1 तीमुथियुस 3:5 - चम्बयाली नौआ नियम

⁵ जे अगर से मणू अपणे परिवार जो ढंग कने ना चलाई सके तां पक्के तौर पर से मणू परमेश्वर रे लोक्कां री देख-रेख करणे रे काबिल भी नी होई सकदा।

1 तीमुथियुस 3:5 ပူးပေါင်းရင်းမြစ်များ

प्रेरितां रे कम्म 20:28

इधेरे तांइ अपणी ते अपणे सारे झुण्ड री चुकन्ने रेह्ई करी देख-रेख करो जिन्हा परमेश्वर रे लोक्कां बिच पवित्रात्मा ने तुसा जो कलीसिया रे मुखिया बणाए रा है कि तुसा परमेश्वर री कलीसिया री रखवाली करो जिस जो तिसने अपणे खून कने खरीदी लित्ते रा है।

1 कुरुन्थियों 10:32

जे किच्‍छ भी मैं करदा तिस बिच मैं सारेयां जो खुस करणे री कोसीस करदा, मैं सिर्फ अपणा फायदा नी सोचदा पर सारेयां रे फायदे तांइ सोचदा ताकि से मणू छुटकारा पाई सकण। तिय्यां ही तुसा इस तरिक्के कने जिन्दगी जियो कि यहूदी, गैर यहूदी ते परमेश्वर री कलीसियां रे लोक्कां तांइ मुसीबत री वजह बणो।

इफिसियों 1:22

परमेश्वर ने सब किच्‍छ मसीह यीशु रे हक बिच करी दित्तेया, ते कलीसिया रे फायदे तांइ तिन्हा जो हर इक्क चीज पर प्रधान बणाया।

इफिसियों 5:24

जिय्यां कलीसिया मसीह यीशु रे अधीन है तिय्यां ही लाड़ीया भी हर गल्ल बिच अपणे-अपणे लाड़ेयां रे अधीन रहे।

इफिसियों 5:32

ए बड़ा बड्डा राज़ है, पर मैं मसीह यीशु ते कलीसिया रे बारे बिच बोलदा।

1 तीमुथियुस 3:15

कि जे अगर मेरे तित्ते पुजणे बिच देर भी होई जाओ तां मैं चाह्‍ंदा कि तुसा इस गल्ल जो जाणो कि परमेश्वर रे परिवार, जे कलीसिया है तिस बिच लोक्कां जो इक्क-दूए कने किय्यां बर्ताव करणा चाएदा। जिन्दे परमेश्वर री कलीसिया रे मणू सच्चाई री शिक्षा री नीं ते खम्भे सांई हिन।