1 तीमुथियुस 3:2 - चम्बयाली नौआ नियम

² इधेरे तांइ ए जरुरी है कि कलीसिया रा मुखिया बेकसूर, तिसेरी सिर्फ इक्क ही लाड़ी हो, हर कम्म बिच अप्पु जो काबू बिच रखणे वाला, सूझ-बूझ कने बर्ताव करणे वाला, इज्जतदार, मेहमान्नां री खैर ख्वाह करणे वाला, ते जिस जो लोक्कां जो परमेश्वर रा बसेख शिक्षां दैणा आंदा हो।

1 तीमुथियुस 3:2 ပူးပေါင်းရင်းမြစ်များ

लूका 1:6

जकरयाह अते इलीशिबा परमेश्वर री नजरां बिच धार्मिक थिये, ते प्रभु रे सारे हुक्मा ते विधियां पर चलणे वाले थिये।

लूका 2:36

अशेर गोत्र बिच का फनुएल री कुड़ी हन्ना इक्क भविष्यद्वक्तिणी करणे वाली थी, तिसेरे ब्याह् जो हल्ले कोई सत्त साल ही होये रे थिये, कि तिसेरा लाड़ा मरी गेया।

रोमियों 12:13

पवित्र मणूआं तांइ जे किच्‍छ भी जरुरी हो, तिस अन्दर तिन्हेरी मदद करो। अजनबी लोक्कां रीखातिर दारी करणे बिच लग्गी रेयो।

फिलिप्पियों 2:15

ताकि इस दुनिया रे बुरे ते भ्रष्ट लोक्कां बिच परमेश्वर रे बच्चेयां सांई इक्क ठीक ते साफ जिन्दगी जियो। इस दुनिया रे लोक्कां बिच मझाटे जिन्दगी रे वचन बिच मजबूत होई करी आसमान रे तारेयां सांई चमको।

1 तीमुथियुस 3:12

सेवादार री इक्क लाड़ी होणा चाएदी ते से अपणे परिवार जो ठीक तरिक्के कने संभालणे ते तिन्हेरी देख-रेख करणे वाले होणे चाएदे।

1 तीमुथियुस 3:8

तिय्यां ही कलीसिया रे सेवादार मणूआं रा भी लोक्कां बिच खरा नां होणा चाएदा। से दोगली गल्लां करणे वाला, सराबी ते पैसे रा लालची नी होणा चाएदा,

1 तीमुथियुस 4:3

से लोक्कां जो ब्याह करणे ते किच्‍छ-किच्‍छ चीजां खाणे का रोकदे पर परमेश्वर ने ए खाणे-पीणे री चीजां विश्वासी मणूआं ते तिन्हा मणूआं तांइ बणाए री है जे परमेश्वर री सच्ची शिक्षां जो जाणदे ताकि से धन्यवाद करी के खाण।

1 तीमुथियुस 5:10

से विधवा जनानी अपणे भलाई रे कम्मां तांइ जाणी जांदी हो जिय्यां कि बच्चेयां रा पालण-पोषण करणा, मेहमान-नवाजी करणा, प्रभु रे लोक्कां री सेवा करणा, मुसीबत बिच पेय रे लोक्कां री मदद करणा ते हर तरिक्के रे भलाई रे कम्मां बिच मन लाणा।

1 तीमुथियुस 5:22

जल्दबाजी बिच कुसकी भी मणू पर हत्थ रख्खी करी तिसजो परमेश्वर री सेवा करणे तांइ मुखिया मत बणांदे। कुसकी रे पाप बिच हिस्सेदार मत बणदे, अप्पु जो पवित्र बणाई रख्खो।

1 तीमुथियुस 5:9

जां कोई विधवा जनानी साठ्ठ साल री उमर री होई जांदी तां तिसेरा ही नां विधवा जनानियां री सुची बिच लिख्खेया जाए ते से विधवा जनानी सिर्फ इक्क ही मणू री लाड़ी रेई री हो।

2 तीमुथियुस 2:24

प्रभु रे सेवादार रे होणे रे नात्ते तुसा जो झगड़ालू नी होणा चाएदा, पर सारे लोक्कां कने नरमदिल ते साफ-तौर पर परमेश्वर रा बसेख सुनाणे बिच काबिल होणा चाएदा ते लोक्कां कने सबर कने रैह्णा आणा चाएदा।

तीतुस 2:2

बुजुर्ग मणू अप्पु जो काबू बिच रखणे वाले होण, ते सोच्ची-समजी करी बर्ताव करणे वाले होण ताकि मणू तिन्हेरी इज्जत करण, परमेश्वर बिच तिन्हेरा विश्वास मजबूत हो, ते दूए लोक्कां कने बड़ा रखणे वाले होण, ते सहनशील होण।

इब्रानियों 13:2

जिन्हा भी विश्वासियां कने तुसा पैल्ले ना मिल्ले रे होण, तिन्हा जो अपणे घर मेहमान बणाई करी तिन्हेरी सेवा पाणी करणा मत भूलदे। किजोकी इय्यां ही जाणे-अजनाणे बिच लोक्कां ने स्वर्गदूतां री भी मेहमान-नवाज़ी कित्ते री है।

इब्रानियों 3:14

जे अगर असी परमेश्वर बिच विश्वास करणे अंदर आखिर तिकर तिय्यां ही मजबूत बणे रे, जां तिस बेल्ले थिये जा असी पैल्ली वरी तिन्हा बिच विश्वास कित्तेया थिया, तां असा जो मसीह री हर चीज बिच हिस्सा मिलणा।

1 पतरस 4:7

हर चीज रा अंत नेड़े है। इधेरे तांइ चुकन्ने रेयो ते अपणे मन पर काबू रख्खो ताकि तुसा प्रार्थना करदे रेयो।

1 पतरस 4:9

बगैर बुड़बुड़ाए मेहमान्नां जो अपणे घरे रुकाओ ते तिन्हेरी खात्तरदारी करेया करो।

1 पतरस 5:8

चुकन्ने ते तैयार रेयो, किजोकी शैतान जे तुसा रा दुश्मण है, से तुसा पर हमला करणा चाह्‍ंदा ताकि तुसा परमेश्वर रे गलाए चलणा छड्डी देयो। से कुसकी शेर सांई है जे कुसकी जो मारी करी खाई रखणे तांइ दाहड़दे होए चौं पास्से घूमदा रैहन्दा।