1 तीमुथियुस 1:6 - चम्बयाली नौआ नियम

⁶ झूठ्ठे शिक्षकां ने तां इन्हा गल्लां जो छड्डी दित्ते रा है ते बेकार री गल्लां री बैह्सबाजी बिच पेई गेरे हिन।

1 तीमुथियुस 1:6 ပူးပေါင်းရင်းမြစ်များ

मत्ती 18:12

तुसा कै समजदे? जे कुसकी मणू री सौ भेड़ां होण, ते तिन्हा बिच का इक्क गुआची जाण, तां कै से नड़िनुये जो छड्डी करी तिस गुआची री भेड़ जो तोपणा नी जांगा?

1 तीमुथियुस 5:15

मैं इय्यां इधेरे तांइ बोल्लेया करदा है किजोकी किच्‍छ जनानियां ता परमेश्वर रे रस्ते जो छड्डी करी से ही कम्म करेया करदी हिन जे शैतान तिन्हा का करवाणा चाह्‍ंदा।

2 तीमुथियुस 2:18

तिन्हा ने सच्चाई बिच विश्वास करणा छड्डी दित्ते रा है। से बोलदे कि परमेश्वर ने विश्वासी लोक्कां जो हमेसा री जिन्दगी तांइ मुर्देयां बिच का फिरी जिन्दा करी दित्ते रा है। इसेरे नतीज्जे रे तौर पर से मते विश्वासियां जो ए सिखाया करदे हिन कि से मसीह यीशु री शिक्षां जो मनणा छड्डी दैण।

2 तीमुथियुस 4:10

किजोकी देमास दुनिया री चीजां जो जादा प्यार करदा इधेरे तांइ तिनिये मेरे जो छड्डी दित्तेया, ते थिस्सलुनीके रे कस्बे जो चली गेया, ते क्रेसकेंस गलातिया रे इलाक्के पास्से चली गेया ते तीतुस दलमतिया रे इलाक्के बिच चली गेया।

तीतुस 1:10

मैं ए इधेरे तांइ बोल्लेया करदा है किजोकी मते मणू सही शिक्षा रे खिलाफ होई जांदे। ए से मणू हिन जे पुठ्ठी-सीद्दी गल्लां सिखाई करी लोक्कां जो भटकांदे। ए गल्लां खासतौर तिन्हा यहूदियां तांइ हिन जे विश्वासी बणी गेरे हिन। से मणू चाह्‍ंदे कि सारे मसीही मणू यहूदी नियमां जो मन्नेया करें, खासतौर पर खतना कराणे रे नियम जो।

तीतुस 3:9

पर तुसा तिन्हा फालतू री बैह्सबाजी ते लड़ाई-झगड़े का दुर रेयो जे पूरखां ते मूसा रे कानून रे बारे बिच हुंदे। किजोकी से बेकार ते कुसकी भी फायदे री नी हिन।