1 तीमुथियुस 3:16 - चम्बयाली नौआ नियम16 असी इस गल्ल जो पक्के तौर पर दसदे कि परमेश्वर री जाहिर कित्ते री शिक्षां पूरे तरिक्के कने सच्ची हिन, इसेरा मतलब ए है कि मसीह यीशु मणू रे रुप बिच पैदा होए, से पवित्रात्मा रे जरिये परमेश्वर रे पुत्तर साबित कित्ते गे, स्वर्गदूतां ने तिन्हा जो दिख्खेया, परमेश्वर ने तिन्हा जो स्वर्ग जो चुक्की लित्तेया, देस-देस अंदर तिन्हेरे बारे बिच प्रचार कित्तेया जांदा, ते मते लोक्कां ने तिन्हेरा विश्वास कित्तेया। အခန်းကိုကြည့်ပါ။ |
1 तीमुथियुस 3:16
81 ပူးပေါင်းရင်းမြစ်များ
असा रे पापी स्वभाव री वजह कने मूसा रा कानून कमजोर होई करी जे नी करी सकेया, से परमेश्वर ने कित्ता। तिन्हा ने अपणे इकलौत्ते पुत्तर जो असा पाप्पी लोक्कां का इक्क इन्सान रे रुप बिच भेज्जेया। ते परमेश्वर ने अपणे पुत्तर जो असा रे पाप्पां तांइ कुर्बानी रे रुप बिच देई करी, असा रे पाप्पां री सजा तिन्हेरे सरीर पर पाई दित्ती ते असा पर पाप री ताकत जो मुकाई दित्ता।
जे सुब बसेख तुसा जो सुणाया गेया थिया, से ही सुब बसेख अवे सारी दुनिया रे लोक्कां बिच सुणाया जांदा। ते जिय्यां इसने तुसा री जिन्दगी जो बदलेया थिया, जां तुसा ने पैल्ली वरी परमेश्वर रे बसेख जो सूणेया ते समजेया थिया कि तिस बिच किन्ना जादा अनुग्रह है, तिय्यां ही ए लोक्कां री जिन्दगी जो बदली करी जादा का जादा फल्ल लाया करदा है।
पर परमेश्वर ने तिन्हा भविष्यद्वक्तां जो ए दस्सेया कि ए बसेख तिन्हा तांइ नी पर तुसा लोक्कां तांइ है। से बसेख मसीह यीशु रा सुब बसेख है जिस जो अवे तुसा सुणी चुके रे हिन। तुसा जो सुब बसेख सुनाणे तांइ लोक्कां री मदद तांइ परमेश्वर ने स्वर्ग का अपणे पवित्रात्मा जो भेज्जेया थिया। स्वर्गदूत भी इन्हा गल्लां जो बड़े उत्तेजित होई करी दिख्खेया करदे हिन।
मैं ए इधेरे तांइ बोल्लेया करदा है किजोकी मसीह ने असा रे पाप्पां रे बदले जुल्म सैह्ण कित्तेया ते मारे गे। से इक्क ही वरी मरे ते तिय्यां दुबारा करणे री जरुरत नी है। से अप्पु धार्मिक थिये जिन्हा असा जो परमेश्वर रे नेड़े अणने तांइ असी पाप्पी लोक्कां तांइ अपणी जान देई दित्ती। लोक्कां ने तिन्हेरे सरीर जो मारी छड्डेया पर तिन्हेरी आत्मा हल्ले भी जिया करदी है।
ကြော်ငြာတွေ