1 थिस्सलुनीकियों 5:5 - चम्बयाली नौआ नियम

⁵ किजोकी तुसा सारे दिन री लौ जदेय धार्मिकता रे मणू हिन। असी न्याहरे जैसी बुराई ते रात रे मणू नी हिन।

1 थिस्सलुनीकियों 5:5 ပူးပေါင်းရင်းမြစ်များ

लूका 16:8

फिरी इय्यां होया कि तिस अमीर मणू ने अपणे ठग्ग मुंशी री चलाकी दिख्खी करी तिसेरी तारिफ कित्ती, किजोकी तिनिए बड़ी चलाकी कने कम्म कित्ता थिया, तिय्यां ही इस दुनिया मणू दुनियादारी री गल्लां बिच परमेश्वर रे लोक्कां का जादा चलाक हिन।

यूहन्ना 12:36

जां तिकर रौसनी तुसा रे कन्ने है, रौसनी पर विश्वास रख्खो ताकि तुसा रौसनी री सतांन बणो। ए गल्लां बोल्ली करी यीशु तित्ते का चली गे ते तिन्हा लोक्कां का दुर रे।

प्रेरितां रे कम्म 26:18

ताकि तू तिन्हेरी आख्खियां खोल्ले जिस कने से न्याहरे का रौसनी पास्से, ते शैतान रे अधिकार का निकली करी परमेश्वर पास्से फिरी जाण ताकि से तिन्हेरे पाप्पां जो माफ करण ते से मणू तिन्हा मणूआं कने जगाह् हासिल करण जे मेरे पर विश्वास करणे कने पवित्र कित्ते गेरे हिन।

इफिसियों 5:8

तुसा पैल्ले न्याहरे बिच जीणे वाले मणूआं सांई थिये, पर अवे तुसा रौसनी रे मणू हिन किजोकी तुसा परमेश्वर रे मणू हिन। इधेरे तांइ रौसनी रे मणूआं सांई जिन्दगी जियो।

1 थिस्सलुनीकियों 5:8

ते जे असी दिन जदेय धार्मिकता रे मणू हिन, असा जो प्यार ते विश्वास जो अपणी रक्षा तांइ लैणी चाएदी, जिय्यां इक्क सिपाई अपणी रक्षा तांइ इक्क झीलम जो पांदा, ते इस आस रे टोप जो तिस सिपाई सांई पाई करी इस उम्मीद बिच चुकन्ने रैह्णा चाएदा कि असी हमेसा री सजा का बचाए गेरे हिन।

1 यूहन्ना 2:8

पर फिरी भी मैं तुसा जो नौआ हुकम लिखदा, किजोकी ए सच्चाई पैल्ले मसीह बिच पाई गयी ते फिरी तुसा बिच भी पाई गे री है, किजोकी बुराई, न्याहरे सांई मिटदी जाया करदी है, ते सच्चाई, रौसनी सांई अवे चमकणा लग्गी पे री है।