1 तीमुथियुस 2:15 - चम्बयाली नौआ नियम

¹⁵ पर फिरी भी जे अगर जनानियां मसीह बिच विश्वास बणाई रखदी, बाकि लोक्कां कने प्यार करदी ते पवित्र ते ठीक तरिक्के कने बर्ताव करदी तां परमेश्वर ने तिन्हा जो बच्चे पैदा करणे रे जरिये बचाणा।

1 तीमुथियुस 2:15 ပူးပေါင်းရင်းမြစ်များ

लूका 2:7

ते तिनिये अपणे पैल्ले मुंडे, यीशु जो जम्मेया, अते तिसजो फालड़ी अन्दर लपेटी करी चरिह् अन्दर रखेया, किजोकी तिन्हेरे जो सराये बिच रैह्णे तांइ जगाह् नी मिल्ली थी।

1 कुरुन्थियों 12:23

ते सरीर रे से अंग जिन्हेरा कुसकी रे दिख्खी लैणा बड़ी अशोभनीय ते शर्म री गल्ल है, असी तिन्हा जो ढकी करी रखणे तांइ जादा ध्यान दिंदे। इस तरिक्के कने असी तिन्हा जो बड़े ध्यान कने संभालदे। जदकी से अंग जिन्हा जो असी बड़ा छैल समजदे तिन्हा पर इन्ना ध्यान दैणे री जरुरत नी पैंदी। इधेरे तांइ परमेश्वर ने सरीर री संरचना इस तरिक्के कने कित्ते री है कि तिन्हा घट शोभा दैणे वाले अंगा जो जादा आदर ते ध्यान मिल्ले।

1 तीमुथियुस 1:14

परमेश्वर ने लगातार मेरे पर भरपूर अनुग्रह कित्तेया, ते तिन्हा ने मेरे जो मसीह यीशु बिच विश्वास ते प्यार दित्तेया।

1 तीमुथियुस 1:5

ए हुकम दैणे रा मकसद ए है कि तुसा साफ मन, साफ विवेक अते सच्चे विश्वास कने इक्क-दूए कने प्यार करो।

1 तीमुथियुस 2:9

तिय्यां ही मैं चाह्‍ंदा कि मसीही जनानियां ना इदेय बाल बणाई करी ते ना सोन्ने मोत्ती ते मैह्‍ंगे-मैह्‍ंगे गहणे पाई करी ते ना ही इदेय कपड़े पाई करी अप्पु जो संवारे जिसेरी वजह कने मर्द तिन्हेरे जो पाणा चाह्‍ण बल्कि से चज्ज कने इदेय कपड़े पाया करे जे तिन्हेरे सरीर जो ठीक कने तरिक्के कने ढके।

तीतुस 2:12

अपणे इस अनुग्रह कने परमेश्वर असा जो सिखांदे कि असा जो तिस तरिक्के रा बर्ताव नी करणा चाएदा जिस कने से खुस नी हुंदे। ते तिन्हा चीजां रा लालच छड्डी दैणा चाएदा जिन्हा जो अविश्वासी मणू करणा चाह्‍ंदे, ते जां तिकर असी इस दुनिया बिच रेया करदे हिन तां तांइ समजदारी ते धार्मिकता कने बर्ताव करण।

1 पतरस 4:7

हर चीज रा अंत नेड़े है। इधेरे तांइ चुकन्ने रेयो ते अपणे मन पर काबू रख्खो ताकि तुसा प्रार्थना करदे रेयो।