1 थिस्सलुनीकियों 4:7 - चम्बयाली नौआ नियम

⁷ किजोकी परमेश्वर ने असा जो अपवित्रता री जिन्दगी जीणे तांइ नी पर पवित्रता री जिन्दगी जीणे तांइ सद्दे रा है।

1 थिस्सलुनीकियों 4:7 ပူးပေါင်းရင်းမြစ်များ

रोमियों 1:7

मैं ए चीठ्ठी रोम सहर बिच रैह्णे वाले तुसा सारे विश्वासियां जो लिख्खेया करदा है, जिन्हा जो परमेश्वर प्यार करदे ते जिन्हा जो तिन्हा ने अपणे मणू बणने तांइ चुणे रा है। परमेश्वर पिता ते मसीह यीशु तुसा जो अनुग्रह ते सांती दैण।

गलातियों 5:19

सरीर रे बुरी इच्छा ता जाहिर ही हिन, मतलब कि व्याभिचार, गन्दे काम्म, अय्याशी करणा,

इफिसियों 1:4

दुनिया रे बणाए जाणे का पैल्ले ही परमेश्वर ने मसीह कने असा रा रिस्ता बणाणे रे जरिये चुणेया ताकि असी परमेश्वर रे सामणे पवित्र ते बेकसूर ठैहरे।

इफिसियों 2:10

किजोकी परमेश्वर ने असा जो बणाए रा है ते मसीह यीशु रे जरिये तिन्हा नौए मणू सांई तिन्हा भले कम्मां जो करणे तांइ बणाए गेरे हिन जिन्हा जो परमेश्वर ने इधेरे तांइ तैयार कित्ता कि असी से पूरे करण।

इफिसियों 4:1

इधेरे तांइ मैं जे प्रभु री सेवा करणे री वजह कने कैद बिच है, तुसा रे छन्दे करदा कि जिस बुलाह्ट कने तुसा सद्दे गे थिये, तिस जोग्गी चालचलन बणाई रख्खो,

इफिसियों 4:19

किजोकी से मणू बड़े वरी बेशर्म होई गे हिन इधेरे तांइ से अय्याशियां करणे बिच लग्गी रैह्‍न्दे। से मणू हर तरिक्के रे गंदे कम्म करदे ते से मणू इसका होर भी जादा अय्याशी करणा चाह्‍ंदे।

1 थिस्सलुनीकियों 2:3

किजोकी असा रा उपदेस ना वहम कने है ते ना गलत इराद्दे कने, ते ना छल कने है।

2 तीमुथियुस 1:9

परमेश्वर ने असा जो छुटकारा दित्तेया ते असा जो इक्क पवित्र जिन्दगी जीणे तांइ सद्दे रा है। तिन्हा ने असा जो इधेरे तांइ नी चुणेया कि असी कोई भलाई रे कम्म कित्ते थिये, पर तिन्हा ने असा जो अपणे मकसद ते अनुग्रह री वजह कने चुणेया। परमेश्वर ने मसीह यीशु जो धरती पर भेजणे रे जरिये असा जो अपणा अनुग्रह दिखाणे रा मकसद इस दुनिया जो बणाणे का पैल्ले ही करी लित्तेया थिया।

इब्रानियों 12:14

सारेयां कने मेल जोल रख्खो, ते पवित्र जिन्दगी बिताणे री कोसीस करो, किजोकी तिसेरे बगैर कुसकी ने कदी भी परमेश्वर जो नी दिखणा।

2 पतरस 2:10

परमेश्वर ने पक्के तौर पर तिन्हा झूठ्ठे शिक्षकां जो सजा दैणी जे मणू अपणी बुरी ते अश्लील इच्छां रे हिसाब कने चलदे ते परमेश्वर जो नक्कारदे। से मणू ढीठ ते घमंडी हिन। से मणू स्वर्ग बिच रैह्णे वाले महिमामय प्राणियां रे बारे बिच गलत गल्लां बोलणे का नी डरदे।