1 तीमुथियुस 4:2 - चम्बयाली नौआ नियम

² झूठ्ठी शिक्षां दैणे वाले मणू कपट हिन। तिन्हा जो इस गल्ल री सुद्ध नी रैह्णी कि से जे करेया करदे हिन से सही भी है या नी, बिल्कुल तिय्यां ही जिय्यां कि भखदे लोहे कने फुकित्ते री चमड़ी सुन्न होई जांदी।

1 तीमुथियुस 4:2 ပူးပေါင်းရင်းမြစ်များ

मत्ती 24:24

किजोकी झूठ्ठे मसीह ते झूठ्ठे भविष्यद्वक्ता खड़ी उठणे, ते बड्डी-बड्डी चीजां ते हैरान करणे वाले चमत्कार दिखाणे कि जे होई सके ते चुणे रे लोक्कां जो भी भड़काई दैण।

मत्ती 7:15

“झूठे भविष्यद्वक्ता का बच्ची रेयो, जे भेड़ां रे भेस अन्दर तुसा का आन्दे, पर अन्दर का से खूंखार भेड़िए सांई हिन।”

प्रेरितां रे कम्म 20:30

तुसा बिच मझाटे बिच इदेय-इदेय मणू आई जाणे जिन्हा ने चेल्‍लेयां जो भी भटकाई दैणे तांइ पुठ्ठी-सीद्दी गल्लां बोलणी।

रोमियों 1:28

जां तिन्हा ने सोच्चेया कि परमेश्वर जो जाणना तिन्हा तांइ बेवकूफी री गल्ल है, तां परमेश्वर ने भी तिन्हा जो गलत कम्म करणे तांइ तिन्हेरे निकम्मे मन पर छड्डी दित्तेया।

रोमियों 16:18

किजोकी ऐसे मणू प्रभु मसीह यीशु री सेवा अपणे मतलब तांइ करदे, से अपणे मतलब जो पूरा करणे तांइ मिठ्ठी-मिठ्ठी गल्लां बोल्ली करी, भोले भाले लोक्कां जो धोखा दिंदे।

इफिसियों 4:14

ताकि अग्गे जो असी बच्चेयां सांई ना रैह्ण, असी तिन्हा किस्तियां सांई नी रैह्णा जे लहरां ते हवा कने इत्ते-उत्ते डोलदी रेह्न्दी। इसेरा मतलब ए है कि चलाक ते ठग लोक्कां ने फिरी असा जो अपणी झूठ्ठी शिक्षा कने बेवकूफ नी बणाई सकणा।

इफिसियों 4:19

किजोकी से मणू बड़े वरी बेशर्म होई गे हिन इधेरे तांइ से अय्याशियां करणे बिच लग्गी रैह्‍न्दे। से मणू हर तरिक्के रे गंदे कम्म करदे ते से मणू इसका होर भी जादा अय्याशी करणा चाह्‍ंदे।

2 तीमुथियुस 3:5

तिन्हा ने परमेश्वर रे भक्त होणे रा ढोंग ता करणा पर तिन्हा ने परमेश्वर री ताकत जो तिन्हा जो सुधारणे नी दैणा। इदेय लोक्कां का दुर रेयो।

प्रकाशित वाक्य 16:14

ए चमत्कार दिखाणे वाली दुष्टात्मा हिन जे सारी धरती रे राज्जेयां का निकली करी इस तांइ जांदी कि तिन्हा जो सर्वशक्तिमान परमेश्वर रे तिस बड्डे लडाई रे दिन तांइ कठ्ठा करण। ए से ही दिन है जां परमेश्वर ने तिन्हा जो मुकाई करी अपणे लोक्कां जो बचाणा।