1 तीमुथियुस 6:16 - चम्बयाली नौआ नियम

¹⁶ ते सिर्फ से ही हिन जिन्हा ने हमेसा तांइ रैह्णा, से इन्नी जादा चमकदार रौसनी बिच रैह्‍न्दे। कुसकी मणू ने तिन्हा जो कदी नी दिख्खेया ते ना ही दिख्खी सकदा, तिन्हेरी महिमा ते ताकत हमेसा-हमेसा तांइ रैह्णी। आमीन!

1 तीमुथियुस 6:16 ပူးပေါင်းရင်းမြစ်များ

यूहन्ना 1:18

परमेश्वर जो कदी कुसकी ने नी दिख्खेया पर इकलौते पुत्तर ने जे अप्पु ही परमेश्वर है, ते पिता रे सबका जादा करीब है। तिन्हा ने ही असा पर परमेश्वर जो प्रकट कित्ते रा है।

यूहन्ना 14:9

यीशु ने तिसजो बोल्लेया, ओ फिलिप्पुस, मैं इत्तणे रोज्जे रा तुसा कने है, ते कै तू मेरे जो नी जाणदा? जिनिये मेरे जो दिख्खेया तिसने पिता जो दिख्खेया है तां फिरी तू किजो बोल्लेया करदा है कि पिता जो असा जो दिख्खाओ?

यूहन्ना 6:46

इय्यां नी है कि कुसकी ने भी “पिता” जो नी दिख्खेया, पर मैं परमेश्वर जो दिख्खे रा है, जे अप्पु परमेश्वर रे पास्से का आए रा है।

यूहन्ना 8:58

यीशु ने तिन्हा जो बोल्लेया, मैं तुसा जो सच-सच बोलदा, कि अब्राहम रे पैदा होणे रे पैल्ले का भी मैं है।

फिलिप्पियों 4:20

असा रे परमेश्वर ते पिता री बड़ाई हमेसा-हमेसा तिकर हुंदी रे आमीन।

कुलुस्सियों 1:15

कोई भी परमेश्वर जो नी दिख्खी सकदा, पर जां तिन्हेरे पुत्तर ने इक्क मणू रे रुप बिच जन्म लित्ता, तां तिसने परमेश्वर जो लोक्कां पर ज़ाहिर कित्ता किजोकी से अप्पु परमेश्वर रे स्वरूप बिच है। परमेश्वर रा पुत्तर पूरे ब्रम्हांड रे बणाए जाणे रे पैल्ले का है, ते परमेश्वर री बणाए री हर चीज पर तिन्हेरा हक है।

1 तीमुथियुस 1:17

हमेसा तिकर राज करणे वाले राज्जा, अविनाशी, अणदिख्खे ते इकलौत्ते परमेश्वर रा आदरमान ते महिमा हमेसा-हमेसा तिकर हुंदी रे। आमीन!

इब्रानियों 13:8

प्रभु यीशु मसीह अज्ज कल ते हमेसा इक्क ही जदेय हिन, ते से कदी भी नी बदलदे।

याकूब 1:17

किजोकी हर इक्क बदिया वरदान ते उत्तम दान परमेश्वर रे पास्से का ही हुदां, ते अम्बरे रे चाँद-तारेयां जो बणाणे वाले पिता परमेश्वर रे पास्से का मिलदा जे हमेसा इक्क जदेय रैहन्दे ते कदी भी नी बदलदे।

1 यूहन्ना 1:5

असा ने मसीह यीशु का जे सुब बसेख सूणेया है, से ए है, अते इसजो ही असा तुसा जो सुणाया करदे हिन: परमेश्वर रौसनी सांई शुद्व है ते उस बिच न्याहरे सांई बुराई नी है।

1 यूहन्ना 1:7

पर जिय्यां परमेश्वर रौसनी बिच हिन जे अगर असी भी तिय्यां ही रौसनी बिच जिन्दगी बिताण ते असी परमेश्वर कने अप्पु मिते इक्क-दूए कने मेल-मिलाप रखगे, ते तां मसीह यीशु रे खून ने असा रे पाप्पां का साफ करणा।

1 यूहन्ना 4:12

परमेश्वर जो कदी कुनिए भी नी दिख्खेया अगर असी अप्पु-मिते प्यार रखण, तां परमेश्वर असा री जिन्दगी अन्दर बणी रैह्न्दा, ते तिसेरा प्यार असा अन्दर सिद्ध होई गे रा है।

प्रकाशित वाक्य 1:6

तिन्हा ने असा कने प्यार कित्ता। तिन्हा ने सुली पर अपणा खून बहाई करी असा रे पाप्पां रा मुल्ल चुकाया। इसेरी वजह कने असी पुरोत्तां रा परिवार बणी गेरे हिन जे तिन्हेरे पिता यानी परमेश्वर री सेवा करदे। परमेश्वर ने असा जो तिन्हेरे अपणे मणू बणाया जिन्हा पर से राज करदे। इस वजह कने मसीह यीशु जो महिमा ते ताकत हमेसा-हमेसा तांइ मिल्ले, आमीन!

प्रकाशित वाक्य 1:8

प्रभु परमेश्वर बोलदे, “मैं ही अल्फा ते ओमेगा है, यानी मैं ही सुरुआत ते आखिर भी मैं ही है। मैं ही सबका ताकतवर है, मैं थिया, मैं है ते मैं ही आणे वाला भी है।”

प्रकाशित वाक्य 21:3

फिरी मैं परमेश्वर रे सिहांसन का कुसकी जो ऊच्ची अवाज बिच ए बोलदे होये सूणेया, दिख, अब्बे का लेई करी परमेश्वर ने लोक्कां बिच वास करणा, ते अब्बे का लेई करी परमेश्वर रा घर मणूआं रे बिच होणा। ते से परमेश्वर रे मणू होणे, ते परमेश्वर ने अप्पु ही तिन्हा जो अपणे मणू मनणा, ते तिन्हा कने रैह्णा, ते लोक्कां ने भी तिन्हा जो अपणा परमेश्वर मनणा।

प्रकाशित वाक्य 22:5

फिरी कदी रात नी होणी, ते सहर रे लोक्कां जो रौसनी तांइ दीये या सूरज री जरुरत नी पैणी, किजोकी परमेश्वर ने अप्पु ही तिन्हा बिच चमकणा। तिन्हा ने राज्जे सांई हमेसा-हमेसा राज करणा।

प्रकाशित वाक्य 4:11

ओ असा रे परमेश्वर, “तुसी अराधना रे काबिल हिन। तुसा आदरमान रे काबिल हिन। तुसा ताकतवर हिन किजोकी तुसा ने सब किच्‍छ बणाया। ए तुसा री मर्जी थी इधेरे तांइ तुसा ने से सब किच्‍छ बणाया ते तिन्हेरे अवे वजूद है।”

प्रकाशित वाक्य 7:12

असी ए एलान करदे कि असा रे परमेश्वर महान, ताकतवर, महामहिम, ते समजदार हिन। आओ असी तिन्हेरी तारीफ ते महिमा हमेसा-हमेसा तिकर करदे रैह्ण, आमीन।