1 तीमुथियुस 2:6 - चम्बयाली नौआ नियम

⁶ सारे लोक्कां शैतान ते पाप रे काबू का छुड़ाणे तांइ मसीह ने अप्पु जो कुर्बान कित्तेया ते तिन्हेरी कुर्बानी सही समय इस गल्ल रा सबूत थी कि परमेश्वर सारे लोक्कां जो छुटकारा दैणा चाह्‍ंदे थिये।

1 तीमुथियुस 2:6 ပူးပေါင်းရင်းမြစ်များ

मत्ती 20:28

जिय्यां मणू रा पुत्तर, जे मैं ही है से इस तांइ नी आया कि उसेरी सेवा-टहल कित्ती जाए, पर इस तांइ आया कि अप्पु सेवा टहल करे ते मते जणेया रे छुटकारे तांइ अपणी जान देई दे।

मरकुस 1:15

ते बोल्लेया, “वक्त पूरा होई गेया, ते परमेश्वर रा राज नेड़े आई गे रा है तौबा करो ते सुब बसेख पर विश्वास करो।”

मरकुस 10:45

किजोकी मणू रा पुत्तर, जे मैं ही है इधेरे तांइ नी आया कि मेरी सेवा टहल कित्ती जाए, पर इधेरे तांइ आया ताकि अप्पु दूज्जेयां री सेवा-टहल करें अते बड़े जणेया रे छुटकारे तांइ अपणी जान देई दे।”

यूहन्ना 10:15

जिय्यां प्यो मेरे जो जाणदा ते मैं प्यो जो जाणदा, ते मैं अपणी भेड़ां तांइ हमेसा जान दैणे तांइ तैयार रैहन्दा।

यूहन्ना 6:51

हमेसा री जिन्दगी री रोट्टी, जे स्वर्ग का उतरे री है, से मैं है, जे कोई इस रोट्टी जो खान्दा, तिनिये हमेसा तांइ जिन्दा रैह्णा ते जे रोट्टी मैं दुनिया रे लोक्कां जो जिन्दगी तांइ दैणी, से मेरा सरीर है।

रोमियों 16:26

ते जिय्यां कि परमेश्वर ने पैल्ले का हुकम दित्तेया, ते भविष्यद्वक्तां ने पवित्रशास्त्र बिच दस्से रा है, ए लुके री गल्ल अवे गैर यहूदियां बिच दस्सी दित्ती गे री है, ताकि से मणू अवे परमेश्वर पर विश्वास करणे वाले ते तिन्हेरे हुकमां जो मनणे वाले मणू बणी जाण।

रोमियों 5:6

किजोकी जां असी कमजोर ही थिये, तां मसीह यीशु, परमेश्वर रे ठैहराए रे समय पर दुष्ट लोक्कां तांइ मरे।

2 कुरुन्थियों 5:21

मसीह जे पाप का अनजाण थिये, तिन्हा ही जो परमेश्वर ने असा तांइ पाप्पी ठैहराया ताकि परमेश्वर असा जो मसीह रे कित्ते रे कम्मां रे जरिये धार्मिक ठैहराण।

गलातियों 1:4

असा रे परमेश्वर ते पिता री मर्जी रे हिसाब कने मसीह यीशु ने असा रे पाप्पां तांइ अप्पु जो कुर्बान होणे तांइ देई दित्तेया, ताकि असा जो अज्ज रे इस बुरे दुनिया रे असर का बची रैह्ण।

गलातियों 4:4

पर जां परमेश्वर रा ठैहराए रा समय आई गेया तां परमेश्वर ने अपणे पुत्तर जो इस दुनिया बिच भेज्जेया जे इक्क जनानी का पैदा होए। से इक्क यहूदी मणू रे रुप बिच पैदा होए ते तिन्हा ने मूसा रे कानून जो मन्नेया।

इफिसियों 1:17

मैं प्रार्थना करदा कि असा रे प्रभु यीशु मसीह रे महिमामय पिता परमेश्वर तुसा जो आत्मिक ज्ञान ते समजदे ताकि तुसा तिन्हा जो पूरी तरिक्के कने जाणी सको।

इफिसियों 1:7

परमेश्वर ने असा जो मसीह रे खून बहाई करी कुर्बानी दैणे रे जरिये छुटकारा दित्ते रा है, जिसेरा मतलब ए है कि असा रे पाप माफ होई गेरे हिन किजोकी परमेश्वर रा अनुग्रह इन्ना महान है जे तिन्हा ने असा पर बड़ा जादा कित्ते रा है।

इफिसियों 3:5

पैल्ले समय बिच परमेश्वर ने अपणाए राज़ कुसकी पर भी ज़ाहिर नी कित्ते रा थिया, पर अवे तिन्हा ने इसजो अपणे पवित्र प्रेरितां ते भविष्यद्वक्तां पर पवित्रात्मा रे जरिये ज़ाहिर कित्ते रा है।

इफिसियों 5:2

जिय्यां मसीह यीशु ने तुसा कने प्यार कित्तेया, तिय्यां ही तुसा भी सारेयां कने प्यार करो। मसीह ने अप्पु जो तुसा रे पाप मिटाणे तांइ कुर्बान करी दित्ता ते से कुर्बानी परमेश्वर रे सामणे इक्क खुशबूदार भेंट सांई थिया।

2 थिस्सलुनीकियों 1:10

ए सारी चीजां तिस बेल्ले होणी जां मसीह यीशु ने तिन्हा लोक्कां का महिमा ते आदरमान पाणे तांइ हटी आणा जे तिन्हा बिच विश्वास करदे ते जे तिन्हेरे अपणे मणू हिन। तुसा भी तिन्हा लोक्कां बिच होणा किजोकी तुसा तिस बसेख पर विश्वास कित्तेया जे असा ने तुसा जो दस्सेया थिया।

1 तीमुथियुस 6:15

परमेश्वर जे परमधन्न ते इकलौत्ते अधिपति हिन, ते जे राज्जेयां रे राज्जे ते प्रभुआं रे प्रभु हिन, तिन्हा ने अपणे ठैहराए रे समय पर मसीह जो लोक्कां रे सामणे जाहिर करणा।

2 तीमुथियुस 1:8

इस वजह कने दूज्जे लोक्कां जो असा रे प्रभु मसीह यीशु रे बारे बिच दसणे का शरमाओ मत, ते तुसा जो इधेरे तांइ भी शर्मिंदा होणे री जरुरत नी है किजोकी मैं तिन्हेरी सेवा करणे री वजह कने कैद बिच है। इसेरे बजाए तुसा जो से ताकत इस्तेमाल करणी चाएदी जे तुसा जो परमेश्वर दिंदे ते सुब बसेख तांइ मेरे कने मेरी तकलीफ बिच हिस्सेदार बणी जाओ।

तीतुस 1:3

ते अवे बिल्कुल सही समय पर परमेश्वर ने ए सुब बसेख असा पर जाहिर कित्ते रा है ते असी इसेरा प्रचार सारे मणूआं बिच करदे। परमेश्वर जे असा जो छुटकारा दिंदे, तिन्हा ने मेरे जो ए जिम्मेदारी दित्ते री है ते तिन्हा तांइ मेरे जो ए कम्म करणे रा हुकम दित्ते रा है।

तीतुस 2:14

जिन्हा ने असा जो पाप री ताकत का छुटकारा दैणे तांइ अप्पु जो कुर्बान करी दित्ता ते असा जो धार्मिक ठैहराया ताकि असी तिन्हेरे अपणे खास मणू बणी जाण जिन्हा बिच ठीक कम्म करणे री बड़ी वरी इच्छा है।

इब्रानियों 9:12

ते फिरी मसीह इक्क ही वरी बिच हमेसा तांइ तिस सबका जादा पवित्र जगाह् बिच गे, ते असा जो असा रे पाप्पां का हमेसा तांइ छुटकारा देई दित्तेया। तिन्हा ने ए बकरे ते बछुआं रा खून बहाई करी तिन्हेरा कुर्बानी देई नी कित्तेया, बल्कि अपणा खून बहाई करी ते अपणी जान देई करी कित्तेया।

1 पतरस 2:24

जां मसीह मरे, तां तिन्हा जो असा रे पाप्पां री सजा तांइ सुली पर चढाया गेया थिया। तिन्हा ने ए इधेरे तांइ कित्तेया थिया ताकि असी पाप करणा छड्डी दैण ते धार्मिकता कने जीणा सुरु करी दैण। जिन्हा जख्मां जो तिन्हा ने सहन कित्तेया, तिन्हेरी वजह कने असी ठीक होए।

1 पतरस 3:18

मैं ए इधेरे तांइ बोल्लेया करदा है किजोकी मसीह ने असा रे पाप्पां रे बदले जुल्म सैह्‍ण कित्तेया ते मारे गे। से इक्क ही वरी मरे ते तिय्यां दुबारा करणे री जरुरत नी है। से अप्पु धार्मिक थिये जिन्हा असा जो परमेश्वर रे नेड़े अणने तांइ असी पाप्पी लोक्कां तांइ अपणी जान देई दित्ती। लोक्कां ने तिन्हेरे सरीर जो मारी छड्डेया पर तिन्हेरी आत्‍मा हल्ले भी जिया करदी है।

1 यूहन्ना 4:10

सच्चा प्यार ए है कि असा ने परमेश्वर जो पैल्ले प्यार नी कित्ता पर तिन्हा ने पैल्ले असा जो प्यार कित्ता। परमेश्वर ने अपणे इकलौते मुंडे जो असा रे पाप्पां तांइ कुर्बान करी के दित्तेया ताकि असा जो असा रे पाप्पां का माफी मिल्ले।

प्रकाशित वाक्य 1:5

ते मसीह यीशु रे पास्से का भी, जिन्हेरी गल्लां रा असी भरोस्सा करी सकदे। से ही हिन जे सबका पैल्ले मरणे का बाद मुर्देयां बिच का जिन्दे होई गे ते से दुनिया रे सारे राज्जेयां रे राज्जे हिन।

प्रकाशित वाक्य 5:9

से इक्क नौआ गाणा गाणे लगे, “तू इस कताब री मौहरे खोलणे रे तिस बिच लिख्खे री गल्लां जो पढ़ने रे लायक है, किजोकी तू मारेया गेया थिया ते तैं अपणे खून कने हर इक्क कुल, देस, भाषा, ते लोक्कां जो परमेश्वर तांइ खरीदी लित्तेया।”