1 तीमुथियुस 6:17 - चम्बयाली नौआ नियम

¹⁷ इस दुनिया रे अमीर लोक्कां जो हुकम दे कि से घमंडी ना होण ते अपणे तिस पैसे पर आस ना रख्खे जे इक्क दिन मुकी जाणा, पर परमेश्वर उम्मीद रख्खे, जे असा जो बड़ी दयालुता कने से सारी चीजां दिंदे जे असा का है ताकि असी तिन्हेरा लुफ्त लेई सके।

1 तीमुथियुस 6:17 ပူးပေါင်းရင်းမြစ်များ

मत्ती 12:32

अते जे कोई मणू रे पुत्तर, जे मैं ही है रे खिलाफ बिच बोलगा तिसजो माफ कित्तेया जाणा, पर जे कोई पवित्रात्मा रे खिलाफ बिच किच्‍छ बोलगा, तिसेरा ए गुनाह ना तां इस जुग बिच अते ना आणे वाले जुग बिच माफ कित्तेया जाणा।

मत्ती 19:23

तां यीशु ने अपणे चेल्‍लेयां जो बोल्लेया, मैं तुसा जो सच बोलदा कि अमीर मणू रा स्वर्ग रे राज अन्दर जाणा बड़ा मुस्कल ए।

मत्ती 25:16

तां, जिस जो पांज्ज तोड़े मिल्ले थिये, उसने झट ही उन्हा जो कम्म पर लाई दित्तेया अते पंज तोड़े होर कमाई लै।

मत्ती 27:57

जां सांज्ज होई ता यूसुफ नां रा अरिमतिया का इक्क अमीर मणू जे अप्पु भी यीशु रा चेल्ला थिया, आया।

मत्ती 6:32

किजोकी गैर यहूदी इन्हा सबणी चीजां रे पीच्छे लगे रैहन्दे, पर फिकर मत करो किजोकी तुसा रे पिता परमेश्वर जे स्वर्ग बिच हिन, तिन्हा जो पता है कि तुसा जो इन्हा सबणी चीजां री जरुरत है,

मरकुस 10:24

चेल्‍लेयां जो यीशु री गल्लां पर हरानी होई, पर यीशु ने फिरी चेल्‍लेयां जो बोल्लेया, “ओ निक्केयो, जे पैसेयां पर विश्वास रखदे, तिन्हेरे तांइ परमेश्वर रे राज अन्दर जाणा बड़ा जादा मुस्किल है।

लूका 19:2

तित्ते जक्कई ना रा मणू चुंगी वसूलणे वालेयां रा प्रधान, अते से बड़े पैसे वाला थिया

लूका 3:11

तिन्ने तिन्हा जो जवाब दित्ता, जिस जणे का दो कुरते होण, से तिन्हा जो, जिस का लाणे जो किच्‍छ भी नी हो, तिन्हा कने बन्डी लैण अते जिस का खाणे जो है से भी इय्यां ही करण

प्रेरितां रे कम्म 14:17

तां भी तिन्हा ने अपणी भले कम्मां रे जरिए अपणे वजूद रा सबूत दिंदे रे, पर से भलाई करदे रे। तिन्हा ने आसमान का बरखा ते फलवन्त मौसम देई करी, तुसा जो रोट्टी ते तुसा रे मनां जो खुसी कने भरदे रे।

प्रेरितां रे कम्म 14:27

तिते पूज्जी करी, तिन्हा ने कलीसिया इकठ्ठी कित्ती ते दस्सेया, कि परमेश्वर ने असा कने होई करी कदेय बड्डे-बड्डे कम्म कित्ते ते किय्यां गैर यहूदी जो मसीह यीशु बिच विश्वास करणे तांइ दुआर खोल्ली दित्तेया।

प्रेरितां रे कम्म 17:25

न कुसकी चीजां तांइ मणू रे हत्थां री जरुरत है, किजोकी से तां अप्पु ही सब जो जिन्दगी ते होर किच्‍छ भी दिन्दा।

रोमियों 11:20

ए गल्ल सच है कि से तां विश्वास नी होणे री वजह कने कट्टी गयी, पर तू इधेरे तांइ घमंडी मत हो कि विश्वास बिच बणी रैहन्दा, पर डर रख्खेया कर।

इफिसियों 5:5

किजोकी तुसा ए ठीक तरिक्के कने जाणदे की कुसकी व्यभिचारी या बुरे मणू, या लालच करणे वाले मणू जो जे मूर्ति या दुनियावी चीजां री पूजा करणे रे बराबर है, मसीह यीशु ते परमेश्वर रे राज बिच विरासत नी मिलणी।

कुलुस्सियों 3:16

जिय्यां कि तुसा इक्क दूए जो बड़ी समजदारी ते ज्ञान कने सिखांदे हिन, ते बड़ी शुकरगुज़ारी कने परमेश्वर तांइ भजन, स्तुतीगान ते आत्मिक गीत गाया करदे हिन, तिस कने कने ही मसीह रे वचनां जो अप्पु अंदर भरपुरी कने बसणा देयो।

1 थिस्सलुनीकियों 1:9

किजोकी मणू अप्पु-मिते गल्लां करदे कि जां असी तुसा का आए थिये तां तुसा ने असी लोक्कां रा कदेया स्वागत कित्तेया थिया अते तुसा मूर्तां री पूजा करणा छड्डी करी जिंदे परमेश्वर रे पास्से किय्यां मुड़े थिये, ताकि तुसा जिंदे अते सच्चे परमेश्वर री सेवा करी सको,

1 तीमुथियुस 1:3

तीमुथियुस, जिय्यां कि तू जाणदा इफिसुस सहर बिच किच्‍छ मणू हिन जे गलत शिक्षां दिंदे। से लगातार मनघड़ंत कहाणियां ते पूरखां रे लंबी सुची रे बारे बिच सिखांदे रैह्‍न्दे। जां मैं इफिसुस सहर का मकिदुनिया रे इलाक्के बिच जाणे तांइ तैयार थिया तां मैं तुसा जो इफिसुस सहर बिच रैह्णे तांइ बोल्लेया थिया ते फिरी तित्ते ही रुकणे ते बोलदा कि तिन्हा लोक्कां जो समझाओ कि से लोक्कां जो झूठ्ठी गल्लां ना सिखाण ते विश्वासी मणू भी इदेइ झूठ्ठी गल्लां बिच मन ना लाण किजोकी जां से इदेइ झूठ्ठी गल्लां सिखांदे तां विश्वासी तिस बारे बिच अप्पु-मिते बैह्स करदे ते इदेइ बैह्सबाजी परमेश्वर रा कम्म करणे बिच मदद नी करदी, परमेश्वर री सेवा रा कम्म सिर्फ तां ही होई सकदे जां कोई मणू परमेश्वर बिच पूरा विश्वास रख्खे।

1 तीमुथियुस 3:15

कि जे अगर मेरे तित्ते पुजणे बिच देर भी होई जाओ तां मैं चाह्‍ंदा कि तुसा इस गल्ल जो जाणो कि परमेश्वर रे परिवार, जे कलीसिया है तिस बिच लोक्कां जो इक्क-दूए कने किय्यां बर्ताव करणा चाएदा। जिन्दे परमेश्वर री कलीसिया रे मणू सच्चाई री शिक्षा री नीं ते खम्भे सांई हिन।

1 तीमुथियुस 4:10

किजोकी असी जिंदा परमेश्वर बिच विश्वास करदे इधेरे तांइ असी संघर्ष ते मैहनत करदे ताकि तिस जिन्दगी जो हासिल करी सकण। परमेश्वर असा मणूआं जो छुटकारा दिंदे ते खासतौर पर तिन्हा लोक्कां जो जे तिन्हा बिच विश्वास करदे।

1 तीमुथियुस 5:21

परमेश्वर ते मसीह यीशु ते चुणे रे स्वर्गदूतां जो असा बिच मझाटे हाजिर मन्नी करी मैं तेरे जो मेरी गल्लां मनणे रा हुकम दिंदा ते पक्षपात कने कोई कम्म मत करदा।

1 तीमुथियुस 6:13

परमेश्वर जे सारी चीजां जो जिन्दगी दिंदे ते मसीह यीशु जिन्हा पर पुन्तियुस पिलातुस रे सामणे मुकद्दमा चलणे रे बावजूद भी सच बोल्लेया थिया तिन्हा दोन्नों जो मैं अपणा गवाह बणाई करी तिज्जो ए हुकम दिंदा,

1 तीमुथियुस 6:9

पर जे मणू अमीर होणे री परिक्षा बिच पेई करी कुसकी जानवर सांई पाप रे जाल बिच फसी जांदे। से मणू इदेइ चीजां करणा चाह्‍ंदे जे बेकार ते तिन्हा तांइ खतरनाक हिन ते इदेइ चीजां री वजह कने तिन्हा ने बर्बाद होई जाणा।

2 तीमुथियुस 4:10

किजोकी देमास दुनिया री चीजां जो जादा प्यार करदा इधेरे तांइ तिनिये मेरे जो छड्डी दित्तेया, ते थिस्सलुनीके रे कस्बे जो चली गेया, ते क्रेसकेंस गलातिया रे इलाक्के पास्से चली गेया ते तीतुस दलमतिया रे इलाक्के बिच चली गेया।

तीतुस 2:12

अपणे इस अनुग्रह कने परमेश्वर असा जो सिखांदे कि असा जो तिस तरिक्के रा बर्ताव नी करणा चाएदा जिस कने से खुस नी हुंदे। ते तिन्हा चीजां रा लालच छड्डी दैणा चाएदा जिन्हा जो अविश्वासी मणू करणा चाह्‍ंदे, ते जां तिकर असी इस दुनिया बिच रेया करदे हिन तां तांइ समजदारी ते धार्मिकता कने बर्ताव करण।

तीतुस 3:6

परमेश्वर ने असा जो मुफ्त बिच पवित्रात्मा दित्ता ताकि से असा बिच भरपूर ताकत कने कम्म करी सके किजोकी यीशु मसीह असा रे पाप्पां तांइ मरे ते असा जो छुटकारा दैणे वाले बणी गे।

2 पतरस 1:11

ते परमेश्वर ने भी तुसा जो बड़ी खुसी कने स्वर्ग लेई आणा जित्ते मसीह यीशु रैह्‍न्दे, जे असा रे प्रभु ते जे असा जो छुटकारा दिंदे, ते जिन्हा ने इक्क राज्जे रे तौर पर हमेसा-हमेसा तिकर राज करणा।