1 तीमुथियुस 5:13 - चम्बयाली नौआ नियम

¹³ ते इस कने से लोक्कां रे घरे-घरे घुम्मी-फिरी करी आलसी होई जांदी ते लोक्कां रे बारे बिच चुगलखोरी करणा सुरु करी दिंदी, से लोक्कां रे मामलेयां बिच दखलअंदाजी करदी ते पुठ्ठी-सीद्दी चीजां बोलदी।

1 तीमुथियुस 5:13 ပူးပေါင်းရင်းမြစ်များ

लूका 10:7

तिसी घर बिच रेयो, ते जे किच्‍छ तिन्हा का मिल्ले, से ही खाओ, किजोकी मजदूर जो तिसेरी मजदूरी मिलणा चाएदी, घर-घर मत फिरदे।

प्रेरितां रे कम्म 20:20

ते जे-जे गल्लां तुसा रे फैदे री थियां, तिन्हा जो दसणे ते मणूआं रे सामणे ते घरे-घरे जाई करी सखाणे का कदी भी नी झिझकेया,

प्रेरितां रे कम्म 20:30

तुसा बिच मझाटे बिच इदेय-इदेय मणू आई जाणे जिन्हा ने चेल्‍लेयां जो भी भटकाई दैणे तांइ पुठ्ठी-सीद्दी गल्लां बोलणी।

1 तीमुथियुस 5:12

से दुबारा ब्याह करणे री वजह कने गलत ठेहरदी किजोकी से दुबारा ब्याह ना करणे रे अपणे पैल्ले वादे जो तोड़ी दिंदी।

तीतुस 1:11

इदेय लोक्कां जो बाकि विश्वासियां जो सिखाणे का रोक्को किजोकी जां से इदेइ गल्लां सिखांदे तां से पूरे परिवार रे विश्वास जो बर्बाद करी दिंदे। से इय्यां इधेरे तिकर करदे ताकि से पैसे कमाई सकण।

याकूब 3:10

इक्क ही मुँह का शुक्रिया करदे ते श्राप भी दिंदे पर ओ मेरे संगी विश्वासियों, इदेया तां नी होणा चाएदा।

1 पतरस 4:15

जे अगर तुसा जो दुख झेलणा पे, तां इस वजह कने नी कि तुसा हत्यारे, चोर ते बुरे कम्म करणे वाले मणू हिन, या दूज्जेयां रे कम्म बिच रुकावट पाणे वाले मणू हिन,

3 यूहन्ना 1:10

इधेरे तांइ जा मैं आणा तां मैं साफ तौर पर कलीसिया रे मणूआं जो ए दसणा कि से कै करेया करदा है। से सिर्फ असा रे खिलाफ झूठ्ठी-झूठ्ठी गल्लां बोल्ली करी असा पर इल्जाम लांदा कि असी गलत कम्म करदे, ते सिर्फ इन्ना ही नी पर जां असा रे संगी विश्वासियां उत्ते जांदे तां से तिन्हा जो भी अपणे इत्ते आणे का टाली दिंदा ते जे मणू तिन्हा विश्वासी लोक्कां जो अपणे घरे रुकाणे चाह्‍ंदे से तिन्हा जो भी मना करदा ते तिन्हा जो कलीसिया का भी बाहर करी दिंदा।