1 तीमुथियुस 5:11 - चम्बयाली नौआ नियम

¹¹ पर जुआन विधवा जनानियां रे नां तिस सुची बिच मत लिखदा किजोकी जां तिन्हेरी शरीरी इच्छा तिन्हेरे मसीह री सेवा करणे री इच्छा का जादा बधी जांदी तां से फिरी ब्याह करी लिंदे।

1 तीमुथियुस 5:11 ပူးပေါင်းရင်းမြစ်များ

1 तीमुथियुस 4:3

से लोक्कां जो ब्याह करणे ते किच्‍छ-किच्‍छ चीजां खाणे का रोकदे पर परमेश्वर ने ए खाणे-पीणे री चीजां विश्वासी मणूआं ते तिन्हा मणूआं तांइ बणाए री है जे परमेश्वर री सच्ची शिक्षां जो जाणदे ताकि से धन्यवाद करी के खाण।

1 तीमुथियुस 5:12

से दुबारा ब्याह करणे री वजह कने गलत ठेहरदी किजोकी से दुबारा ब्याह ना करणे रे अपणे पैल्ले वादे जो तोड़ी दिंदी।

1 तीमुथियुस 5:14

इधेरे तांइ तिन्हा जो ब्याह करी लैणा चाएदा, ते बच्चे पैदा करी के ते घर-बार सम्भालणा चाएदा। तां कुसकी दुश्मण जो तिन्हेरे खिलाफ किच्‍छ बोलणे रे मौक्का नी मिलणा।

1 तीमुथियुस 5:9

जां कोई विधवा जनानी साठ्ठ साल री उमर री होई जांदी तां तिसेरा ही नां विधवा जनानियां री सुची बिच लिख्खेया जाए ते से विधवा जनानी सिर्फ इक्क ही मणू री लाड़ी रेई री हो।

याकूब 5:5

तुसा दुनिया रे एशो अराम बिच ही लग्गी रे ते बड़ा ही सुख भोग्गेया। तुसा हमेसा सिर्फ अपणी खुसी तांइ जिये ते तिस्सी तरिक्के कने तांइ अप्पु जो तैयार कित्ता कि प्रभु तुसा जो सजा दैण।

2 पतरस 2:18

जां से लोक्कां जो सिखाणा लगदे, तां से बेकार ते घमंड कने भरपूर शब्दां रा इस्तेमाल करदे। से लोक्कां जो ए सिखांदे कि से अपणे सरीर री बेशर्मी भरी इच्छां जो पूरा करी सकदे। ते से लोक्कां जो पाप री से ही चीजां करणे बिच दुबारा भटकाई दिंदे जिस जो करणा तिन्हा ने हाल ही बिच छड्डे रा हुंदा।

प्रकाशित वाक्य 18:7

तिसने अपणी जिन्नी जादा अराम ते घमंड बिच बिताई, तिसका तिसेरे ही बराबर जुल्म सैह्‍ण कराओ। तिनिये अप्पु जो बोल्लेया, “मैं लोक्कां पर राणी सांई राज करणा। मैं कोई विधवा नी है, ते मेरे जो कोई दुख नी होणा।

प्रकाशित वाक्य 18:9

“जां धरती रे तिन्हा राज्जेयां ने, जिन्हा ने तिस कने मिली करी अश्लील कम्म कित्ते थिये, ते तिसेरे एशो-अराम बिच भी शामिल थिये, जां तिन्हा ने तिसेरे फुकीणे रा धुआं दिखणा, तां तिन्हा ने तिस तांइ मातम मनाणा।