1 तीमुथियुस 3:14 - चम्बयाली नौआ नियम

¹⁴ मैं तेरे का तौले आणे री आस रखणे रे बावजूद भी ए गल्लां तिज्जो इधेरे तांइ लिख्खेया करदा है

1 तीमुथियुस 3:14 ပူးပေါင်းရင်းမြစ်များ

1 कुरुन्थियों 11:34

जे अगर कोई भूख्खा हो तां अपणे घरे ही खाई लेया करे जिस कने जां तुसा कठियो तां तुसा चज्ज कने बर्ताव करेया करो ते परमेश्वर तुसा जो सजा ना दैण। बाकि गल्लां जो मैं आई करी सुलझाई दिंगा। मते तरिक्के रे हिन।

1 थिस्सलुनीकियों 2:18

असा ने खासतौर पर मैं, पौलुस कई वरी तुसा का आणा चाएया पर शैतान ने असा जो आणा का रोकदा रेया।

1 तीमुथियुस 3:13

किजोकी जे सेवादार अपणा कम्म ठीक तरिक्के कने करदे तिन्हा जो लोक्कां बिच बड़ी इज्जत मिलणी ते तिन्हा जो लोक्कां जो मसीह बिच तिन्हेरे विश्वास रे बारे दसणे बिच दसणे तांइ हिम्मत मिलणी।

1 तीमुथियुस 3:15

कि जे अगर मेरे तित्ते पुजणे बिच देर भी होई जाओ तां मैं चाह्‍ंदा कि तुसा इस गल्ल जो जाणो कि परमेश्वर रे परिवार, जे कलीसिया है तिस बिच लोक्कां जो इक्क-दूए कने किय्यां बर्ताव करणा चाएदा। जिन्दे परमेश्वर री कलीसिया रे मणू सच्चाई री शिक्षा री नीं ते खम्भे सांई हिन।

1 तीमुथियुस 4:13

जां तांइ मैं तित्ते ना पुज्जां तां तांइ कलीसिया बिच विश्वासियां रे सामणे पवित्रशास्त्र पढ़ने, तिन्हा जो प्रोत्साहित करणे ते सिखाणे बिच वक्त गुजारो।

फिलेमोन 1:22

ते इक्क होर गल्ल कि अपणे घर बिच मेरे तांइ इक्क कमरा तैयार करी रख्खो किजोकी मेरे जो इस गल्ल री उम्मीद है कि परमेश्वर ने तुसा री प्रार्थनां रा जवाब दैणा ते मेरे जो तित्ते आई करी तुसा कने मिलणे रा मौक्का मिलणा।

इब्रानियों 13:23

तुसा इस गल्ल जो जाणदे कि तीमुथियुस असा रा विश्वासी भ्याल जेल का छुटी गे रा है, जे अगर से तौले आंदा, तां मैं तिस कने तुसा कने मिलणे जो आणा।

2 यूहन्ना 1:12

होर भी मती सारी गल्लां हिन जे मैं तुसा जो दसणा चाह्‍ंदा पर मैं तुसा जो से गल्लां इय्यां चीठ्ठी बिच लिख्खी करी नी बोलणा चाह्‍ंदा। मैं चाह्‍ंदा कि तित्ते तुसा का आई करी तुसा कने आमणे सामणे गल्ल करां, ताकि असी अप्पु-मिते खुसी मनाई सकण।

3 यूहन्ना 1:14

मैं चाह्‍ंदा कि तित्ते तुसा का आई करी तुसा कने आमणे सामणे गल्ल करां, ताकि असी अप्पु-मिते खुसी मनाई सकण।