1 तीमुथियुस 6:18 - चम्बयाली नौआ नियम

¹⁸ तिन्हा जो बड़े जादा ठीक काम्म, ते दयालू ते इक्क-दूए री जरुरत रे हिसाब कने बडंणा सिखाओ।

1 तीमुथियुस 6:18 ပူးပေါင်းရင်းမြစ်များ

मत्ती 5:42

जे कोई तेरे का मंगो, तां तिसजो दे, अते जे कोई तेरे का उधार लैणा चाओ, तिसजो पीठ्ठ मत दिख्खा।”

लूका 12:21

दिख्खो, इदेया ही से मणू भी हुन्दा जे अप्पु तांइ धन्न कठेरदा, पर परमेश्वर री नजरां बिच से अमीर नी है।

लूका 3:11

तिन्ने तिन्हा जो जवाब दित्ता, जिस जणे का दो कुरते होण, से तिन्हा जो, जिस का लाणे जो किच्‍छ भी नी हो, तिन्हा कने बन्डी लैण अते जिस का खाणे जो है से भी इय्यां ही करण

प्रेरितां रे कम्म 10:38

परमेश्वर ने कुस तरिक्के कने नासरत कस्बे रे यीशु, जो पवित्रात्मा ते ताकत कने अभिषेक कित्तेया: से भलाई रे कम्म करदे, ते सारेयां जो जे शैतान रे सताए रे थिये, जाई-जाई करी ठीक करदे रे, किजोकी परमेश्वर तिन्हा कने थिये।

प्रेरितां रे कम्म 11:29

तां चेल्‍लेयां ने फैसला लित्तेया, कि हर इक्क अपणी-अपणी पूंजी रे हिसाब कने यहूदियां प्रदेश बिच रैह्णे वाले हर इक्क संगी विश्वासी री सेवा तांइ किच्‍छ ना किच्‍छ भेजण।

प्रेरितां रे कम्म 9:36

याफा कस्बे बिच तबीता नां री यीशु री इक्क चेल्ली रैहन्दी थी, यूनानी भाषा बिच जिस जो दोरकास बोलदे। से बड़े भले रे कम्म रे दान पुन्य करदी रेह्न्दी थी।

रोमियों 12:13

पवित्र मणूआं तांइ जे किच्‍छ भी जरुरी हो, तिस अन्दर तिन्हेरी मदद करो। अजनबी लोक्कां रीखातिर दारी करणे बिच लग्गी रेयो।

रोमियों 12:8

जे अगर कुसकी जो लोक्कां प्रोत्साहित करणे रा वरदान मिल्ले रा हो, तां से लोक्कां जो प्रोत्साहित करणे बिच लग्गी रेयो। जिस जो दान दैणे रा वरदान मिल्ले रा हो, ता से खुले मन कने दान दे। जिस जो लोक्कां री अगुवाई करणे रा वरदान मिल्ले रा हो, से पूरी मैहनत कने लोक्कां री अगुवाई करे। जिस जो दया करणे रा वरदान मिल्ले रा हो, से खुसी कने करेया करे।

1 कुरुन्थियों 16:2

हफ्ते रे पैल्ले दिन तुसा बिच हर इक्क जणा अपणी-अपणी कमाई बिच का किच्‍छ अप्पु का जमा करी रख्खे ताकि मेरे आणे का बाद दान ना कठेरणा पेयो।

2 कुरुन्थियों 8:12

किजोकी जे अगर तुसा अपणे पूरे मन कने दान दिंदे, तां से मंज़ूर भी हुंदा। ते जे किच्‍छ भी तुसा का है, तिसेरे हिसाब कने दान करो, ना कि जे तुसा का नी है।

2 कुरुन्थियों 8:9

तुसा असा रे प्रभु यीशु मसीह रे अनुग्रह जो जाणदे कि से अमीर होई करी भी तुसा तांइ कगांल बणी गे, ताकि तिन्हेरे कगांल होई जाणे कने तुसा अमीर होई जाओ।

गलातियों 6:10

इधेरे तांइ जित्ते तक भी मौक्का मिल्लो असा जो सारे लोक्कां कने भलाई करणा चाएदी, खास कर संगी विश्वासियां कने।

इफिसियों 4:28

चोरी करणे वाला फिरी चोरी ना करो, पर नेक कम्म करणे तांइ मैहनत करेया करे, ताकि जिस जो जरुरत हो तिसेरी मदद करी सके।

1 तीमुथियुस 5:10

से विधवा जनानी अपणे भलाई रे कम्मां तांइ जाणी जांदी हो जिय्यां कि बच्चेयां रा पालण-पोषण करणा, मेहमान-नवाजी करणा, प्रभु रे लोक्कां री सेवा करणा, मुसीबत बिच पेय रे लोक्कां री मदद करणा ते हर तरिक्के रे भलाई रे कम्मां बिच मन लाणा।

तीतुस 2:14

जिन्हा ने असा जो पाप री ताकत का छुटकारा दैणे तांइ अप्पु जो कुर्बान करी दित्ता ते असा जो धार्मिक ठैहराया ताकि असी तिन्हेरे अपणे खास मणू बणी जाण जिन्हा बिच ठीक कम्म करणे री बड़ी वरी इच्छा है।

तीतुस 3:8

जे गल्लां मैं तुसा जो इस चीठ्ठी बिच बोल्ली री हिन से सारी भरोस्सेमंद हिन। ते मैं ए चाह्‍ंदा कि तुसा मणू इन्हा गल्लां रे बारे बिच डटी करी विश्वासी लोक्कां जो सिखाओ। ते से मणू भलाई रे कम्म करणे बिच अपणा ध्यान लाई रखण। ए शिक्षा हर इक्क जणे तांइ बदिया ते बड़ी मददगार हिन।

इब्रानियों 13:16

भलाई रे कम्म करेयो, ते जे तुसा का है, तिसजो जरुरतमंद लोक्कां कने बंडेया करो। किजोकी परमेश्वर इदेय कुर्बानी कने खुस रैहन्दे।

याकूब 2:5

ओ मेरे प्यारे संगी विश्वासियों, ध्यान देयो, परमेश्वर ने इस दुनिया रे गरीब लोक्कां जो मता विश्वास दित्ते रा है ते से अपणे राज रा हिस्सा तिन्हा सारे लोक्कां जो दैणे रा वादा कित्ते रा है जे परमेश्वर कने प्यार करदे।

1 पतरस 3:11

तिसजो बुराई रे कम्म करणा छड्डी दैणा चाएदा। इसेरे बजाए, तिसजो से ही करणा चाएदा जे खरा है। सारेयां कने सांती कने रैह्णे री कोसीस करो।

1 यूहन्ना 3:17

पर जिस का इस दुनिया री धन-दौलत है अते से अपणे संगी विश्वासियां जो जरुरत रे बेल्ले तिस पर दया नी करदा, तां तिस बिच परमेश्वर रा प्यार नी है।

3 यूहन्ना 1:11

ओ मेरे प्यारे दोस्त, बुरे कम्म करणे वाले लोक्कां सांई नी पर भलाई रे कम्म करणे वाले लोक्कां सांई बणो। जां कोई भलाई रे कम्म करदा तां तिस कने पता चलदा कि से परमेश्वर रा बच्चा है। पर जां कोई बुरे कम्म करदा तां तिस कने पता चलदा कि से परमेश्वर जो नी जाणदा।