1 तीमुथियुस 4:15 - चम्बयाली नौआ नियम

¹⁵ चुकन्ने होई करी इन्हा गल्लां जो अपणी जिन्दगी बिच लागू करदे रेयो ते पक्के तौर पर इन्हा गल्लां जो निभाओ ते इसेरे हिसाब कने ही जिन्दगी जियो। इस तरिक्के कने सारे विश्वासियां ने दिखणा कि तुसा मसीह बिच विश्वास करणे अंदर जादा का जादा बदेया करदे हिन।

1 तीमुथियुस 4:15 ပူးပေါင်းရင်းမြစ်များ

मत्ती 5:16

इय्यां ही तुसा री लौ मणूआं रे सामणे चमकणा चाएदी कि से तुसा रे भले कम्मां जो दिख्खी करी तुसा रे प्यो री, जे स्वर्ग अन्दर हिन, बड़ाई करण।”

प्रेरितां रे कम्म 6:4

पर असी तां प्रार्थना बिच ते वचन री सेवकाई बिच लग्गी रैह्णा।

1 कुरुन्थियों 16:15

ओ संगी विश्वासियों, तुसा स्तिफनास ते तिसेरे घराने जो जाणदे। से अखाया प्रदेश रे पैल्ले मणू हिन जिन्हा ने मसीह यीशु बिच विश्वास कित्तेया थिया। ते से मणू परमेश्वर रे लोक्कां री सेवा करणे तिकर हमेसा तैयार रैह्‍न्दे।

2 कुरुन्थियों 4:14

अते ए जाणदे कि जिनिये प्रभु यीशु जो मरे रे लोक्कां बिच का जिंदा कित्तेया, तिन्हा ने ही असा जो भी तिय्यां ही जिंदा करणा, ते परमेश्वर ने असा जो तुसा कने कठ्ठे करी के लेई आणा ते असी तिन्हेरी मौजुदगी बिच हाजिर रैह्ण।

2 कुरुन्थियों 8:5

ते तिन्हा ने असा री उम्मीद का जादा बधी करी कित्तेया, पैल्ले तिन्हा ने अप्पु जो परमेश्वर जो पसंद आणे वाली जिन्दगी जीणे तांइ समर्पित करी दित्तेया, ते फिरी तिन्हा ने प्रभु री इच्छा रे हिसाब कने अप्पु जो असा जो समर्पित करी दित्ता।

1 तीमुथियुस 4:14

तुसा बिच जे आत्मिक वरदान है तिसजो नजरंदाज मत करो जे तुसा जो भविष्यवाणी रे जरिये तिस बेल्ले दित्तेया गेया थिया जां कलीसिया रे बुजुर्गां ने तुसा पर हत्थ रख्खे थिये।

1 तीमुथियुस 4:16

इधेरे तांइ चुकन्ने रेयो कि तुसा किय्यां अपणी जिन्दगी जिया करदे हिन ते तुसा कै सिखांदे। इन्हा गल्लां पर टिकी रेय किजोकी जे अगर इय्यां करदा रैह्‍ंगा तां इसेरे नतीज्जे रे तौर पर परमेश्वर तेरे जो तेरे सुनणे वाले लोक्कां जो सजा का बचाणा।

1 तीमुथियुस 4:6

जे अगर तू संगी विश्वासियां जो इन्हा गल्लां री शिक्षां दिंदा रैह्‍ंगा, तां तैं मसीह यीशु रा खरा दास ठैहराणा ते तैं अपणे मन जो परमेश्वर रे वचन कने मजबूत करणा जिस जो असी बदिया का बदिया शिक्षा कने मनदे भी।

तीतुस 2:14

जिन्हा ने असा जो पाप री ताकत का छुटकारा दैणे तांइ अप्पु जो कुर्बान करी दित्ता ते असा जो धार्मिक ठैहराया ताकि असी तिन्हेरे अपणे खास मणू बणी जाण जिन्हा बिच ठीक कम्म करणे री बड़ी वरी इच्छा है।