1 तीमुथियुस 1:2 - चम्बयाली नौआ नियम

² मसीह यीशु बिच विश्वास करणे री वजह कने तीमुथियुस तू मेरा सच्चा मुंडा है। असा रे पिता परमेश्वर ते मसीह यीशु तेरे जो अनुग्रह ते सांती दिंदे रैह्ण।

1 तीमुथियुस 1:2 ပူးပေါင်းရင်းမြစ်များ

रोमियों 1:7

मैं ए चीठ्ठी रोम सहर बिच रैह्णे वाले तुसा सारे विश्वासियां जो लिख्खेया करदा है, जिन्हा जो परमेश्वर प्यार करदे ते जिन्हा जो तिन्हा ने अपणे मणू बणने तांइ चुणे रा है। परमेश्वर पिता ते मसीह यीशु तुसा जो अनुग्रह ते सांती दैण।

गलातियों 1:3

असा रे पिता परमेश्वर, अते प्रभु यीशु मसीह रे पास्से का तुसा जो अनुग्रह अते सांती मिलदी रे।

1 थिस्सलुनीकियों 3:2

ते असी तुसा जो उत्साहित करणे तांइ ते विश्वास बिच मजबूत करणे तांइ अपणे इक्क विश्वासी भाई, मसीह रा सुब बसेख सुनाणे वाले असा रे साथी ते परमेश्वर रे सेवादार तीमुथियुस जो तुसा का भेज्जेया।

1 तीमुथियुस 1:12

मैं असा रे प्रभु यीशु मसीह रा शुकर करदा कि तिन्हा ने मेरे जो ताकत दित्ती ते मेरे जो भरोस्सेमंद समजी करी अपणी सेवा करणे तांइ ठैहराया।

1 तीमुथियुस 1:18

मेरे पुत्तर तीमुथियुस, मेरे तेरे जो ए सलाह देया करदा है, मैं चाह्‍ंदा कि तू भविष्यद्वक्ता रे बोल्ले री गल्लां याद करे कि तेरे कने कै होणा। तेरे जो तिसेरी बोल्ली री गल्लां जो तिन्हा झूठ्ठी शिक्षा दैणे वाले लोक्कां रे खिलाफ हथियार सांई इस्तेमाल करणा जरुरी है।

1 तीमुथियुस 6:20

ओ तीमुथियुस, इस जिम्मेदारी रा ध्यान रख्खे कि तू से कम्म जरुर करे जे करणे तांइ परमेश्वर ने तिज्जो चुणे रा है, मनघड़ंत ते खोखली गल्लां का दुर रेयो जे सुनणे बिच समजदारी री गल्लां लगदी।

2 तीमुथियुस 1:2

ओ तीमुथियुस तू मेरा प्यारा मुंडा है। पिता परमेश्वर ते असा रे मसीह यीशु तुसा पर अनुग्रह करदे रैह्ण।

2 तीमुथियुस 2:1

इधेरे तांइ ओ मेरे पुत्तर तीमुथियुस, होंसला रख, किजोकी तू जाणदा कि परमेश्वर ने तेरे जो से अनुग्रह दित्ते रा है जे सिर्फ मसीह कने रिस्ता बणाणे रे जरिये मिलदी।

तीतुस 1:4

मसीह बिच असा रे विश्वास री वजह कने, तीतुस तू मेरे बच्चे सांई है। पिता परमेश्वर ते असा जो छुटकारा दैणे वाले प्रभु यीशु मसीह तेरे जो अनुग्रह ते सांती दे।

तीतुस 2:2

बुजुर्ग मणू अप्पु जो काबू बिच रखणे वाले होण, ते सोच्ची-समजी करी बर्ताव करणे वाले होण ताकि मणू तिन्हेरी इज्जत करण, परमेश्वर बिच तिन्हेरा विश्वास मजबूत हो, ते दूए लोक्कां कने बड़ा रखणे वाले होण, ते सहनशील होण।

तीतुस 3:15

जे विश्वासी मणू मेरे कने इत्ते हिन से तुसा जो नमस्ते बोलदे। क्रेते टापू बिच जे असा जो प्यार करणे वाले संगी विश्वासी हिन तिन्हा जो असा रा नमस्ते बोल्लो। मैं प्रार्थना करदा कि परमेश्वर तुसा सारे जणेया पर अनुग्रह करण।

1 पतरस 1:2

पिता परमेश्वर ने तुसा जो अपणे मणू बणाणे ते पवित्रात्मा रे जरिये पवित्र ठैहराणे तांइ बड़े पैल्ले का ही चुनणे रा फैसला करी लित्तेया थिया। तिन्हा ने ए इधेरे तांइ कित्तेया ताकि तुसा मसीह यीशु रे कहे मुताबिक चलो ताकि तुसा तिन्हेरे सुली पर खून बहाणे रे जरिये सुच्चे कित्ते जाण। तुसा जो परमेश्वर रे पास्से का अनुग्रह ते सांती मिलदी रे।

2 यूहन्ना 1:3

पिता परमेश्वर ते तिन्हेरे पुत्तर मसीह यीशु रा अनुग्रह, दया ते सांती तिन्हा लोक्कां कने हमेसा-हमेसा तांइ बणी रे जे मणू सच्चाई ते प्यार बिच जिन्दगी बितांदे।

3 यूहन्ना 1:4

मेरे तांइ इसका जादा होर कोई खुसी री गल्ल नी हुंदी जां मैं सूणदा कि जिन्हा जो मैं अपणे बच्चेयां सांई मनदा से परमेश्वर री गल्लां जो मन्नी करी जिन्दगी जिया करदे हिन।

यहूदा 1:2

तुसा जो परमेश्वर रा अनुग्रह, प्यार ते सांती भरपुरी कने मिलदी रे।