1 तीमुथियुस 1:10 - चम्बयाली नौआ नियम

¹⁰ व्यभिचारियां तांइ, दूए मर्दां कने अस्वभाविक रिश्ते बणाणे वाले मर्दां तांइ, गुलामी तांइ मणूआं जो बेचणे वाले लोक्कां तांइ, झूठ बोलणे वाले लोक्कां तांइ, झूठ्ठी कसम खाणे वाले लोक्कां तांइ ते सही शिक्षा रे उलट कुसकी भी तरिक्के रा कम्म करणे वाले लोक्कां तांइ है।

1 तीमुथियुस 1:10 ပူးပေါင်းရင်းမြစ်များ

यूहन्ना 8:44

तुसा अपणे प्यो शैतान रे पास्से का हिन ते अपणे प्यो री मर्जी जो पूरा करणा चांह्दे, से ता हमेसा का ही खून्नी है, तिसेरा सच्चाई कने कोई लैणा-दैणा नी है, किजोकी सच्चाई तिस बिच है ही नी। जां से झूठ बोलदा, तां अपणी आदत कने ही बोलदा किजोकी से झूठ्ठा है, बल्कि झूठ रा प्यो है।

रोमियों 1:26

इस तांइ परमेश्वर ने तिन्हा जो अपणे गंदे कम्म करणे री इच्छा पर छड्डी दित्तेया, इत्ते तिकर की जनानियां ने आदमियां कने अपणे कुदरती रिश्ते जो छड्डी करी दूज्जी जनानियां कने शारीरिक सम्बध बणाया।

1 तीमुथियुस 4:6

जे अगर तू संगी विश्वासियां जो इन्हा गल्लां री शिक्षां दिंदा रैह्‍ंगा, तां तैं मसीह यीशु रा खरा दास ठैहराणा ते तैं अपणे मन जो परमेश्वर रे वचन कने मजबूत करणा जिस जो असी बदिया का बदिया शिक्षा कने मनदे भी।

1 तीमुथियुस 6:3

जे अगर कोई मणू गलत शिक्षा सिखांदा ते मसीह यीशु री दित्ते री सही शिक्षा जो नी मनदा,

2 तीमुथियुस 1:13

इस गल्ल रा ध्यान रख्खो कि जे सच्ची शिक्षा तुसा ने मेरे का सुणे री हिन तुसा तिसजो अपणे आदर्श रे तौर पर पकड़ी रेयो। ए सारी चीजां प्यार ते विश्वास कने करेयो किजोकी तुसा रा रिस्ता मसीह कने है।

2 तीमुथियुस 4:3

किजोकी इदेया बेल्ला आणा जां लोक्कां ने सही शिक्षा जो सुनणा नी चाह्‍णा, पर तिन्हा ने अपणी मर्जी रे हिसाब कने चलणा ते तिन्हा शिक्षकां जो तोपणा जिन्हा ने से ही बोलणा जे से मणू सुनणा चाह्‍ंदे।

तीतुस 1:13

क्रेते टापू पर रैह्णे वाले लोक्कां रे बारे बिच ए गल्लां सच हिन, इधेरे तांइ तिन्हा जो ठीक तरिक्के कने चितौणी देई करी समझा ताकि से मणू मसीह रे बारे बिच सच्ची शिक्षा पर विश्वास करण।

तीतुस 1:9

से मसीह यीशु रे भरोस्सेमंद बसेख पर विश्वास करणे वाला मणू होणा चाएदा ते जे असा ने सिखाए रा है ताकि से बाकि मणूआं री तिस बसेख रे मुताबिक चलणे बिच मदद करे ते तिन्हा मणूआं जो सुधारे जे गलत हिन।

इब्रानियों 13:4

ब्याह जो आदर देयो, ते ब्यात्ते रे आदमी ते औरत जो अप्पु अदंर इक्क-दूए री इज्जत करणा चाएदी, ते तिन्हा जो इक्क-दूए कने भरोसेमंद रैह्णा चाएदा। किजोकी व्यभिचारी ते चरित्रहीन लोक्कां पर परमेश्वर ने इल्जाम लाणा।

यहूदा 1:7

ते ए भी याद करो कि सदोम ते अमोरा नां रे सहरां ते तिन्हेरे नेड़े-तेड़े रे सहरां कने कै होया थिया। तित्ते रे मणू अनैतिक कम्मां बिच पेई गे थिये ते हर तरिक्के री अश्लीलता रे कम्मां कने भरी गेरे थिये इधेरे तांइ परमेश्वर ने तिन्हा जो आग्ग कने तबाह करी दित्तेया। ए सारी गल्लां झूठ्ठे शिक्षकां तांइ इक्क चितौणी है कि तिन्हा जो भी हमेसा तिकर बलणे वाली आग्ग बिच तबाह कित्तेया जाणा।

प्रकाशित वाक्य 18:13

दालचीनी, मसाल्ले, धूप, इत्र, लोबान, सराब, तेल, मैदा, कणक, गाय-बैल, भेड़-बकरी, घोड़े-रथ ते व्यापारी मणू अवे लोक्कां जो गुलाम्मां रे तौर पर नी बेच्ची सकदे थिये।”

प्रकाशित वाक्य 21:27

पर तिस बिच कोई अपवित्र चीज, या बुरा कम्म करणे वाला, या झूठ रा गढणे वाला कुसकी तरिक्के कने तिस बिच आई नी सकणा, पर सिर्फ से मणू जिन्हेरे नां उरणू री जिन्दगी री कताब बिच लिख्खे रे हिन।

प्रकाशित वाक्य 21:8

पर जे मणू अप्पु पर जुल्म होणे रे डर कने मेरे पर विश्वास करणे का मुकरी जांदे, तिन्हा जो भी तिस गन्धक बिच सूटी दित्तेया जाणा। तिय्यां ही बुराई रे कम्म करणे वाले लोक्कां जो तिस गन्धक वाली आग्ग बिच सूटी दित्तेया जाणा जिन्हा ने व्यभिचार, अपणे संगी साथियां पर जादू टोणा, ते मूर्ति पूजा कित्ती हो। इसजो दुई मौत बोल्लेया जांदा।

प्रकाशित वाक्य 22:15

बाहर कूत्ते, जादू-टौणे करणे वाले, अश्लील मणू, हत्यारे, मूर्तां री पूजा करणे वाले ते झूठ बोलणे वाले होणे। से कदी भी सहर बिच नी आई सकदे।