1 थिस्सलुनीकियों 5:3 - चम्बयाली नौआ नियम

³ जां मणू बोलदे होणे, सब ठीक है ते चिंता री कोई गल्ल नी है, तां चाणचक्के ही मुसीबतां ने तिन्हा पर इक्क-दम ही इय्यां आई पैणा जिय्यां कुसकी दुपराणी जनानी जो पीड़ां लग्गी पैंदी ते तिन्हा ने कुसकी भी तरिक्के कने तिस मुसीबत का नी बची सकणा है।

1 थिस्सलुनीकियों 5:3 ပူးပေါင်းရင်းမြစ်များ

मत्ती 23:33

तुसा जहरिल्ले कीड़े ते जहरिल्ले किड़ेयां रे बच्चेयां सांई खतरनाक हिन, तुसा किय्यां सोचदे कि तुसा नरक री आग्ग बिच सजा भोगणे का बची जाणा।

यूहन्ना 16:21

जां कोई जनानी बच्चा जमणा लगदी तां तिसजो पीड़ां हुंदी, किजोकी से तिसेरे बड़े वरी दर्द सैहणे रा बेल्ला हुदां, पर जां से बच्चे जो जन्म देई बैन्दी तां तिसेरा दुख खुसी बिच बदली जांदा किजोकी दुनिया बिच इक्क बच्चा पैदा होया, से तिस दुख जो भूली जादीं ते से तिसजो फिरी याद नी करदी।

प्रेरितां रे कम्म 13:41

ओ बेजती करणे वालेयों, दिख्खो, ते हैरान होई करी खत्म होई जाओ, किजोकी मैं तुसा रे जुग बिच इक्क इदेया कम्म करदा, कि जे कोई तुसा कने तिसेरी चर्चा करण, तां तुसा कदी विश्वास नी करणा

2 थिस्सलुनीकियों 1:9

तिन्हा जो परमेश्वर का हमेसा तांइ अलग करी दित्तेया जाणा ते तिन्हा ने परमेश्वर री महिमामय ताकत रा अनुभव नी करी पाणा। परमेश्वर ने तिन्हा लोक्कां जो हमेसा री सजा दैणी।

इब्रानियों 12:23

ते परमेश्वर रे पैल्ली औलाद्दां री खुशहाल संगती जिन्हेरे नां स्वर्ग बिच लिख्खे गेरे हिन। ते सारेयां रा फैसला करणे वाले परमेश्वर का, ते सिद्ध कित्ते गेरे धार्मिक लोक्कां री आत्‍मा का स्वर्ग बिच आए रे हिन।

इब्रानियों 2:3

तां फिरी असी ए किय्यां सोच्ची सकदे कि जे अगर असी इस छुटकारे रे बसेख री ना-फरमानी करी के बची सकदे, जे मसीह ने अप्पु दित्तेया। असा जो ए बसेख तिन्हा लोक्कां ने दित्तया, जिन्हा ने तिन्हा जो ए सब दसदे सूणेया थिया।

2 पतरस 2:4

तुसा जाणदे कि जां बड़े लम्बे समय पैल्ले शैतान रे दूतां ने परमेश्वर रे हुकम री ना-फरमानी कित्ती थी, तां परमेश्वर तिन्हा जो तिन्हेरे कम्म तांइ सजा दित्ती थी। तिन्हा ने उन्हा सारेयां जो नरक बिच सूटी दित्तेया, ते तित्ते तिस दिन तिकर कैद करी रखणा जां तांइ से तिन्हा का हिसाब-किताब लेई सजा नी दिंदे।