1 थिस्सलुनीकियों 5:19 - चम्बयाली नौआ नियम

¹⁹ पवित्रात्मा जो लोक्कां री जिन्दगी बिच कम्म करणे का मत रोक्को।

1 थिस्सलुनीकियों 5:19 ပူးပေါင်းရင်းမြစ်များ

प्रेरितां रे कम्म 7:51

तुसा तिन्हेरी गल्ल मनणे का हमेसा टलदे, तुसा हमेसा पवित्रात्मा रा विरोध करदे जिय्यां तुसा रे बाबे-दाद्दे करदे थिये, तिय्यां ही तुसा भी करदे।

1 कुरुन्थियों 14:30

पर जे अगर मंडली बिच बैठ्ठे रे कोई मणू जो परमेश्वर रे पास्से का कोई भविष्यवाणी रा बसेख मिल्लेया करदा हो, ते तिस बेल्ले जे गल्ल करेया करदा हो से चुप्प होई जाए ते तिस मणू जो भविष्यवाणी करणा दे।

इफिसियों 4:30

अपणे कम्मां री वजह कने पवित्रात्मा जो दुखी मत करो जिन्हेरे जरिये छुटकारे वाले दिन तांइ तुसा पर मौहर लाई गे री है।

1 थिस्सलुनीकियों 5:20

जे भविष्यवाणियां परमेश्वर ने लोक्कां पर ज़ाहिर कित्ते री हिन तिन्हा जो नक्कारो मत।

1 तीमुथियुस 4:14

तुसा बिच जे आत्मिक वरदान है तिसजो नजरंदाज मत करो जे तुसा जो भविष्यवाणी रे जरिये तिस बेल्ले दित्तेया गेया थिया जां कलीसिया रे बुजुर्गां ने तुसा पर हत्थ रख्खे थिये।

2 तीमुथियुस 1:6

इधेरे तांइ मैं तुसा जो तिन्हा वरदान्नां रा फिरी चेत्ता दुआया करदा है जे तुसा जो परमेश्वर ने तां दित्ते थिये जां मैं तुसा रे सिर पर अपणा हत्थ रख्खेया थिया।