1 तीमुथियुस 3:6 - चम्बयाली नौआ नियम

⁶ कलीसिया रा बड्डा मुखिया विश्वास बिच भी पक्का होणा चाएदा वरना तिनिये घंमड कने भरी जाणा ते तिसजो से ही सजा मिलणी जे शैतान जो मिल्ली थी।

1 तीमुथियुस 3:6 ပူးပေါင်းရင်းမြစ်များ

लूका 10:18

इस गल्ल पर यीशु ने तिन्हा जो बोल्लेया, मैं शैतान जो आसमान का बिजली सांई थल्ले पैंदे दिख्खेया।

1 कुरुन्थियों 3:1

ओ संगी विश्वासियों, मैं तुसा रे कने तिय्यां गल्ल नी करी सकेया, जिय्यां आत्मिक मणूआं कने करदा। पर इसेरे उलट मेरे जो तुसा कने इय्यां गल्ल करणा पेई जिय्यां कि दुनियावी मणूआं कने कित्ती जांदी, मतलब उन्हा कने जे मसीह यीशु री गल्लां जो समजणे बिच हल्ले बच्चे हिन।

1 कुरुन्थियों 8:1

तुसा अपणी चीठ्ठी बिच मेरे का मूर्तां जो भेंट चढ़ाए री रोट्टी रे बारे बिच पूच्छेया थिया। असा सारे ही इस मामले रे बारे बिच थोड़ा-मता जाणदे। पर ज्ञान असा जो घमंडी बणाई दिंदा, जदकी प्यार असा जो बाकि लोक्कां तांइ मददगार बणाई दिंदा।

2 कुरुन्थियों 12:7

मेरे सरीर बिच इक्क बड़ी वरी पीड़ कुसकी कंडे सांई लग्गे री है, ते शैतान रा इक्क दूत मेरे जो तड़पांदा रैहन्दा, ताकि मैं परमेश्वर का मिल्ले रे बड़े सारे प्रकाशन पाणे री वजह कने घमंडी ना बणी जां।

1 तीमुथियुस 3:7

से मणू मसीह बिच विश्वास ना करणे वाले लोक्कां बिच भी इज्जतदार होणा चाएदा कुथकी इय्यां ना हो कि से शैतान रे फंदे बिच फसी जाए।

1 तीमुथियुस 6:4

तां से मणू घमंडी है, ते से किच्‍छ भी नी समजदा। इदेया मणू वस बुरी, हिर्स, झगड़े ते गंदी गल्लां रे बारे बिच बैह्स ते झगड़े करणा पसंद करदा।

2 तीमुथियुस 3:4

धोखेबाज, ढीठ, अकड़बाज, ते परमेश्वर रे का जादा शरीरी सुख जो चाह्‍णे वाले मणू होणे।

1 पतरस 2:2

जिय्यां कि नौए जम्मे रे बच्चे अपणी मां रे दूद्द जो तोपदे, जे कि इक्कदम खरा हुंदा, तिय्यां ही तुसा जो भी परमेश्वर रे वचन जो सिखणी री चाह्‍त रखणा चाएदी ताकि तुसा आत्मिक तौर पर परिपक्व होई जाओ। तां फिरी आखिर बिच, परमेश्वर ने तुसा जो इस दुनिया री बुरी चीजां का बचाणा।

1 पतरस 5:5

तिय्यां ही, तुसा जवान मणू भी अपणे का बड्डे विश्वासियां रे कहे मुताबिक चलेया करो। तुसा जो निम्तेपन कने इक्क-दूए री सेवा करणा चाएदी, जिय्यां कि पवित्रशास्त्र बिच लिख्खे रा है, “परमेश्वर घमंडी मणूआं रे खिलाफ हिन, पर से निम्ते मणूआं कने ठीक हिन।”

2 पतरस 2:4

तुसा जाणदे कि जां बड़े लम्बे समय पैल्ले शैतान रे दूतां ने परमेश्वर रे हुकम री ना-फरमानी कित्ती थी, तां परमेश्वर तिन्हा जो तिन्हेरे कम्म तांइ सजा दित्ती थी। तिन्हा ने उन्हा सारेयां जो नरक बिच सूटी दित्तेया, ते तित्ते तिस दिन तिकर कैद करी रखणा जां तांइ से तिन्हा का हिसाब-किताब लेई सजा नी दिंदे।

यहूदा 1:6

याद करो कि प्रभु ने किय्यां तिन्हा शैतान रे दूतां जो सजा दित्ती थी जे अपणी जिम्मेदारी जो नी निभाया पर इसेरे उलट तिन्हा ने अपणे तिस ओह्दे जो छड्डी दित्तेया जे परमेश्वर ने तिन्हा जो सौप्पेयां थिया। परमेश्वर ने इन्हा स्वर्गदूतां जो इक्क न्याहरी जगाह् बिच तिस दिन तिकर झंझिरां कन्ने बन्नी करी रख्खे रा है जां परमेश्वर ने तिन्हा जो गुनेह्गार ठैहराणा।