1 तीमुथियुस 3:15 - चम्बयाली नौआ नियम

¹⁵ कि जे अगर मेरे तित्ते पुजणे बिच देर भी होई जाओ तां मैं चाह्‍ंदा कि तुसा इस गल्ल जो जाणो कि परमेश्वर रे परिवार, जे कलीसिया है तिस बिच लोक्कां जो इक्क-दूए कने किय्यां बर्ताव करणा चाएदा। जिन्दे परमेश्वर री कलीसिया रे मणू सच्चाई री शिक्षा री नीं ते खम्भे सांई हिन।

1 तीमुथियुस 3:15 ပူးပေါင်းရင်းမြစ်များ

मत्ती 16:16

शमौन पतरस ने जवाब दित्तेया, तुसा जिंदा परमेश्वर रे पुत्तर मसीह यीशु हिन।

मत्ती 18:18

मैं तुसा कने सच बोलदा, जे किच्‍छ तुसा दुनिया बिच बणना, स्वर्ग बिच बन्नेया जाणा अते जे किच्‍छ तुसा दुनिया पर खोलणा से स्वर्ग अन्दर खोल्लेया जाणा।

यूहन्ना 1:17

इस तांइ कि मूसा रा कानून तां मूसा रे पास्से का दित्तेया गेरे थिया पर परमेश्वर ने यीशु मसीह रे जरिए अनुग्रह कने सच्चाई लोक्कां पर ज़ाहिर कित्ती।

यूहन्ना 14:6

यीशु ने तिसजो बोल्लेया, रस्ता अते सच्चाई ते जिन्दगी मैं ही है, बगैर मेरे कोई पिता-परमेश्वर का नी पूज्जी सकदा।

यूहन्ना 18:37

पिलातुस ने तिन्हा जो बोल्लेया, तां तू राज्जा है? यीशु ने जवाब दित्तेया, तू बोलदा कि मैं राज्जा है मैं इधेरे तांइ पैदा होया ताकि सच्चाई री गवाई देयां हर इक्क से मणू जे सच्चाई रे पास्से है, से मेरी गल्लां सूणदा।

यूहन्ना 6:69

असा ने तुसा बिच विश्वास कित्या, कने जाणी गे हिन, कि परमेश्वर रा भेज्जे रे पवित्र मसीह तू ही है।

प्रेरितां रे कम्म 1:2

अपणे स्वर्ग पर चुक्के जाणे का पैल्ले तिन्हा ने अपणे चुणे रे प्रेरितां जो पवित्रात्मा री ताकत कने हुकम दित्ते।

प्रेरितां रे कम्म 14:15

असा भी तां तुसा सांई दुख-सुख भोगणे वाले आम मणू हिन, ते तुसा जो सुब बसेख सुणादे, कि तुसा इन्हा बेकार री चीजां का बखरे होई करी जिंदे परमेश्वर जो जाणो, जिन्हा ने आसमान ते जमीन ते समुन्द्र ते जे किच्‍छ तिस बिच है तिन्हा जो बणाया।

रोमियों 3:2

हाँ! इसेरे मते फायदे हिन। सबका पैल्ली गल्ल ता ए है कि तिन्हा पर परमेश्वर रे बसेख जो ज़ाहिर कित्ता गेया।

रोमियों 9:26

ते जिस जगाह् पर परमेश्वर ने बोल्लेया, तुसी मेरे मणू नी हिन, तित्ते ही जिन्दे परमेश्वर ने तिन्हा जो अपणी औलाद्दां बोल्लेया।”

1 कुरुन्थियों 10:32

जे किच्‍छ भी मैं करदा तिस बिच मैं सारेयां जो खुस करणे री कोसीस करदा, मैं सिर्फ अपणा फायदा नी सोचदा पर सारेयां रे फायदे तांइ सोचदा ताकि से मणू छुटकारा पाई सकण। तिय्यां ही तुसा इस तरिक्के कने जिन्दगी जियो कि यहूदी, गैर यहूदी ते परमेश्वर री कलीसियां रे लोक्कां तांइ मुसीबत री वजह बणो।

1 कुरुन्थियों 3:16

तुसा ठीक तरिक्के कने जाणदे कि तुसा परमेश्वर रा मन्दिर हिन अते पवित्रात्मा तुसा रे बिच वास करदा।

2 कुरुन्थियों 3:3

साफ तौर पर तुसा मसीह यीशु रे पास्से का चीठ्ठियां सांई हिन जे असा री सेवकाई रा नतीज्जा है, जे सलेट पर नी लिख्खे गेरे हिन पर परमेश्वर री आत्‍मा कने असा रे दिल री सलेट पर लिख्खे गेरे हिन।

2 कुरुन्थियों 6:16

ते मूर्तां कने परमेश्वर रे मन्दिर रा कोई रिस्ता नी। किजोकी असी ता जिन्दे परमेश्वर रे मन्दिर हिन, जिय्यां परमेश्वर ने बोल्ले रा है, “मैं तिन्हा लोक्कां बिच बसणा ते तिन्हा बिच चलणा-फिरणा, मैं तिन्हेरा परमेश्वर होण ते से मेरे मणू होणे।”

2 कुरुन्थियों 6:7

असी सच्चे प्यार कने, सच्चाई रे वचनां कने, परमेश्वर री ताकत कने, धार्मिकता रे हथियारां कने जे हमला करणे ते अपणी रक्षा करणे तांइ हिन, ते लोक्कां रा असा री इज्जत या बेइज्जती करणे रे जरिये, ते तिन्हेरे असा रे बारे बिच ठीक या बुरी गल्लां बोलणे रे जरिये भी अप्पु जो परमेश्वर रे चुणे रे दास साबित करदे। ते हालांकि असा जो ढोंगी समजेया गेया, पर असी सच ही बोलदे।

गलातियों 2:9

याकूब, कैफा ते यूहन्ना जिन्हा जो कलीसिया रे खम्भे सांई समजेया जांदा, जां तिन्हा ने मेरे पर होए रे परमेश्वर रे अनुग्रह जो समजी लेया, तां तिन्हा ने मेरे जो ते बरनबास जो अपणी मण्डली रा सहयोगी मन्नी लेया ते से इस गल्ल पर सहमत होई गे कि से यहूदी मणूआं बिच ते असी गैर यहूदी मणूआं जो बसेख सूणाणा जारी रखण।

गलातियों 3:1

ओ गलातिया कलीसिया रे मणूओं, तुसा नासमझ होई गेरे हिन। मैं तुसा जो साफ-साफ समजाया थिया कि यीशु मसीह ने सुली पर कुर्बानी किजो दित्ती थी, पर फिरी भी तुसा किय्यां धोखा खाई सकदे?

इफिसियों 4:21

मेरे जो इस गल्ल रा पक्के तौर पर पता है कि जां तुसा ने मसीह यीशु रे बारे बिच सूणेया थिया तां तुसा तिन्हा का सच्ची शिक्षां जो सिख्खेया थिया।

कुलुस्सियों 1:5

तुसा ए सब इधेरे तांइ करदे किजोकी तुसा रा विश्वास ते आस, तिन्हा चीजां पर आधारित है जे परमेश्वर ने तुसा तांइ स्वर्ग बिच संभाली करी रख्खे री है। तुसा जो तिसेरी उम्मीद तिस बेल्ले का थी जां तुसा पैल्ली वरी मसीह यीशु रा सुब बसेख सूणेया थिया, जे परमेश्वर रा सच्चा बसेख है।

1 थिस्सलुनीकियों 1:9

किजोकी मणू अप्पु-मिते गल्लां करदे कि जां असी तुसा का आए थिये तां तुसा ने असी लोक्कां रा कदेया स्वागत कित्तेया थिया अते तुसा मूर्तां री पूजा करणा छड्डी करी जिंदे परमेश्वर रे पास्से किय्यां मुड़े थिये, ताकि तुसा जिंदे अते सच्चे परमेश्वर री सेवा करी सको,

1 तीमुथियुस 3:14

मैं तेरे का तौले आणे री आस रखणे रे बावजूद भी ए गल्लां तिज्जो इधेरे तांइ लिख्खेया करदा है

1 तीमुथियुस 3:16

असी इस गल्ल जो पक्के तौर पर दसदे कि परमेश्वर री जाहिर कित्ते री शिक्षां पूरे तरिक्के कने सच्ची हिन, इसेरा मतलब ए है कि मसीह यीशु मणू रे रुप बिच पैदा होए, से पवित्रात्मा रे जरिये परमेश्वर रे पुत्तर साबित कित्ते गे, स्वर्गदूतां ने तिन्हा जो दिख्खेया, परमेश्वर ने तिन्हा जो स्वर्ग जो चुक्की लित्तेया, देस-देस अंदर तिन्हेरे बारे बिच प्रचार कित्तेया जांदा, ते मते लोक्कां ने तिन्हेरा विश्वास कित्तेया।

1 तीमुथियुस 3:2

इधेरे तांइ ए जरुरी है कि कलीसिया रा मुखिया बेकसूर, तिसेरी सिर्फ इक्क ही लाड़ी हो, हर कम्म बिच अप्पु जो काबू बिच रखणे वाला, सूझ-बूझ कने बर्ताव करणे वाला, इज्जतदार, मेहमान्नां री खैर ख्वाह करणे वाला, ते जिस जो लोक्कां जो परमेश्वर रा बसेख शिक्षां दैणा आंदा हो।

1 तीमुथियुस 3:5

जे अगर से मणू अपणे परिवार जो ढंग कने ना चलाई सके तां पक्के तौर पर से मणू परमेश्वर रे लोक्कां री देख-रेख करणे रे काबिल भी नी होई सकदा।

1 तीमुथियुस 4:10

किजोकी असी जिंदा परमेश्वर बिच विश्वास करदे इधेरे तांइ असी संघर्ष ते मैहनत करदे ताकि तिस जिन्दगी जो हासिल करी सकण। परमेश्वर असा मणूआं जो छुटकारा दिंदे ते खासतौर पर तिन्हा लोक्कां जो जे तिन्हा बिच विश्वास करदे।

1 तीमुथियुस 6:16

ते सिर्फ से ही हिन जिन्हा ने हमेसा तांइ रैह्णा, से इन्नी जादा चमकदार रौसनी बिच रैह्‍न्दे। कुसकी मणू ने तिन्हा जो कदी नी दिख्खेया ते ना ही दिख्खी सकदा, तिन्हेरी महिमा ते ताकत हमेसा-हमेसा तांइ रैह्णी। आमीन!

2 तीमुथियुस 2:19

तां भी परमेश्वर रे लोक्कां रा विश्वास कुसकी घरे री नीं सांई मजबूत है जे बिल्कुल भी हिलदी नी। तिस नीं पर ए गल्लां लिखित्ते री हिन, “परमेश्वर जाणदे कि तिन्हेरे मणू कुण हिन” ते ए भी “जे मणू परमेश्वर री अराधना करदे तिन्हा जो बुराई करणा छड्डी दैणा चाएदा।”

2 तीमुथियुस 2:20

बड्डे घरां बिच सोन्ने-चाँदी रे बर्तन हुंदे, किच्‍छ भांडे खास अवसर तांइ इस्तेमाल हुंदे ते किच्‍छ भांडे आम कम्मां तांइ इस्तेमाल हुंदे।

इब्रानियों 10:21

किजोकी असा रे बड्डे पुरोत्त है इन्ने महान हिन, कि से परमेश्वर रे घर रे अधिकारी हिन,

इब्रानियों 12:22

पर तुसा सिय्योन रे पहाड़ रे नेड़े आए रे हिन, जित्ते स्वर्गीय यरुशलेम है, जे जिन्दगी दैणे वाले परमेश्वर रा सहर है, लख्खां स्वर्गदूतां

इब्रानियों 3:12

ओ संगी विश्वासियों, चुकन्ने रेयो, कि तुसा रे मन बिच इदेइ बुराई ते अविश्वास ना आई जाओ, जे तुसा जो जिन्दगी दैणे वाले परमेश्वर रे हुकमा जो मनणे का फेरी दे।

इब्रानियों 9:14

पर मसीह रा बेकसूर खून असा रे विवेक जो असा रे पाप्पां, जे असा री मौत री वजह बणदे, तिन्हा का साफ करदे, ताकि असी जिन्दे परमेश्वर री अराधना करी सकण। किजोकी पवित्रात्मा री ताकत रे जरिये मसीह ने अप्पु जो इक्क सिद्व कुर्बानी रे तौर पर परमेश्वर जो अर्पित करी दित्तेया।

1 पतरस 4:17

से समय आई गे रा है कि परमेश्वर लोक्कां का हिसाब लैणा सुरु करी दैण। किजोकी तिन्हा ने असी विश्वासी लोक्कां का ही हिसाब-किताब लैणा सुरु करणा, ता फिरी तिन्हा ड्रौणी चीजां रे बारे बिच सोच्चो जे सुब बसेख री ना-फरमानी करणे वालेयां कने होणी।