1 तीमुथियुस 1:20 - चम्बयाली नौआ नियम

²⁰ उन्ही बिच का हुमिनयुस ते सिकन्दर हिन जिन्हा जो मैं कलीसिया बिच का कड्डी दित्ते रा है ते तिन्हा जो शैतान रे वस बिच छड्डी दित्ते रा है ताकि से मणू समजी जाण कि तिन्हा जो परमेश्वर री बेजती नी करणी चाएदी।

1 तीमुथियुस 1:20 ပူးပေါင်းရင်းမြစ်များ

मत्ती 18:17

जे से तिन्हा लोक्कां री भी ना सुणे, तां कलीसिया जो तिस कने गल्ल करणे तांइ बोल, जे से कलीसिया री भी नी सुणे, तां तुसा तिसजो कलीसिया का कड्डी देयो ते तिस कने इदेया बर्ताव रख्खो जदेया तुसा कुसकी गैर-यहूदी ते चुंगी लैणे वाले कने करदे।

प्रेरितां रे कम्म 13:45

पर यहूदी अधिकारियां री भीड़ जो दिख्खी करी रड़णा लग्गे, ते बेजती करदे पौलुस री गल्लां रे खिलाफ होई करी बोलणा लग्गे

प्रेरितां रे कम्म 19:33

तां भीड़ बिच का किच्‍छ लोक्कां ने सिकन्दर जो, जिसेरा नां यहूदियां जो सूझ्झेया थिया, तिसजो अग्गे खड़ा कित्तेया, सिकन्दर ने अपणे हत्थां कने लोक्कां जो चुप्प होणे रा इसारा कित्तेया ते मणूआं रे सामणे बचाव रा पक्ष रखणा चाएया।

1 कुरुन्थियों 11:32

पर प्रभु असा जो सजा देई करी असा जो अनुशासित करदे ताकि आखरी बिच असा जो दुनिया कने गुनेह्गार ना ठैहराण।

2 कुरुन्थियों 10:6

ते जां से पूरी तरिक्के कने मसीह रे हुकम मनणे वाले बणी जांदे, तां असी तैयार रैहन्दे कि मसीह यीशु रे हुकमां जो ना मनणे वाले जो सजा दिंदे।

2 कुरुन्थियों 13:10

इधेरे तांइ मैं तुसा का आणे का पैल्ले तुसा जो ए गल्लां चीठ्ठी बिच लिख्खेया करदा है, ताकि मेरे जो प्रभु रे दित्ते रे हक जो तुसा जो सजा देई करी दसणे री जरुरत ना पेयो। किजोकी मैं तिस हक जो तुसा रे विश्वास जो मजबूत करणे तांइ इस्तेमाल करण चाह्‍ंदा ना कि तोड़ने तांइ।

2 थिस्सलुनीकियों 3:15

तां भी तिस कने दुश्मणां जदेया बर्ताव मत करदे, ते जिय्यां तुसा भ्याल जो समझांदे तिय्यां ही तिसजो भी समझाई देयो।

1 तीमुथियुस 5:15

मैं इय्यां इधेरे तांइ बोल्लेया करदा है किजोकी किच्‍छ जनानियां ता परमेश्वर रे रस्ते जो छड्डी करी से ही कम्म करेया करदी हिन जे शैतान तिन्हा का करवाणा चाह्‍ंदा।

2 तीमुथियुस 2:14

विश्वासियां जो लगातार इन्हा गल्लां री शिक्षा दे, ते प्रभु जो गवाह मन्नी करी तिन्हा लोक्कां जो चिताइ दे कि से शब्दां रे मतलबां पर बैह्सबाजी ना करेया करण जिस कने कोई फायदा नी हुंदा, बल्कि तिन्हा जो सुनणे के विश्वासियां रे विश्वास कमजोर होई जांदा।

2 तीमुथियुस 2:17

तिन्हेरे बसेख ने फैलदे जाणा ते लोक्कां रे विश्वास जो नुक्सान पूजाणा, जिय्यां इक्क खुले रा जख्म फैलदा ते कुसकी मणू जो संक्रमित करदा। हुमिनयुस ते फिलेतुस इदेय लोक्कां बिच का ही हिन।

2 तीमुथियुस 3:2

किजोकी तिस समय बिच लोक्कां ने सिर्फ अपणी ही परवाह करणी, तिन्हा ने लालची, बुड़कां मारणे वाले, घमंडी, बेजती करणे वाले, मां-प्यो री गल्लां री ना-फरमानी करणे वाले, एहसान फरामोश, अपवित्र

इब्रानियों 12:5

तुसा तिन्हा हिम्मत दैणे वाली गल्लां जो भूली गेरे हिन, जे तुसा जो बच्चेयां सांई सिखाई गयी थी। जिय्यां कि पवित्रशास्त्र बिच लिख्खे गे रा है, “ओ मेरे पुत्तर, जां परमेश्वर तुसा री गलतियां कड्डे, तां बड़ा ध्यान कने सुणो, ते जां तुसा जो बके, तां तिस बेल्ले हार मत मनदे।

प्रकाशित वाक्य 13:1

तां मैं इक्क बड़े ड्रोणे जानवर जो समुंद्र बिच का निकलदे दिख्खेया। तिसेरे दस सींग ते सत्त सिर थिये, तिसेरे हर इक्क सिर पर इक्क मुकुट थिया, ते तिसेरे हर इक्क सिर इक्क इदेया नां लिख्खे रा थिया जे परमेश्वर तांइ बेजती है।

प्रकाशित वाक्य 3:19

किजोकी मैं जिस कने प्यार करदा, तिसजो सुधारदा भी, ते जिस जो औलाद सांई मनदा, तिसजो कोड़े भी लादां ताकि से पाप रे कम्म करणा छड्डी दे।