1 थिस्सलुनीकियों 4:8 - चम्बयाली नौआ नियम

⁸ जे मणू इन्हा शिक्षाओं जो नी मनदा से कुसकी इन्सान जो नी पर परमेश्वर जो तुच्छ मनदा जे तुसा जो अपणा पवित्रात्मा दिंदे।

1 थिस्सलुनीकियों 4:8 ပူးပေါင်းရင်းမြစ်များ

लूका 10:16

यीशु ने ए भी बोल्लेया, कि जे मणू तुसा री गल्लां पर विश्वास करगा, इसेरा मतलब ए होणा कि तिनिए मेरे पर भी विश्वास करी लेया, ते जे तुसा जो नक्कारी दिंदा, तिनिए मेरे जो भी नक्कारी दित्तेया, ते जे मेरे जो नक्कारी दिंदा, तिसेरा मतलब ए होणा कि तिनिए मेरे भेजणे वाले परमेश्वर जो भी नक्कारी दित्तेया।

यूहन्ना 12:48

जे मेरे जो निक्कमा मनदा ते मेरी गल्लां नी मन्दा, तिसजो गलत ठैहराणे वाला तां इक्क है उन्निए ही आखरी दिन बिच तिसजो गलत ठहराणा।

प्रेरितां रे कम्म 13:41

ओ बेजती करणे वालेयों, दिख्खो, ते हैरान होई करी खत्म होई जाओ, किजोकी मैं तुसा रे जुग बिच इक्क इदेया कम्म करदा, कि जे कोई तुसा कने तिसेरी चर्चा करण, तां तुसा कदी विश्वास नी करणा

रोमियों 5:5

ते इस आस कने असा जो निराशा नी हुंदी, किजोकी परमेश्वर ने असा जो पवित्रात्मा दित्ते रा है, जे असा रे मन जो परमेश्वर रे प्यार कने भरी दिंदा।

1 कुरुन्थियों 2:10

पर परमेश्वर ने तिन्हा जो पवित्रात्मा रे जरिए असा पर जाहिर कित्तेया, किजोकी पवित्रात्मा सब गल्लां जो, बल्कि परमेश्वर री गहराई री गल्लां जो भी जांचदा।

1 कुरुन्थियों 7:40

पर जे अगर से बगैर ब्याए ही रेह्न्दी, तां मैं समजदा कि से होर भी जादा खरा है। मेरे जो कि मैं परमेश्वर रे पास्से का तुसा जो ए सब किच्‍छ सिखाया करदा है।

2 कुरुन्थियों 1:22

जिन्हा ने असा पर मौहर भी लाई ते अमानत रे तौर पर असा जो पवित्रात्मा जो दित्ता।

गलातियों 4:6

अवे असी जे तिन्हेरे अपणे औलाद हिन इधेरे तांइ परमेश्वर ने अपणे आत्‍मा जो असा रे दिल बिच पाए रा है, जे असा जो ओ अब्बा ते ओ पिता करी के पुकारदा।

1 पतरस 1:12

पर परमेश्वर ने तिन्हा भविष्यद्वक्तां जो ए दस्सेया कि ए बसेख तिन्हा तांइ नी पर तुसा लोक्कां तांइ है। से बसेख मसीह यीशु रा सुब बसेख है जिस जो अवे तुसा सुणी चुके रे हिन। तुसा जो सुब बसेख सुनाणे तांइ लोक्कां री मदद तांइ परमेश्वर ने स्वर्ग का अपणे पवित्रात्मा जो भेज्जेया थिया। स्वर्गदूत भी इन्हा गल्लां जो बड़े उत्तेजित होई करी दिख्खेया करदे हिन।

2 पतरस 1:21

किजोकी कदी भी कोई भविष्यवाणी अप्पु कुसकी मणू रे पास्से का नी हुंदी। पर पवित्रात्मा लोक्कां रे मन जो उकसाई दिंदा जिस बेल्ले से परमेश्वर रे बसेख जो सुणाया करदे हुंदे।

1 यूहन्ना 3:24

जे तिसेरे हुकमां जो मनदा, से परमेश्वर कने बणी रैहन्दा ते परमेश्वर तिस मणू बिच बणी रैहन्दा ते इस तरिक्के कने पवित्रात्मा रे जरिए जिस जो परमेश्वर ने असा जो दित्तेया है, असी ए जाणदे कि असा रा परमेश्वर कने रिस्ता बणे रैहन्दा।

यहूदा 1:8

तिय्यां ही मसीह यीशु बिच विश्वास करणे रा ढोंग करणे वाले मणू ए दावा करदे कि परमेश्वर ने दर्शन देई करी ए बोलदे कि असी अनैतिक जिन्दगी जी करी अपणे शरीरां जो भिठ्ठा करी सकदे। से नी चाह्‍ंदे कि कोई तिन्हा पर हक जताए ते से मणू महिमामय स्वर्गदूतां रे बारे बिच गलत गल्लां बोलदे।