1 तीमुथियुस 3:10 - चम्बयाली नौआ नियम

¹⁰ सेवादारां जो चुनणे का पैल्ले इस गल्ल जो परखेया जाए कि ए कम्म करणे तांइ तिन्हा बिच सही काबलियत है या नी। ते जे अगर कुसकी जो भी तिन्हा बिच कोई गलती नी नजर आंदी तां ही से सेवादार रा कम्म करण।

1 तीमुथियुस 3:10 ပူးပေါင်းရင်းမြစ်များ

1 कुरुन्थियों 1:8

परमेश्वर ने तुसा जो आखरी समय तिकर मजबूत बनाणा, ते मसीह यीशु बिच तुसा रे विश्वास जो ताकतवर बनाणा ताकि तुसा मसीह यीशु रे हटी आणे वाले बेल्ले बिच बेकसूर ठेहरो।

कुलुस्सियों 1:22

अवे परमेश्वर ने अपणे पुत्तर रे मणू रे रुप बिच जन्म लैणे, ते सुली पर कुर्बानी दैणे रे जरिए, तुसा कने भी मेल जोल करी लेया, ताकि तुसा जो अपणी नजर बिच पवित्र, बेकसूर, ते बेगुनाह ठैहराए।

1 तीमुथियुस 3:13

किजोकी जे सेवादार अपणा कम्म ठीक तरिक्के कने करदे तिन्हा जो लोक्कां बिच बड़ी इज्जत मिलणी ते तिन्हा जो लोक्कां जो मसीह बिच तिन्हेरे विश्वास रे बारे दसणे बिच दसणे तांइ हिम्मत मिलणी।

1 तीमुथियुस 3:2

इधेरे तांइ ए जरुरी है कि कलीसिया रा मुखिया बेकसूर, तिसेरी सिर्फ इक्क ही लाड़ी हो, हर कम्म बिच अप्पु जो काबू बिच रखणे वाला, सूझ-बूझ कने बर्ताव करणे वाला, इज्जतदार, मेहमान्नां री खैर ख्वाह करणे वाला, ते जिस जो लोक्कां जो परमेश्वर रा बसेख शिक्षां दैणा आंदा हो।

1 तीमुथियुस 3:6

कलीसिया रा बड्डा मुखिया विश्वास बिच भी पक्का होणा चाएदा वरना तिनिये घंमड कने भरी जाणा ते तिसजो से ही सजा मिलणी जे शैतान जो मिल्ली थी।

1 तीमुथियुस 5:22

जल्दबाजी बिच कुसकी भी मणू पर हत्थ रख्खी करी तिसजो परमेश्वर री सेवा करणे तांइ मुखिया मत बणांदे। कुसकी रे पाप बिच हिस्सेदार मत बणदे, अप्पु जो पवित्र बणाई रख्खो।

1 यूहन्ना 4:1

ओ प्यारेयो, हर तिस मणू पर भरोस्सा मत करो जे ए दावा करदे कि असी पवित्रात्मा रे कहे मुताबिक गल्लां करदे। पर आत्‍मा जो परखो कि से परमेश्वर रे पास्से का हिन का नी किजोकी मते सारे झूठ्ठी भविष्यद्वक्ता दुनिया बिच हिन।