1 थिस्सलुनीकियों 5:10 - चम्बयाली नौआ नियम

¹⁰ प्रभु यीशु मसीह असा तांइ इधेरे तांइ मरे ताकि भले ही असी जिन्दे होण या मरी गेरे होण पर जां यीशु मसीह हटी करी आए तां असी तिन्हा कने मिली करी जीण।

1 थिस्सलुनीकियों 5:10 ပူးပေါင်းရင်းမြစ်များ

मत्ती 20:28

जिय्यां मणू रा पुत्तर, जे मैं ही है से इस तांइ नी आया कि उसेरी सेवा-टहल कित्ती जाए, पर इस तांइ आया कि अप्पु सेवा टहल करे ते मते जणेया रे छुटकारे तांइ अपणी जान देई दे।

यूहन्ना 10:11

खरा पुहाल मैं है, खरा पुहाल अपणी भेड़ां तांइ हमेसा अपणी जान दैणे तांइ तैयार रैहन्दा।

यूहन्ना 10:15

जिय्यां प्यो मेरे जो जाणदा ते मैं प्यो जो जाणदा, ते मैं अपणी भेड़ां तांइ हमेसा जान दैणे तांइ तैयार रैहन्दा।

यूहन्ना 10:17

प्यो इस तांइ मेरे कने प्यार करदा किजोकी मैं अपणी जान दिंदा ताकि मैं फिरी जिन्दा होई जां।

यूहन्ना 15:13

इसका बड्डा प्यार होर कुसकी रा नी, कि कोई अपणे दोस्तां तांइ अपणी जान देई देयो।

रोमियों 8:34

इदेया कोई नी है जे असा पर सजा रा हुकम देई सके, किजोकी से मसीह यीशु ही हिन जे असा तांइ मरे ते मुर्देयां बिच का जिन्दे होई गे, ते परमेश्वर रे सज्जे पास्से बैठ्ठे रे हिन, ते असा तांइ बिनती करेया करदे हिन।

1 कुरुन्थियों 15:3

इसी वजह कने मैं सबका पैल्ले तुसा जो से ही गल्ल दस्सी दित्ती, जे मेरे जो मसीह ने दस्सी थी कि पवित्रशास्त्र रे वचन रे हिसाब कने यीशु मसीह असा रे पाप्पां तांइ मरे,

2 कुरुन्थियों 5:15

ते मसीह इधेरे तांइ सारेयां तांइ मरेया कि जे मणू जिन्दे हिन, से अग्गे जो अपणे तांइ ना जिन्दगी ना जीण पर तिन्हेरे तांइ जीण जे तिन्हेरे तांइ मरेया ते फिरी मरे रे लोक्कां बिच का जिन्दा होई गेया।

2 कुरुन्थियों 5:21

मसीह जे पाप का अनजाण थिये, तिन्हा ही जो परमेश्वर ने असा तांइ पाप्पी ठैहराया ताकि परमेश्वर असा जो मसीह रे कित्ते रे कम्मां रे जरिये धार्मिक ठैहराण।

इफिसियों 5:2

जिय्यां मसीह यीशु ने तुसा कने प्यार कित्तेया, तिय्यां ही तुसा भी सारेयां कने प्यार करो। मसीह ने अप्पु जो तुसा रे पाप मिटाणे तांइ कुर्बान करी दित्ता ते से कुर्बानी परमेश्वर रे सामणे इक्क खुशबूदार भेंट सांई थिया।

1 थिस्सलुनीकियों 4:13

ओ संगी विश्वासियों, असी ए चाह्‍ंदे कि तुसा इस गल्ल जो समझो कि जे विश्वासी भाई अवे मरी चुके रे हिन तिन्हा कने कै होणा। तुसा अविश्वासी लोक्कां सांई मत बणो। से तिन्हेरे मरणे पर बड़ा जादा मातम करदे किजोकी तिन्हेरे फिरी जिन्दे होणे री आस नी करदे।

1 थिस्सलुनीकियों 4:15

किजोकी असी तुसा जो प्रभु यीशु रे वचन रे हिसाब कने दस्सेया करदे हिन कि जां मसीह यीशु ने हटणा तां असा जिन्दे लोक्कां का पैल्ले मुर्देयां बिच का जिन्दे कित्ते गेरे लोक्कां ने मसीह यीशु कने मिलणा।

1 थिस्सलुनीकियों 4:17

तां असी जे जिन्दे विश्वासी होणे तिन्हा कने ही बदलां पर चुक्की लित्ते जाणे ताकि आसमान बिच प्रभु कने मिलण, ते इसी तरिक्के कने असी हमेसा तांइ प्रभु यीशु कने रैह्णा।

1 थिस्सलुनीकियों 5:6

इधेरे तांइ असी दूज्जेयां सांई प्रभु रे आणे रे समय तांइ सोन्दे ते बगैर तयारी रे ना रैह्ण, पर जागदे होए ते चुकन्ने रैह्ण।

1 तीमुथियुस 2:6

सारे लोक्कां शैतान ते पाप रे काबू का छुड़ाणे तांइ मसीह ने अप्पु जो कुर्बान कित्तेया ते तिन्हेरी कुर्बानी सही समय इस गल्ल रा सबूत थी कि परमेश्वर सारे लोक्कां जो छुटकारा दैणा चाह्‍ंदे थिये।

2 तीमुथियुस 2:11

ए गल्ल सच्ची ते भरोस्सेमंद है कि जे अगर असी मसीह कने मरी गेरे हिन, तां असी तिन्हा कने जिन्दे भी होई जाणा।

तीतुस 2:14

जिन्हा ने असा जो पाप री ताकत का छुटकारा दैणे तांइ अप्पु जो कुर्बान करी दित्ता ते असा जो धार्मिक ठैहराया ताकि असी तिन्हेरे अपणे खास मणू बणी जाण जिन्हा बिच ठीक कम्म करणे री बड़ी वरी इच्छा है।

1 पतरस 2:24

जां मसीह मरे, तां तिन्हा जो असा रे पाप्पां री सजा तांइ सुली पर चढाया गेया थिया। तिन्हा ने ए इधेरे तांइ कित्तेया थिया ताकि असी पाप करणा छड्डी दैण ते धार्मिकता कने जीणा सुरु करी दैण। जिन्हा जख्मां जो तिन्हा ने सहन कित्तेया, तिन्हेरी वजह कने असी ठीक होए।

1 पतरस 3:18

मैं ए इधेरे तांइ बोल्लेया करदा है किजोकी मसीह ने असा रे पाप्पां रे बदले जुल्म सैह्‍ण कित्तेया ते मारे गे। से इक्क ही वरी मरे ते तिय्यां दुबारा करणे री जरुरत नी है। से अप्पु धार्मिक थिये जिन्हा असा जो परमेश्वर रे नेड़े अणने तांइ असी पाप्पी लोक्कां तांइ अपणी जान देई दित्ती। लोक्कां ने तिन्हेरे सरीर जो मारी छड्डेया पर तिन्हेरी आत्‍मा हल्ले भी जिया करदी है।