1 तीमुथियुस 5:14 - चम्बयाली नौआ नियम

¹⁴ इधेरे तांइ तिन्हा जो ब्याह करी लैणा चाएदा, ते बच्चे पैदा करी के ते घर-बार सम्भालणा चाएदा। तां कुसकी दुश्मण जो तिन्हेरे खिलाफ किच्‍छ बोलणे रे मौक्का नी मिलणा।

1 तीमुथियुस 5:14 ပူးပေါင်းရင်းမြစ်များ

रोमियों 14:13

इधेरे तांइ, अग्गे का असी इक्क-दूए पर इल्जाम ना लाण, पर तुसा ए पक्का सोच्ची लेयो कि कोई अपणे संगी विश्वासी तांइ पाप करणे री वजह ना बणे।

2 कुरुन्थियों 11:12

पर मैं तुसा का कदी दान नी लैणा, ताकि दूज्जेयां जो इस गल्ल बिच घमंड करणे रा मौक्का ना मिल्ले कि तिन्हा ने भी तिस्सी तरिक्के कने सेवा करदे जिय्यां असी करदे।

1 तीमुथियुस 2:8

मैं चाह्‍ंदा कि हर प्रार्थना सभा बिच पवित्र जिन्दगी जीणे वाले मर्द हत्थां जो चुक्की करी बगैर कुसकी गुस्से ते बैह्सबाजी रे प्रार्थना करेया करे।

1 तीमुथियुस 4:3

से लोक्कां जो ब्याह करणे ते किच्‍छ-किच्‍छ चीजां खाणे का रोकदे पर परमेश्वर ने ए खाणे-पीणे री चीजां विश्वासी मणूआं ते तिन्हा मणूआं तांइ बणाए री है जे परमेश्वर री सच्ची शिक्षां जो जाणदे ताकि से धन्यवाद करी के खाण।

1 तीमुथियुस 5:11

पर जुआन विधवा जनानियां रे नां तिस सुची बिच मत लिखदा किजोकी जां तिन्हेरी शरीरी इच्छा तिन्हेरे मसीह री सेवा करणे री इच्छा का जादा बधी जांदी तां से फिरी ब्याह करी लिंदे।

1 तीमुथियुस 6:1

जिन्ने भी विश्वासी मणू गुलाम हिन, तिन्हा जो अपणे मालिकां री पूरी तरिक्के कने हर गल्ल बिच इज्जत करणा चाएदी, ताकि गैर-विश्वासी मणू परमेश्वर री ते असा री सिखाए री शिक्षां री बेजती ना करे।

तीतुस 2:5

ते अप्पु जो काबू बिच रखणे वाली, अपणे लाड़ेयां कने ईमानदार, ते घर री जिम्मेदारियां निभाणे वाली, ते अपणे-अपणे लाड़े रे अधीन रैह्णे वाली होण, ताकि परमेश्वर रे बसेख री बेजती ना हो।

तीतुस 2:8

जां तू विश्वासियां जो सिखाए तां तू ठीक मकसद कने इस हिसाब कने सिखाए जिस कने मणू तेरी इज्जत करण। से ही सिखाओ जे सच है ते जिस पर कोई बहस ना करी सके ताकि तुसा रे दुश्मण शर्मिंदा होई जाण किजोकी तिन्हा का असा रे बारे बिच बोलणे तांइ किच्‍छ भी गलत नी होणा।

इब्रानियों 13:4

ब्याह जो आदर देयो, ते ब्यात्ते रे आदमी ते औरत जो अप्पु अदंर इक्क-दूए री इज्जत करणा चाएदी, ते तिन्हा जो इक्क-दूए कने भरोसेमंद रैह्णा चाएदा। किजोकी व्यभिचारी ते चरित्रहीन लोक्कां पर परमेश्वर ने इल्जाम लाणा।