1 थिस्सलुनीकियों 5:11 - चम्बयाली नौआ नियम

¹¹ इधेरे तांइ इक्क-दूज्जे जो उत्साहित करो ते परमेश्वर बिच विश्वास करणे बिच बधणे तांइ मदद करो, जदेया कि तुसा करदे भी।

1 थिस्सलुनीकियों 5:11 ပူးပေါင်းရင်းမြစ်များ

रोमियों 14:19

इधेरे तांइ असा जो तिन्हा गल्लां जो करणे बिच लग्गी रैह्णा चाएदा, जिन्हा कने मणू मिली जुली करी रे, ते सारेयां रा विश्वास मजबूत हो।

रोमियों 15:14

ओ मेरे संगी विश्वासियों, मैं अप्पु ही तुसा रे बारे बिच पक्के तरिक्के कने जाणदा, कि तुसा अप्पु भी भलाई कने भरपूर हिन, ते जे गल्लां परमेश्वर जे तुसा का चाह्‍ंदे, तिन्हा जो जाणदे, ताकि इक्क दूए जो सिखाई सको।

रोमियों 15:2

असा जो अपणे संगी विश्वासियां रे भले तांइ सोचणा चाएदा। ते से चीजां करणी चाएदी जिस कने से मणू खुस हुंदे, ते दुज्जेया री मदद करणी चाएदी, ताकि तिन्हेरा विश्वास मजबूत हो।

1 कुरुन्थियों 10:23

जिय्यां कि तुसा बोलदे कि असा जो सब किच्‍छ करणे री अजादी है, हाँ, पर सब किच्‍छ करणा असा तांइ खरा नी है। असा जो सब किच्‍छ करणे री अजादी ता है, पर सब किच्‍छ परमेश्वर बिच असा रे विश्वास जो मजबूत नी करदा।

1 कुरुन्थियों 14:12

इधेरे तांइ तुसा भी जां आत्मिक वरदानां री धुन बिच हिन तां ए कोसीस करो कि इन्हा वरदान्नां री वजह कने पूरी कलीसिया रे तरक्की हो।

1 कुरुन्थियों 14:29

भविष्यवाणी करणे वालेयां बिच का सिर्फ दो या त्रै जणे ही बोल्ले, ते बाकि विश्वासी तिन्हेरी गल्लां जो परखे।

1 कुरुन्थियों 14:5

मैं चाह्‍ंदा की तुसा बखरी-बखरी भाषा बिच गल्लां करों पर इसका जादा मैं ए चाह्‍ंदा कि तुसा भविष्यवाणी करो किजोकी जे अगर बखरी-बखरी भाषा बोलणे वाला मणू कलीसिया बिच तिसेरा मतलब ना समजाए जे से बोल्लेया करदा है, तां भविष्यद्वक्ता तिसका जादा बधी करी है।

2 कुरुन्थियों 12:19

ओ प्यारे विश्वासियों, तुसा हल्ले तांइ समजदे हो कि असी तुसा जो हटी करी जवाब देया करदे हिन। असी तां ए सोच्ची करी कि परमेश्वर असा जो दिख्खेया करदे हिन, मसीह यीशु बिच बोलदे, अते असी सारी गल्लां तुसा जो मसीह बिच विश्वास करणे बिच मजबूत बणाणे तांइ ही बोलदे।

इफिसियों 4:12

तिन्हा ने ए दान इधेरे तांइ दित्ते ताकि से परमेश्वर रे लोक्कां जो तिन्हेरे तांइ कम्म करणे तांइ तैयार करी सकण, ते से मसीह रे सरीर रे रुप बिच पूरी तरह कने पकी जाण ते ताकतवर बणी सकण।

इफिसियों 4:16

असी सारे जणे जे मसीह यीशु बिच विश्वास करदे, तिन्हेरे सरीर रे हिस्से सांई हिन। जिय्यां कुसकी मणू रा सरीर जोड़ां री वजह इक्क गठ्ठ होई करी रैह्न्दा, ते जां सरीर रा हर इक्क हिस्सा सही तरिक्के कने कम्म करदा, तां सरीर बदधा ते मजबूत बणदा जांदा, तिय्यां ही जां असा बिच का हर इक्क जणा सही तरिक्के कने से कम्म करदा जे मसीह ने असा जो दित्ते रा है, तां असा ने भी ताकतवर, परिपक्व होणा ते इक्क-दूए कने प्यार करणा।

इफिसियों 4:29

कोई गंदी गल्ल तुसा रे मुँह का ना निकले पर जे भी तुसा बोल्लो से गल्ल ठीक ते दूज्जेयां तांइ मददगार हो ताकि सुनणे वालेयां जो सुणी करी होंसला मिल्ले।

1 थिस्सलुनीकियों 4:10

ओ संगी विश्वासियों, तुसा पैल्ले ही मकिदुनिया प्रदेश बिच रैह्णे वाले सारे संगी विश्वासियां पर अपणा प्यार ज़ाहिर कित्ते रा है, ते असी तुसा जो इक्क-दूए कने प्यार करणे बिच बधणे तांइ उत्साहित करदे।

1 थिस्सलुनीकियों 4:18

इधेरे तांइ इन्हा गल्लां कने इक्क-दूए जो तसल्ली दिंदे रेयो।

इब्रानियों 10:25

ते इक्क-दूए कने संगती रखणा ना छड्डे, जिय्यां की मते जणेया ने संगती रखणा छड्डी भी दित्ते रा है, पर इक्क-दूए जो प्रोत्साहन दिंदे रैह्णा चाएदा। ते जिय्या-जिय्यां तुसा परमेश्वर रा हटणे रे समय जो नेड़े आया करदा है, तिय्यां-तिय्यां इक्क-दूए जो जादा का जादा प्रोत्साहन देया करो।

इब्रानियों 3:13

बल्कि हर रोज इक्क-दूए जो प्रोत्साहन देयो। पाप री वजह कने धोखा मत खांदे, ते कदी ढीठ मत बणदे। इधेरे तांइ हर रोज, इक्क-दूए जो हिम्मत बंधाओ।

2 पतरस 1:12

हालांकि तुसा इन्हा गल्लां जो पैल्ले का जाणदे, ते तिन्हा शिक्षां जो मन्नेया करदे हिन जे तुसा जो मणूआं ने सिखाई री है, मैं तुसा जो तिन्हेरी याद दुआंदा रैह्‍ंगा।

यहूदा 1:20

पर प्यारे दोस्तों, तिन्हा पवित्र शिक्षां रे आधार पर इक्क-दूए जो प्रोत्साहित ते इक्क-दूए री मदद करदे रेया करो जिस पर तुसा ने विश्वास कित्तेया ते जिस बिच तुसा पवित्रात्मा रे बोल्ले प्रार्थना भी करदे।