1 थिस्सलुनीकियों 5:13 - चम्बयाली नौआ नियम

¹³ जे कम्म से मणू तुसा तांइ करदे तिन्हा कम्मां री वजह कने तिन्हेरी इज्जत ते तिन्हा कने प्यार करो। अप्पु-मिते इक्क-दूए कने खरा बर्ताव करेया करो।

1 थिस्सलुनीकियों 5:13 ပူးပေါင်းရင်းမြစ်များ

मत्ती 10:40

जे तुसा जो अपणाई लिंदा, से मेरे जो अपणाई लिंदा, अते जे मेरे जो अपणांदा से मेरे भेजणे वाले जो अपणाई लिंदा।

मरकुस 9:50

लूण खरा है, पर जे लूण रा सुआद बिगड़ी जाओ, तां तिसजो कुस चीज कने लूणका बणाई सकदे? तुसा बिच लूण री खासियत होणा चाएदी ते अप्पु मिते भाईचारे कने रेयो।”

यूहन्ना 15:17

मैं तुसा जो ए हुकम इधेरे तांइ देया करदा ए ताकि तुसा इक्क-दूज्जे कने प्यार करो।”

2 कुरुन्थियों 13:11

ओ मेरे संगी विश्वासियों, खुस रेयो; ते मसीह बिच विश्वास करणे बिच सिद्व बणदे जाओ; अप्पु-मिते इक्क मन बणी करी रेयो, ते प्यार ते सांती दैणे वाले परमेश्वर तुसा कने रैह्णा।

गलातियों 4:14

हालांकि मेरी शरीरी कमजोरी तुसा तांइ परेसानी ही थी पर तुसा फिरी भी मेरे जो तुच्छ नी समजेया ते ना ही मेरे जो छड्डेया, पर तुसा ने मेरे जो इस तरिक्के कने अपणाया जिय्यां की परमेश्वर रे कुसकी स्वर्गदूत जो या फिरी अप्पु मसीह यीशु जो अपणाया हुंदा।

गलातियों 5:22

पर पवित्रात्मा का पैदा होणे वाला स्वभाव बिच प्यार, आनंद, सांती, सबर, दया, नेकी, ते विश्वास है।

गलातियों 6:6

जे मणू परमेश्वर रे वचन री शिक्षा पाया करदे हिन, तिन्हा जो हर इक्क ठीक चीजां अपणे सिखाणे वालेयां कने बडंणी चाएदी।

इफिसियों 4:3

ते पवित्रात्मा रे पास्से का मिल्ले री सांती जो बणाई रखणे तांइ अप्पु-मिते मिली-जुली करी रेयो।

कुलुस्सियों 3:15

अप्पु जो तिस सांती रे वस बिच करी देयो जे मसीह का मिलदी, किजोकी तुसा सारे ही इक्क ही सरीर रे हिस्सा हिन ते तुसा सारे इक्क-दूए कने सांती कने रैह्णे तांइ सद्दे गेरे हिन।

1 थिस्सलुनीकियों 5:14

ओ संगी विश्वासियों, असी तुसा का घड़ी-घड़ी बिनती करदे कि आलसी लोक्कां जो सावधान करो, डरपोक लोक्कां जो हिम्मत देयो, कमजोर लोक्कां री मदद करो ते सारेयां कने सबर कने रेयो।

2 थिस्सलुनीकियों 3:16

प्रभु जे सांती दैणे वाला है, मैं तिन्हा का प्रार्थना करदा कि से तुसा जो हमेसा ते हर तरिक्के री सांती दिंदे रैह्ण, ते प्रभु तुसा सारे जणेया कने रैह्ण।

2 तीमुथियुस 2:22

इधेरे तांइ जुआन्नी री बुरी इच्छा का दुर रेयो ते जे मणू प्रभु रा नां लिंदे रैह्‍न्दे तिन्हा मणूआं कने धार्मिकता, ते विश्वास, ते प्यार ते मेल जोल री कोसीस बिच रेयो।

इब्रानियों 12:14

सारेयां कने मेल जोल रख्खो, ते पवित्र जिन्दगी बिताणे री कोसीस करो, किजोकी तिसेरे बगैर कुसकी ने कदी भी परमेश्वर जो नी दिखणा।

याकूब 3:18

मेल-मिलाप कराणे वाले तिस सांती रे बीह् जो बांदे ते पवित्रता री फसल कटदे।