1 तीमुथियुस 6:19 - चम्बयाली नौआ नियम

¹⁹ जे अगर से मणू इय्यां करदे तां ए इदेया होणा कि जिय्यां से अपणी आणे वाली जिन्दगी तांइ अप्पु तांइ स्वर्ग बिच दौलत कठेरेया करेया करदे होण ते से दौलत कदी भी नी गोचणा। ते तिन्हा जो सच्ची जिन्दगी दित्ती जाणी जे कि हमेसा री जिन्दगी है।

1 तीमुथियुस 6:19 ပူးပေါင်းရင်းမြစ်များ

मत्ती 19:21

यीशु ने तिसजो बोल्लेया, जे तू पूरा सही होणा चाह्‍ंदा, तां जे किच्‍छ भी तेरे का है से बेच्ची करी पैसे गरीबां जो बंड्डी दे, ताकि तिज्जो स्वर्ग अन्दर धन-दौलत मिल्ले ते आई करी मेरा चेल्ला बणी जाओ।

लूका 12:33

इधेरे तांइ अवे अपणी जायदात बेच्ची करी पैसे गरीबां जो दान करी देयो इय्यां करणे पर तुसा अपणे तांइ स्वर्ग अन्दर धन्न-दौलत कठेरगे जे कि कदी नी मुकणी ते अप्पु जो इदेय बटुए बणाओ जे पुराणे नी हुदें, मतलब अप्पु जो स्वर्ग बिच धन-दौलत कठेरो जे घटदा नी ते जिसेरे नेड़े चोर नी जादां, ते कीड़ा नी तिसजो खराब करता

लूका 16:25

पर अब्राहम ने बोल्लेया, ओ पुत्तर, चेत्ता कर कि तेरी जिन्दगी जां बड़ी अरामदेह थी, पर लाज़र री जिन्दगी बड़ी दर्दनाक थी। अवे से इत्ते स्वर्ग अन्दर अराम कने रेया करदा है, अते तू नरक अन्दर अपणे हिस्से दा दुख सेह्या करदा है,

लूका 16:9

मैं तुसा जो बोलदा कि दुनिया री धन-दौलत कने तुसा दूज्जेयां रा भला करो अते तिन्हा जो अपणा मित्तर बणाई लेयो किजोकी जां तुसा रे मरणे का बाद तुसा जो अपणे कने हमेसा रे स्वर्गीय घर बिच लेई लैणा।

लूका 18:2

तिन्हा ने बोल्लेया, कुसकी सहरां बिच इक्क हाकिम थिया से ना तां परमेश्वर जो मन्दा थिया ना ही मणूआं री परुवाह् करदा थिया

लूका 18:22

यीशु ने ए सारी गल्लां जो सुणी करी तिसजो बोल्लेया, तेरे बिच अवे भी इक्क गल्ल री कमी है, से ए कि अपणा सब किच्‍छ बेच्ची करी गरीब्बां बिच बन्डी दे फिरी तिज्जो स्वर्ग रा धन्न मिलणा! फिरी आ अते मेरा चेल्ला बणी जा!

गलातियों 5:6

जां असी मसीह यीशु बिच विश्वास करणा सुरु करी दिंदे तां यहूदी या गैर यहूदी होणे रा कोई फरक नी रैहन्दा। पर जरुरी गल्ल ए है कि असी मसीह बिच विश्वास करदे ते तिस वजह कने परमेश्वर ते बाकि मणू प्यार रखदे।

इफिसियों 3:17

मैं प्रार्थना करदा कि तुसा रे दिल मजबूत होई जाण ताकि जिय्यां तुसा मसीह यीशु पर विश्वास करण तिय्यां ही से तुसा रे दिल बिच बसी रैह्ण ते परमेश्वर ते बाकि लोक्कां तांइ तुसा रा प्यार तुसा जो मजबूत बणाई रख्खे।

फिलिप्पियों 3:12

मैं ए नी बोलदा कि मैं ए सारी चीजां पाई चुके रा है या मैं सिद्व होई चुके रा है, पर मैं पूरी कोसीस करदे होए अग्गे बदेया करदा है ताकि मैं सिद्वता रे रस्ते पर बेहतर बणदा जां, जिस तांइ मसीह ने मेरे जो चुणेया थिया।

फिलिप्पियों 3:14

उस मंजिल तांइ लगातार कोसीस करदा कि मेरे परमेश्वर का स्वर्ग बिच जाणे रा से ईनाम मिल्लो जिस तांइ परमेश्वर ने असा जो मसीह यीशु रे कम्म री वजह कने चुणे रा है

1 तीमुथियुस 6:12

जिय्यां इक्क खरा सिपाई लड़ाई रे मैदान बिच कदी हार नी मनदा तिय्यां ही तुसा जो भी परमेश्वर बिच विश्वास करणा ते तिन्हा रे हुकमां जो मनणा नी छडणा चाएदा ते हमेसा री जिन्दगी जो थाम्मि लेयो।

2 तीमुथियुस 1:1

मैं पौलुस ए चीठ्ठी तीमुथियुस जो लिख्खेया करदा है। परमेश्वर ने मेरे जो मसीह यीशु रा प्रेरित बणने तांइ चुणे रा है ताकि मैं तिस बसेख रा प्रचार करां कि परमेश्वर ने सारे लोक्कां जो से हमेसा री जिन्दगी दैणा रा वादा कित्ते रा है जे मसीह यीशु बिच विश्वास करणे रे जरिये मिलदी।

2 तीमुथियुस 2:19

तां भी परमेश्वर रे लोक्कां रा विश्वास कुसकी घरे री नीं सांई मजबूत है जे बिल्कुल भी हिलदी नी। तिस नीं पर ए गल्लां लिखित्ते री हिन, “परमेश्वर जाणदे कि तिन्हेरे मणू कुण हिन” ते ए भी “जे मणू परमेश्वर री अराधना करदे तिन्हा जो बुराई करणा छड्डी दैणा चाएदा।”

1 पतरस 1:4

असी तिस विरासत जो पाणे तांइ इंतजार करदे जे परमेश्वर ने असा तांइ तैयार कित्ते री है। कोई भी तिन्हा चीजां जो ना बर्बाद करी सकदा ते ना ही खराब करी सकदा, से ना कदी पुराणी होई सकदी ते ना ही तिन्हेरी खूबसुरती कदी घटी सकदी। परमेश्वर ने तुसा तांइ से चीजां स्वर्ग बिच रख्खे री हिन।