जो अप्पु जो ईश्वरीय जिन्दगी जीणा सिखाणा चाएदा।

1 तीमुथियुस 6:11

पर ओ तीमुथियुस, तू परमेश्वर री सेवा करणे वाला मणू है, तेरे जो जाणी करी इदेइ चीजां का टलणा चाएदा। हमेसा धार्मिकता, भक्ति ते विश्वास रे कम्म करणे री कोसीस करो। इक्क इदेइ जिन्दगी जियो जिस कने परमेश्वर जो आदरमान मिल्ले। मसीह रा आदरमान करो, सारे लोक्कां कने प्यार रख्खो, मुस्किल हालात्तां बिच हार मत मन्नों, लोक्कां कने नरमदिल होई करी रेयो।

1 तीमुथियुस 6:14

कि तू पूरी तरिक्के कने तिन्हा सारी गल्लां जो मन्ने जिसेरा हुकम मैं तिज्जो दित्ते रा है ताकि मसीह यीशु रे हटणे रे दिन तिकर कोई भी तेरे पर गलत कम्म करणे रा इल्जाम ना लाई सके।

2 तीमुथियुस 2:1

इधेरे तांइ ओ मेरे पुत्तर तीमुथियुस, होंसला रख, किजोकी तू जाणदा कि परमेश्वर ने तेरे जो से अनुग्रह दित्ते रा है जे सिर्फ मसीह कने रिस्ता बणाणे रे जरिये मिलदी।

2 तीमुथियुस 2:16

पर अभक्त ते खोखली चीजां रे बारे बिच गल्ल-बात करणे का टलो, किजोकी जे मणू इदेइ अभक्ति वाली चीजां री गल्ल-बात करणे शामिल हुंदे से अप्पु भी अभक्त बणी जांदे।

तीतुस 1:14

यहूदियां री तिन्हा बेकार री कहाणियां ते इन्सानी हुकमां पर कोई ध्यान मत देयो। ए सारी तिन्हा गल्लां लोक्कां मन री घड़े री गल्लां जे सच्चाई जो नी मनदे।

तीतुस 1:4

मसीह बिच असा रे विश्वास री वजह कने, तीतुस तू मेरे बच्चे सांई है। पिता परमेश्वर ते असा जो छुटकारा दैणे वाले प्रभु यीशु मसीह तेरे जो अनुग्रह ते सांती दे।

तीतुस 1:9

से मसीह यीशु रे भरोस्सेमंद बसेख पर विश्वास करणे वाला मणू होणा चाएदा ते जे असा ने सिखाए रा है ताकि से बाकि मणूआं री तिस बसेख रे मुताबिक चलणे बिच मदद करे ते तिन्हा मणूआं जो सुधारे जे गलत हिन।

तीतुस 3:9

पर तुसा तिन्हा फालतू री बैह्सबाजी ते लड़ाई-झगड़े का दुर रेयो जे पूरखां ते मूसा रे कानून रे बारे बिच हुंदे। किजोकी से बेकार ते कुसकी भी फायदे री नी हिन।

प्रकाशित वाक्य 3:3

तिन्हा शिक्षां जो याद करो जे तुसा ने लम्बे समय पैल्ले सुणी ते मन्नी थी। जे गल्लां तुसा जो सिखाई गे थी, तिन्हेरे मुताबिक चलो, अपणी लापरवाही का तौबा करो। जे अगर तुसा अपणी लापरवाही का बाज नी आए, तां मैं कुसकी चोर सांई चाणचक्के ही आणा, ते तुसा जो तिस बेल्ले रा पता भी नी चलणा जां मैं अचानक ही तुसा जो सजा दैणे तांइ आई जाणा।