1 तीमुथियुस 5:6 - चम्बयाली नौआ नियम

⁶ पर जे विधवा जनानियां अपणा पूरा वक्त ऐश-मस्ति बिच कडदी से शरीरी तौर पर ता जिंदी है पर आत्मिक तौर पर मरी चुके री है।

1 तीमुथियुस 5:6 ပူးပေါင်းရင်းမြစ်များ

मत्ती 8:22

पर यीशु ने तिसजो बोल्लेया, “जे मणू आत्मिक तौर पर मरी चुके रे हिन तिन्हा जो अपणे मुरदे दबणा दे, अते तू मेरा चेल्ला बणी जा।”

लूका 12:19

ते फिरी मैं अपणे आप जो बोलणा, कि तेरे का तां बड़ा भरी अनाज है जे केई सालां तांइ तेरे का बची रैह्णा अते अवे चैन कने खा-पी ते मजे कने जी।

लूका 15:13

हल्ले बड़े रोज नी थिये होये रे, कि तिसेरा हल्का निक्का अपणा सारा समान बटोली करी कुसकी दूज्जे देसा जो चली गेया अते तित्ते अपणे सारे पैसे बुरे कम्मां अन्दर उड़ाई दित्ते।

लूका 15:24

किजोकी मेरे जो लग्गेया थिया कि मेरा हल्का निक्का मरी गे रा थिया पर ए जिन्दा है, ए गुआच्ची गे रा थिया, पर अवे वापिस मिली गे रा है। ते फिरी से खुसियां मनाणा लग्गी पे

लूका 15:32

पर अज्ज असा जो तेरे हल्के भ्याल रे हटी आणे री खुसी मनाणा चाएदी किजोकी असा जो लग्गेया थिया कि तेरा हल्का भाई मरी गे रा होणा पर ए जिन्दा है, ए गुआच्ची गे रा थिया, पर अवे वापिस मिली गे रा है।

लूका 16:19

फिरी यीशु ने तिन्हा लोक्कां जो इक्क उदारण दित्तेया, दिख्खो, इक्क मणू थिया ते से बड़ा अमीर थिया। से बडे़ छैल अते मैह्न्गे रे कपड़े पान्दा थिया। ते हर रोज बड़े ऐश-ओ-अराम री जिन्दगी जिन्दा थिया।

लूका 7:25

कि तुसा ए सोची करी गे थिये कि, तित्ते कोई मैह्न्गे अते छैल कपड़े पाणे वाला मणू होणा? तां कै तुसा ए नी जाणदे कि जे मैह्न्गे अते छैल कपड़े पान्दे, से मज्जे कने अपणी कोठ्ठियाँ बिच रैह्‍न्दे, बणा बिच नी

इफिसियों 2:1

पैल्ले-पैल्ले तुसा बिच परमेश्वर रे पास्से का कोई नौई जिन्दगी नी थी, किजोकी तुसा अपणे पाप ते गलत कम्मां री वजह कने मरे रे मणूआं सांई थिये।

इफिसियों 5:14

इधेरे तांइ ए बोल्लेया जांदा, “ओ सोणे वाले मणू, जाग, ते मुर्देयां बिच का जिन्दा होई जा! मसीह ने तुसा पर अपणी रौसनी चमकाणी।”

कुलुस्सियों 2:13

तुसा अपणे पाप्पां ते पापी स्वभाव री वजह कने इक्क मुर्दे मणू सांई थिये, ते अपणे पापी स्वभाव का हल्ले कट्टे नी गे थिये। तां परमेश्वर ने तुसा जो मसीह यीशु कने फिरी जिन्दा कित्ता, ते तिन्हा ने असा रे सारे पाप माफ करी दित्ते।

2 तीमुथियुस 3:6

इन्हा बिच का किच्‍छ मणू ता लोक्कां रे घरे अंदर बड़ी करी तित्ते री तिन्हा मुर्ख जनानियां जो अपणे काबू बिच करी लिंदे जिन्हेरा दिल तिन्हेरे पाप्पां रे बोझ रे हेठ दबित्ते रे हुंदे ते जे अपणे सरीर री बुरी इच्छा रे वस बिच हुंदी।

याकूब 5:5

तुसा दुनिया रे एशो अराम बिच ही लग्गी रे ते बड़ा ही सुख भोग्गेया। तुसा हमेसा सिर्फ अपणी खुसी तांइ जिये ते तिस्सी तरिक्के कने तांइ अप्पु जो तैयार कित्ता कि प्रभु तुसा जो सजा दैण।

प्रकाशित वाक्य 18:7

तिसने अपणी जिन्नी जादा अराम ते घमंड बिच बिताई, तिसका तिसेरे ही बराबर जुल्म सैह्‍ण कराओ। तिनिये अप्पु जो बोल्लेया, “मैं लोक्कां पर राणी सांई राज करणा। मैं कोई विधवा नी है, ते मेरे जो कोई दुख नी होणा।

प्रकाशित वाक्य 3:1

तिनिये मेरे जो बोल्लेया, “सरदीस सहर रे कलीसिया रे स्वर्गदूत जो ए चीठ्ठी लिख्ख, मैं अपणे सज्जे हत्थ बिच सत्त तारेयां जो थाम्मि करी रख्खे रा है, ते मैं ही तिन्हा सत्त दियां रे धूपदान रे बिच-मझाट्टे घूमदा-फिरदा। मैं तुसा जो ए बोलदा, मैं तेरे कम्मां जो जाणदा। दिखणे बिच ता तू मेरा भरोस्सेमंद विश्वासी लगदा पर अवे तू मेरे कहे मुताबिक नी चलदा।