1 तीमुथियुस 4:8 - चम्बयाली नौआ नियम

⁸ शरीरी कसरत रे ता थोड़े-मते फायदे ता हिन पर आत्मिक कसरत हर तरिक्के कने फायदेमंद है किजोकी ए असा रे अज्ज ते आणे वाले बेल्ले बिच भी हमेसा री जिन्दगी दैणे रा वादा करदी।

1 तीमुथियुस 4:8 ပူးပေါင်းရင်းမြစ်များ

मत्ती 12:32

अते जे कोई मणू रे पुत्तर, जे मैं ही है रे खिलाफ बिच बोलगा तिसजो माफ कित्तेया जाणा, पर जे कोई पवित्रात्मा रे खिलाफ बिच किच्‍छ बोलगा, तिसेरा ए गुनाह ना तां इस जुग बिच अते ना आणे वाले जुग बिच माफ कित्तेया जाणा।

मत्ती 19:29

ते मेरे तांइ जिनिए भी अपणा घर-बार, भैण-भ्याल, मां-प्यो, निके-निके या अपणे खेतरां जो छड्डी दित्तेया, तिसजो सौ गुणा जादा मिलणा अते तिनिए हमेसा री जिन्दगी रा भी हकदार बणना।

मत्ती 6:33

पर पैल्ले तुसा परमेश्वर रे राज ते तिन्हेरी धार्मिकता जो महत्व देयो, तां ए सब चीजा तुसा जो मिली जाणियां।

मरकुस 10:30

इदेय हर कुसकी मणू जो सताव कन्ने कन्ने बदले बिच सौ गुणा घर-बार, भाई-भैण, मां, निके-निके, जमिनां ते आणे वाले दिनां बिच हमेसा री जिन्दगी मिलणी।

लूका 5:38

पर नौए अंगूर रा रस्स जो नौए खलड़ू अन्दर ही भरणा चाएदा

रोमियों 8:28

असी जाणदे कि परमेश्वर हर गल्ल बिच तिन्हा लोक्कां कने भलाई करदे जे तिन्हा कने प्यार करदे। परमेश्वर ने तिन्हा लोक्कां जो अपणे मकसद तांइ चुणे रे हिन।

1 कुरुन्थियों 8:8

पर रोट्टी असा जो परमेश्वर रे नेड़े नी लाई सकदी। खाणे का मना करणे कने असी परमेश्वर जो घट खुस करणे वाला नी बणी जांदे। ते ना ही खाणे कने असी परमेश्वर जो जादा खुस करी सकदे।

1 तीमुथियुस 4:7

पर नासमझी री मनघड़ंत कहाणिया बिच समय मत बर्बाद जिस कने परमेश्वर जो आदरमान नी मिलदा पर तुसा जो अप्पु जो ईश्वरीय जिन्दगी जीणा सिखाणा चाएदा।

1 तीमुथियुस 6:3

जे अगर कोई मणू गलत शिक्षा सिखांदा ते मसीह यीशु री दित्ते री सही शिक्षा जो नी मनदा,

1 तीमुथियुस 6:5

जिन्हा लोक्कां री समझ बिगड़ी गे री है, तिन्हा लोक्कां बिच बेकार रे झगड़े हुदें ते से मणू नी समजी सकदे कि सच कै है। से मणू सोचदे कि परमेश्वर री शिक्षा सिखाणा पैसा कमाणे रा जरिया है।

1 तीमुथियुस 6:6

पर असा तांइ ए खरा है कि असी से कम्म करिये जिस कने परमेश्वर खुस हुंदे ते तिस बिच संतुष्ट रैह्ण जे परमेश्वर असा जो दिंदे।

2 तीमुथियुस 3:5

तिन्हा ने परमेश्वर रे भक्त होणे रा ढोंग ता करणा पर तिन्हा ने परमेश्वर री ताकत जो तिन्हा जो सुधारणे नी दैणा। इदेय लोक्कां का दुर रेयो।

तीतुस 3:8

जे गल्लां मैं तुसा जो इस चीठ्ठी बिच बोल्ली री हिन से सारी भरोस्सेमंद हिन। ते मैं ए चाह्‍ंदा कि तुसा मणू इन्हा गल्लां रे बारे बिच डटी करी विश्वासी लोक्कां जो सिखाओ। ते से मणू भलाई रे कम्म करणे बिच अपणा ध्यान लाई रखण। ए शिक्षा हर इक्क जणे तांइ बदिया ते बड़ी मददगार हिन।

इब्रानियों 13:9

नौई ते बखरी-बखरी शिक्षां रे पीच्छे मत चलदे, जिन्हा ने तुसा जो सही रस्ते का गलत रस्ते पर लेई जाणा। परमेश्वर रा अनुग्रह कने अंदरूनी ताकत पाणा ठीक गल्ल है, ते खाणे-पीणे रे कानूनां जो ना मनणा खरा है, किजोकी जे मणू इन्हा कानूनां जो मनदे, तिन्हा जो इन्हा कने कोई फायदा नी होणा।

1 यूहन्ना 2:25

जिसेरा वादा पिता परमेश्वर ने असा कने कित्ते रा थिया से हमेसा री जिन्दगी है।

प्रकाशित वाक्य 3:12

जिन्हा लोक्कां ने दुष्ट पर जीत हासिल करणी, तिन्हा लोक्कां ने परमेश्वर रे मन्दिर रे खम्भे सांई होणा जिन्हेरी मैं अराधना करदा, ते तिन्हा जो से जगाह् भी छडणी नी पैणी। ए दिखाणे तांइ कि से मणू मेरे हिन मैं तिन्हा पर परमेश्वर रा नां ते परमेश्वर रे सहर यरुशलेम रा नां री छाप लाणी। तिस सहर ने परमेश्वर रे पास्से स्वर्ग का उतरणा। मैं तिन्हा पर इक्क नौए नां री छाप लाणी।

प्रकाशित वाक्य 3:21

जिन्हा लोक्कां ने दुष्ट पर जीत हासिल करणी, तिन्हा जो मैं अपणे कने सिंहासन पर बैठाणा, जिय्यां मैं भी दुष्ट जो हराई करी अपणे पिता कने तिन्हेरे सिंहासन पर बेई गेया।