1 तीमुथियुस 5:22 - चम्बयाली नौआ नियम

²² जल्दबाजी बिच कुसकी भी मणू पर हत्थ रख्खी करी तिसजो परमेश्वर री सेवा करणे तांइ मुखिया मत बणांदे। कुसकी रे पाप बिच हिस्सेदार मत बणदे, अप्पु जो पवित्र बणाई रख्खो।

1 तीमुथियुस 5:22 ပူးပေါင်းရင်းမြစ်များ

प्रेरितां रे कम्म 13:3

तां तिन्हा ने ब्रत्त ते प्रार्थना करी के तिन्हा पर हत्थ रख्खे ते तिन्हा जो परमेश्वर रा कम्म करणे तांइ भेज्जी दित्तेया।

प्रेरितां रे कम्म 18:6

पर जां तिन्हा लोक्कां ने पौलुस रे खिलाफ होई करी तिसेरी बेजती करणा लग्गे, तां पौलुस ने अपणे कपड़े झाड़ी करी तिन्हा जो बोल्लेया, तुसा अपणी जिन्दगी तांइ अप्पु जिम्मेदार हिन, मैं बेकसूर है, अव्वे मैं गैर यहूदी रे मणूआं का जाई करी तिन्हा जो परमेश्वर रा बसेख सूणाणा।

प्रेरितां रे कम्म 20:26

इधेरे तांइ मैं अज्ज रे दिन तुसा जो गवाई देई करी बोलदा, कि जे अगर तुसा मसीह बिच विश्वास कित्ते बगैर मरी जांदे तां मैं तुसा री जिन्दगी तांइ जिम्मेदार नी है।

प्रेरितां रे कम्म 6:6

इन्हा जो प्रेरितां सामणे खड़ेरेया ते तिन्हा ने प्रार्थना करी के तिन्हा पर हत्थ रख्खे ताकि से मणू तिस सेवकाई जो करण।

इफिसियों 5:11

न्याहरे रे नाकाम पाप्पां बिच हिस्सेदार मत बणो, बल्कि लोक्कां जो फटकार लाई करी दस्सो कि से कम्म गलत हिन।

1 तीमुथियुस 3:10

सेवादारां जो चुनणे का पैल्ले इस गल्ल जो परखेया जाए कि ए कम्म करणे तांइ तिन्हा बिच सही काबलियत है या नी। ते जे अगर कुसकी जो भी तिन्हा बिच कोई गलती नी नजर आंदी तां ही से सेवादार रा कम्म करण।

1 तीमुथियुस 3:2

इधेरे तांइ ए जरुरी है कि कलीसिया रा मुखिया बेकसूर, तिसेरी सिर्फ इक्क ही लाड़ी हो, हर कम्म बिच अप्पु जो काबू बिच रखणे वाला, सूझ-बूझ कने बर्ताव करणे वाला, इज्जतदार, मेहमान्नां री खैर ख्वाह करणे वाला, ते जिस जो लोक्कां जो परमेश्वर रा बसेख शिक्षां दैणा आंदा हो।

1 तीमुथियुस 3:6

कलीसिया रा बड्डा मुखिया विश्वास बिच भी पक्का होणा चाएदा वरना तिनिये घंमड कने भरी जाणा ते तिसजो से ही सजा मिलणी जे शैतान जो मिल्ली थी।

1 तीमुथियुस 4:12

किजोकी तुसा जुआन हिन इधेरे तांइ इस हिसाब कने बर्ताव करो ताकि कोई तुसा रा अनादर ना करी सके पर तुसा जो गल्ल-बात करणे कने, तुसा रे बर्ताव कने, दूज्जेयां तांइ अपणे प्यार री वजह कने, मसीह बिच तुसा रे विश्वास री वजह कने ते तुसा रे बेदाग जिन्दगी री वजह कने विश्वासियां तांइ इक्क खरा उदारण बणना चाएदा ताकि से भी तिय्यां ही करण।

1 तीमुथियुस 4:14

तुसा बिच जे आत्मिक वरदान है तिसजो नजरंदाज मत करो जे तुसा जो भविष्यवाणी रे जरिये तिस बेल्ले दित्तेया गेया थिया जां कलीसिया रे बुजुर्गां ने तुसा पर हत्थ रख्खे थिये।

2 तीमुथियुस 1:6

इधेरे तांइ मैं तुसा जो तिन्हा वरदान्नां रा फिरी चेत्ता दुआया करदा है जे तुसा जो परमेश्वर ने तां दित्ते थिये जां मैं तुसा रे सिर पर अपणा हत्थ रख्खेया थिया।

2 तीमुथियुस 2:2

तुसा ने मते लोक्कां सामणे मेरे का मसीह रे बसेख रे बारे बिच सुणे रा है। इधेरे तांइ मैं चाह्‍ंदा कि तुसा भी तिस ही बसेख री शिक्षा तिन्हा भरोस्सेमंद विश्वासियां जो देयो जे होर लोक्कां जो सिखाणे रे काबिल हिन।

इब्रानियों 6:2

ते असा जो बपतिस्मा, हत्थ रख्खी करी आशीषां दैणा, मुर्देयां रे फिरी जिन्दे होणे रा, ते हमेसा रे इंसाफ री शिक्षा जदेई दुनियावी शिक्षा जो दुबारा सिखणे री जरुरत नी है।

2 यूहन्ना 1:11

किजोकी जे अगर कोई मणू इदेय मणू कने सलाम-दुआ रखदा तां से मणू भी तिसेरे मणू रे बुरे कम्मां बिच जिम्मेदार ठैहरदा।

प्रकाशित वाक्य 18:4

फिरी मैं स्वर्ग का इक्क होर अवाज सूणी, “ओ मेरे लोक्कों, तिस सहर जो छड्डी देयो। तिसेरे पाप्पां बिच शामिल ना हो ताकि तुसा जो भी तिस कने सजा ना मिले।”