1 तीमुथियुस 1:11 - चम्बयाली नौआ नियम

¹¹ सुब बसेख री ए महिमामय शिक्षा असा रे धन्न परमेश्वर रे पास्से का है जे लोक्कां जो सुनाणे तांइ मेरे जो सौंप्पि गे री है।

1 तीमुथियुस 1:11 ပူးပေါင်းရင်းမြစ်များ

लूका 2:14

“स्वर्ग अन्दर परमेश्वर री बड़ाई हो, ते दुनिया अन्दर तिन्हा मणूआं अन्दर सांती हो जिन्हा कने परमेश्वर खुस हिन।”

रोमियों 2:16

ए सारा किच्‍छ तिस दिन ज़ाहिर कित्तेया जाणा, जां परमेश्वर ने तिस सुब बसेख रे मुताबिक जिसेरा मैं प्रचार करदा, मसीह यीशु रे जरिये लोक्कां रे लुके री गल्लां रा हिसाब लैणा।

1 कुरुन्थियों 9:17

जे अगर मैं अपणे मर्जी कने सुब बसेख रा प्रचार करां तां परमेश्वर ने मेरे जो ईनाम दैणा। पर जे अगर मैं ए अपणी मर्जी कने ना करां तां भी ए इक्क पवित्र जिम्मेदारी है जे परमेश्वर ने मेरे जो सौंप्पे री है।

2 कुरुन्थियों 4:4

शैतान, जे इस दुनिया रे लोक्कां रा शासक है, तिनिये मसीह यीशु बिच विश्वास ना करणे वाले लोक्कां री समझ जो मंद करी रख्खे रा है, ताकि से मणू सुब बसेख री महिमामय रौसनी जो नी दिख्खी सके। से मणू मसीह यीशु रे इस महिमा रे बसेख जो नी समजदे जे परमेश्वर रे प्रतीरुप हिन।

2 कुरुन्थियों 4:6

किजोकी परमेश्वर ने ही बोल्ले रा है, “न्याहरे बिच रौसनी चमके।” ते से ही असा रे दिल बिच चमकी, ताकि असी मसीह बिच परमेश्वर री महिमा जो दिख्खी सकण।

गलातियों 2:7

पर इन्हा प्रधान मणूआं ने दिख्खेया कि जिय्यां परमेश्वर ने पतरस जो यहूदी लोक्कां जो सुब बसेख सुनाणे रा कम्म दित्ते रा है, तिय्यां ही मेरे जो भी गैर यहूदियां बिच सुब बसेख सुनाणे रा कम्म दित्ते रा है।

इफिसियों 1:12

परमेश्वर ने ए इधेरे तांइ कित्तेया ताकि असी यहूदी मणू जे मसीह बिच आस रखणे वाले पैल्ले मणू हिन तिन्हेरी महिमा ते बड़ाई करी सकण।

इफिसियों 1:6

परमेश्वर ने इय्यां इस तांइ कित्तेया ताकि तिन्हेरे महिमामय अनुग्रह तांइ तिन्हेरी बड़ाई करण, जिस जो तिन्हा ने असा लोक्कां जो मुफ्त बिच इधेरे तांइ दित्तेया किजोकी असा रा तिन्हेरे प्यारे पुत्तर कने रिस्ता है।

इफिसियों 2:7

ताकि परमेश्वर ए इधेरे तांइ कित्ता ताकि से आणे वाले समय बिच ए दिखाई सकण कि से किन्ने जादा अनुग्रहकारी हिन। परमेश्वर री ए दया मसीह यीशु कने रिश्ते बिच जुड़े रे असी लोक्कां जो दिसदी।

इफिसियों 3:10

अवे परमेश्वर रा मकसद ए है कि कलीसिया रे जरिये तिन्हेरे अनंत ज्ञान जो तिन्हा पर जाहिर करण जे आत्मां री अणदिख्खी दुनिया रे अधिकारी हिन ते तित्ते राज करदे।

कुलुस्सियों 1:25

इस कलीसिया तांइ मैं तुसा वास्ते परमेश्वर रे जरिये मेरे जो सौप्पि गे री सेवा तांइ इक्क दास रे रुप बिच चुणेया गे रा है, ताकि मैं परमेश्वर रे बसेख जो पूरे तरिक्के कने प्रचार करी सकां।

1 थिस्सलुनीकियों 2:4

पर जिय्यां परमेश्वर ने असा जो इस जोग्गे ठैहराई करी सुब बसेख दित्तेया, असी तैसा ही बखाण करदे, ते इस बिच मणूआं जो नी, पर परमेश्वर जो खुस करदे जे असा रे दिल री गल्लां जो जांचदे।

1 तीमुथियुस 2:7

परमेश्वर ने मेरे जो सुब बसेख रा प्रचार करणे ते प्रेरित बणने तांइ चुणेया। तिन्हा ने मेरे जो गैर यहूदी लोक्कां जो सच्चाई रा बसेख सुनाणे तांइ चुणेया। मैं झूठ नी बोल्लेया करदा है पर मैं सच बोल्लेया करदा है।

1 तीमुथियुस 6:15

परमेश्वर जे परमधन्न ते इकलौत्ते अधिपति हिन, ते जे राज्जेयां रे राज्जे ते प्रभुआं रे प्रभु हिन, तिन्हा ने अपणे ठैहराए रे समय पर मसीह जो लोक्कां रे सामणे जाहिर करणा।

1 तीमुथियुस 6:20

ओ तीमुथियुस, इस जिम्मेदारी रा ध्यान रख्खे कि तू से कम्म जरुर करे जे करणे तांइ परमेश्वर ने तिज्जो चुणे रा है, मनघड़ंत ते खोखली गल्लां का दुर रेयो जे सुनणे बिच समजदारी री गल्लां लगदी।

2 तीमुथियुस 1:11

इस्सी सुब बसेख जो फैलाणे तांइ मेरे जो इक्क प्रचारक, सुब बसेख दैणे वाला प्रेरित अते इक्क गुरु रे रुप बिच चुणेया गे रा है।

2 तीमुथियुस 1:14

पवित्रात्मा री ताकत रे जरिये जे सच्चाई तुसा जो सौप्पि गे री है, तिसजो बचाई करी रख्खो।

2 तीमुथियुस 2:2

तुसा ने मते लोक्कां सामणे मेरे का मसीह रे बसेख रे बारे बिच सुणे रा है। इधेरे तांइ मैं चाह्‍ंदा कि तुसा भी तिस ही बसेख री शिक्षा तिन्हा भरोस्सेमंद विश्वासियां जो देयो जे होर लोक्कां जो सिखाणे रे काबिल हिन।

तीतुस 1:3

ते अवे बिल्कुल सही समय पर परमेश्वर ने ए सुब बसेख असा पर जाहिर कित्ते रा है ते असी इसेरा प्रचार सारे मणूआं बिच करदे। परमेश्वर जे असा जो छुटकारा दिंदे, तिन्हा ने मेरे जो ए जिम्मेदारी दित्ते री है ते तिन्हा तांइ मेरे जो ए कम्म करणे रा हुकम दित्ते रा है।